#ერთადერთმანეთისთვის - 30 მაისს გაფანტული სკლეროზის საერთაშორისო დღეს საქართველოც შეუერთდა

ამბები

1 ივნისი 16:01

გაფანტული სკლეროზის საერთაშორისო დღესთან დაკავშირებით, პრესკონფერენცია გაიმართა. ღონისძიება კამპანიის „ერთად ერთმანეთისთვის“ ფარგლებში მოეწყო და სოციალურ პროექტში სახელმწიფოსა და საზოგადოების აქტიურ ჩართულობას უკავშირდებოდა. 

პრეკონფერენციაზე სიტყვით გამოვიდნენ: თბილისის სახელმწიფო სამედიცინო უნივერსიტეტის კლინიკური ნევროლოგიის დეპარტამენტის პროფესორი, მარინა ჯანელიძე და გაფანტული სკლეროზით დაავადებულ პაციენტთა კავშირის  წარმომადგენლები - მაია მგელაძე, გიორგი ჩიქვანაია და მარიკა  ქაჯაია.


ღონისძიებას ასევე ესწრებოდნენ და საკუთარი მოსაზრება დააფიქსირეს ქალაქ თბილისის მუნიციპალიტეტის საკრებულოს და სოციალურ საკითხთა კომისიის ხელმძღვანელმა გიორგი ბირბიჩაძემ,  ექიმებმა, პროექტში ჩართულმა კეთილი ნების ელჩებმა, მედიაპარტნიორებმა და სხვა.


მნიშვნელოვანია, რომ გაფანტული სკლეროზის  გამოვლენის მიზნით, გლობალური აქცია მსოფლიოს მასშტაბით, სახელწოდებით,  „ერთად ერთმანეთისთვის - Bringing us closer“  მიმდინარეობს. კამპანიის მიზანს, დაავადების შესახებ საზოგადოების ინფორმირებულობის დონის ამაღლება, მისი დროული დიაგნოსტიკა და ადეკვატურ მკურნალობაზე ხელმისაწვდომობის უზრუნველყოფა  წარმოადგენს. დღეს საზოგადოებას არ აქვს საკმარისი ინფორმაცია გაფანტული სკლეროზის და მისი თანმდები  სირთულეების შესახებ, უფრო მეტიც, დაავადების სახელწოდება  საზოგადოების ერთი ნაწილისთვის დამაბნეველიც კი არის.


„ვფიქრობ, დღევანდელი დღე ძალიან მნიშვნელოვანია, რადგან გაცილებით ბევრი ადამიანი გაიგებს ამ დაავადების და მისგან გამოწვეული პრობლემების შესახებ. მნიშვნელოვანია,რომ ყველა ადამიანს ჰქონდეს ზუსტი ინფორმაცია, თუ რეალურად, რას ნიშნავს „გაფანტული სკლეროზი“, თუ რამდენად დიდი მნიშვნელობა აქვს დაავადების ნაადრევ დიაგნოსტირებას.  უპირველესად, აუცილებელია აქტიური კამპანიის წარმოება, რათა საზოგადოებაში ამაღლდეს ცნობიერება დაავადების შესახებ.  როგორც თბილისის საკრებულის წარმომადგენელი მზად ვარ, აქტიურად ვითანამშრომლო. დღეს იყო პირველი შეხვედრა, მთავარია ჩვენს შორის შედგა კომუნიკაცია. მსგავსი ტიპის შეხვედრები,  აუცილებელია, როგორც საზოგადოებისთვის, ასევე სახელმწიფოსთვისაც, რათა მან შესაბამისი ყურადღება გამოიჩინოს პაციენტებისადმი,“ - აღნიშნა გიორგი ბირბიჩაძემ.


დაავადებით გამოწვეულ პრობლემებს შეეხნენ მედიკოსებიც. „დღევანდელი დღე ვფიქრობ,ხელს შეუწყობს ცნობადობის გაზრდას დაავადების შესახებ,  ყველამ  კარგად წარმოიდგინოს თუ რას ნიშნავს ეს დაავადება და თუ რა პრობლემის მატარებელია. უნდა გავითვალისწინოთ ისიც, რომ გაფანტული სკლეროზი ახალგაზრდა, 20-40 წლამდე ასაკის მქონე ადამიანების დაავადება, მკურნალობის არარსებობის პირობებში,ძალიან ბევრი პაციენტი ცხოვრებას მძიმე  ფიზიკური უნარშეზღდუდულობით აგრძელებს, რაც საბოლოო ჯამში ინვალიდობის საკმაოდ მძიმე ხარისხით ვლინდება. ადეკვატური, თანამედროვე მედიკამენტების გამოყენებით კი, შესაძლებელია, რომ ტრამვის მძიმე ხარისხი თავიდან ავიცილოთ,“ - განმარტა თბილისის სახელმწიფო სამედიცინო უნვერსიტეტის კლინიკური ნევროლოგიის დეფერტამენტის პროფესორმა მარინა ჯანელიძემ.


„აღსანიშნავია,რომ გაფანტულ სკლეროზთან ბრძოლის საერთაშორისო დღე მთელი მსოფლიოს მასშტაბით გაიმართა.   ძალიან სასიამოვნოა,რომ ამ პრობლემას გამოეხმაურა საქართველოც, გაფანტული სკლეროზის მქონე პაციენტთა ასოციაცია და ასეთი ძალიან საინტერესო ღონისძიება მოაწყო,რომლის მიზანია ჩვენს საზოგადოებაში გაფანტული სკლეროზის შესახებ ცნობიერების ამაღლება. ეს ერთ-ერთი სერიოზული და ყურადსაღები ნერვოლოგიური დაავადებაა. ძალიან ხშირად ამ დაავადებას სწორად არ აღიქვამენ და შესაბამისად, საკმაოდ  მნიშვნელოვანია ასეთი საინფორმაციო კამპანიები, რომელსაც სამომავლოდ  შედეგი ექნება ამ დაავადებასთან ეფექტური ბრძოლის თვალსაზრისით,“ - ამბობს თბილისის სახელმწიფო უნივერსიტეტის პროფესორი ალექსანდრე ცისკარიძე.


პრესკონფერენციაზე ასევე დაანონსდა კამპანიის ფარგლებში სოციალურ ქსელში დაგეგმილი აქტივობის  #ერთადერთმანეთისთვის შესახებ. აქტივობა მოწოდების სახის მატარებელია, რათა საზოგადოების ჩართულობით მოხდეს დაავადების შესახებ ინფორმაციის გაცვლა-გაზიარება და ამით გაფანტული სკლეროზით დაავადებული პაციენტებისთვის მხარდაჭერის გამოცხადება.


პრესკონფერენციის დასასრულს, გაიმართა ვიდეო რგოლის პრეზენტაცია, რომლის ძირითადი მონაწილეები არიან პაციენტები და საზოგადოებისთვის ცნობილი სახეები: დავით ლორთქიფანიძე, ანა კოშაძე, ია სუხიტაშვილი, ზურა ბალანჩივაძე (ზურიუსი), გოგა ჩანადირი, გია ჯაჯანიძე, ეკა ტოგონიძე, თეონა დოლენჯაშვილი, ფრიდონ სულაბერიძე და სხვები. ისინი ერთვებიან პროექტში კეთილი ნების ელჩებად, რათა ერთად მოუწოდონ სახელმწიფოს მკურნალობის ხელმისაწვდომობის გაზრდისკენ პაციენტებისთვის სიცოცხლის ხარისხის გაუმჯობესებისა და უნარშეზღუდობის პროგრესირების შემცირების მიზნით.


ინფორმაცია გაფანტული სკლეროზის შესახებ


გაფანტული სკლეროზი ქრონიკული, პროგრესირებადი ნევროლოგიური დაავადებაა და მსოფლიოში დაახლოვებით 2.3 მილიონი ადამიანია დაავადებული ამ პათოლოგიით.   პირველი სიმპტომები უპირატესად  20-დან 40 წლის ასაკის პერიოდში ვლინდება და ამიტომაც გაფანტული სკლეროზი არატრავმული უნარშეზღუდულობის ძირითადი მიზეზია ახალგაზრდებში.  არსებობს დაავადების რამოდენიმე ფორმა:


· რეციდიულ-რემისიული ფორმა -  ყველაზე ხშირია (80-85%).  დაავადება პერიოდულად მწვავდება (რეციდივი), ტვინის სხვადასხვა უბანში ჩნდება ანთებითი კერა, შემდეგ კი ანთება ცხრება და დაავადება რემისიის (დაავადებისგან თავისუფალი პერიოდი) ფაზაში გადადის. რემისია რამოდენიმე თვიდან რამდენიმე წლამდე შეიძლება გაგრძელდეს.


· მეორადად პროგრესირებადი ფორმა - ნებისმიერი რეციდიულ-რემისიული ფორმა გარკვეული ხნის შემდეგ მეორადად პროგრესირებად ფორმაში გადადის, რაც იმას ნიშნავს, რომ დაავადება მუდმივად პროგრესირებს. პაციენტი მძიმდება და ხდება უნარშეზღუდული.


· პირველადად პროგრესირებადი ფორმა - პაციენტთა 15%-ში გვხვდება,  დაავადება თავიდანვე პროგრესირებს, რემისიები არ ახასიათებს და პაციენტი მალევე უნარშეზღუდული ხდება.


მნიშვნელოვანია, რომ დაავადების ყველა ფორმის დროს ძალიან საყურადღებოა დაავადების აქტივობა -  ნერვულ სისტემაში ანთებითი პროცესები, რომელსაც თან სდევს თავის ტვინის ნერვული უჯრედების დაღუპვა. აღსანიშნავია ის ფაქტი, რომ ეს პროცესი შეიძლება მიმდინარეობდეს მაშინაც კი თუ პაციენტს კლინიკური სიმპტომები არ აღენიშნება. გაფანტული სკლეროზის მკურნალობის ძირითადი მიზანია დაავადების აქტივობის შემცირება დაავადების ადრეულ სტადიაზევე, რათა არ მოხდეს უნარშეზღუდულობის პროგრესირება. დღესდღეობით გაფანტული სკლეროზის სამკურნალოდ მოწოდებულია დაავადების მამოდიფიცირებელი თერაპია, რომელიც  მნიშვნელოვნად ამცირების დაავადების აქტივობას და უნარშეზღუდულობის პროგრესირებას.  

საკნატუნო ამბები

კარგი სექსი იწყება გონებიდან, ცუდიც, სამწუხაროდ

ნუ აიკვიატებთ იმაზე ფიქრს, იდეალური ხართ თუ არა და მოსწონხართ თუ არა ლოგინში თქვენს პარტნიორს. მთავარი სხვა რამ არის....
დღის ჰოროსკოპი

19 ნოემბრის ასტროლოგიური პროგნოზი

რას გვირჩევენ ვარსკვლავები 19 ნოემბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არარეალური გოგოები: ვარსკვლავები კომიქსების გმირების წინააღმდეგ

ამ მსახიობებმა სუპერგმირების განსასახიერებლად შეუძლებელი შეძლეს: მთელ დღეებს სპორტდარბაზებში ატარებდნენ და ლატექსის კოსტიუმში გამოწყობილნი დუბლს დუბლზე იღებდნენ.
დღის ჰოროსკოპი

18 ნოემბრის ასტროლოგიური პროგნოზი

რას გვირჩევენ ვარსკვლავები 18 ნოემბრისთვის ჯანმრთელობის, ბიზნესის და სიყვარულის მიმართულებით?
ამბები

"საზოგადოების თანამედროვეობისკენ შეცვლისა და ტრადიციების შენარჩუნებისთვის ბრძოლაში მთავარი ძალაქალები იქნებიან"

პრეზიდენტობის დამოუკიდებელი კანდიდატი სალომე ზურაბიშვილი მიიჩნევს, რომ ქვეყნის პოლიტიკურ და სოციალურ ცხოვრებაში ქალთა ჩართულობა აუცილებელია.
ამბები

თეიმურაზ გორჯესტანი: გადავწყვიტე, დამეცვა დედაჩემი არამარტო მუქარისგან, არამედ საერთო სიცრუისგან

“ვიყავი ლონდონში, როდესაც მუქარა მივიღე ჩემს სოციალურ ქსელში, შემდეგ გავიგე, რომ იგივე მუქარა მიიღეს ჩემმა დამ და დედამ",-ამის შესახებ პრეზიდენტობის კანდიდატის სალომე ზურაბიშვილის ვაჟმა თეიმურაზ გორჯესტანმა განაცხადა. 
საკნატუნო ამბები

რა ღირს რიგითი ნიუ-იორკელის ჩაცმულობა? (16 ფოტო)

New York Fashion Week-ის დროს ჟურნალისტებმა გადაწყვიტეს, თავისებური მოდის კვირეული მოეწყოთ, არც მეტი, არც ნაკლები, პირდაპირ ნიუ-იორკის ქუჩებში. კორესპონდენტებმა მეგაპოლისის მცხოვრებლებს სთხოვეს, დაესახელებინათ თანხა, რომელიც მათ სამოსსა თუ აქსესუარებში გადაიხადეს.    
საკნატუნო ამბები

რაზე ფიქრობს ქალი ორალური სექსის დროს?

გგონიათ, რომ ამ დროს ქალი სიამოვნებისგან ფიქრის უნარს კარგავს? სულ ტყუილად.
დღის ჰოროსკოპი

17 ნოემბრის ასტროლოგიური პროგნოზი

რას გვირჩევენ ვარსკვლავები 17 ნოემბრისთვის ჯანმრთელობის, ბიზნესისა და სიყვარულის მიმართულებით?
კინო

ყველაზე ლამაზი ეკრანული წყვილები

ყველა დროისა და ყველა თაობის ყველაზე რომანტიკული კინოწყვილების რეიტინგი...
ამბები

თეგეტას ფილიალები დამატებით კვირა დღეს იმუშავებენ   

საქართველოს მასშტაბით ჰაერის ტემპერატურის ვარდნისა და უხვი ნალექის გამო, საავტომობილო გზებზე სხვადასხვა სახის შეზღუდვებია დაწესებული.