ბათუმელებს ლეგენდარული ანსამბლის მოცეკვავები ცეცხლოვან შოუს დღესაც წარუდგენენ.
„ანატოლიის ცეცხლი“ ერთ-ერთ საუკეთესო საცეკვაო ჯგუფია, რომელმაც არაერთხელ დაიმსახურა მაღალი შეფასებები მსოფლიოს ისეთ დიდ სცენებზე, როგორიც არის Madison Square Garden (ნიუ-იორკი), Chicago Theater (ჩიკაგო), Palais des congrès და Bercy Arena (პარიზი) Forest National (ბრიუსელი) და ა.შ.
„ანატოლიას თურქეთის აზიურ ნაწილს ეძახიან. ამ პროექტის წყაროც, სწორედ, ანატოლიის ანტიკური მითოლოგიაა. პროექტი აერთიანებს ასობით ფოლკლორულ ცეკვასა და მუსიკას სხვადასხვა რეგიონიდან და მოცეკვევეებს მთელი მსოფლიოდან, რაც მას კიდევ უფრო უნიკალურს ხდის. აღსანიშნავია, ჯგუფში 10 ქართველია, ეს კიდევ უფრო მეტ ინტერესს სძენს ქართველი მაყურებლებისვის დაგეგმილ კონცერტებს. კავკასიელებს ცეკვა ძალიან უყვართ. ცეკვის ენა უნივერსალურია. შეიძლება ითქვას, რომ “ანატოლიის ცეცხლის“ მთავარი მიზანია, დაანახოს სამყაროს სიყვარულის, კულტურის ისტორიისა და მშვიდობის ანატოლიური ანტიკური მოზაიკა“, - აღნიშნავს პროექტის ხელმძღვანელი სელაჰატინ ათალაი, რომელიც ლეგენდარული თურქული ანსამბლის უნიკალურობასა და საქართველოში დაგეგმილ გასტროლებზე საუბრობს.
„ანატოლიის ცეცხლი“ 1999 წელს შეიქმნა და მათ უწოდებნენ „ცეკვის სულთანებს“, 750 აპლიკატიდან შეირჩა 90 მოცეკვავე. მოცეკვავეთა შრომისმოყვარეობამ (8-16 საათი დღეში) შედეგი გამოიღო და ახლა „ანატოლიის ცეცხლი“ მთელ მსოფლიოშია ცნობილი. ანსამბლი გვთავაზობს არამხოლოდ ფოლკლორულ, არამედ ბალეტსა და თანამედროვე ცეკვებს. ანსამბლის ხელმძღვანელია მუსტაფა ერდოღანი.
ლეგენდალური ჯგუფი 16-17 დეკემბერს თბილისს ეწვევა და კონცერტები თბილისის ფილარმონიის საკონცერტო დარბაზში გაიმართება.
ჯგუფის საგასტროლო ტურნეს მხარდამჭერია საქართველოში თურქეთის საელჩო. ტურნე საქართველო-თურქეთს შორის დიპლომატიური ურთიერთობის 25 წლის იუბილეს ეძღვნება.
https://biletebi.ge/fire-of-anatolia/anatoliis-tsetskhli-fire-of-anatolia