როგორც ჟურნალისტებთან საუბარში "ჯეორჯიან ეარვეისის" გენერალურმა დირექტორმა გივი დავითაშვილმა აღნიშნა, ახალი მოდელი "Shark" E190-E2" ძველი მოდელისგან ორი მთავარი კრიტერიუმით განსხვავდება.
მისივე თქმით, ახალი მოდელი ექსპლუატაციაში 24 სექტემბრიდან შევა.
"ჩვენს კომპანიას ამ მოდელის სამი ძველი თვითმფრინავი ჰყავს. მეოთხე,ახალი გვეყოლება სულ რამდენიმე დღეში. 24 სექტემბრიდან უკვე ექსპლუატაციაში შევა. რაც შეეხება განსხვავებას, ახალი მოდელი ძველებისგან განსხვავდება ორი მთავარი კრიტერიუმით, ერთი ის, რომ ნაკლებ საწვავს მოიხმარს და მეორე- მეტი ადგილია თვითმფრინავში. ეს კომერციულად ავიაკომპანიისთვის მომგებიანია, სწორედ ამიტომ მოლაპარაკებებს ვაწარმოებთ რამდენიმე ხანია ემბრაერთან. გაცილებით უფრო ადრე დაიწყო ჩვენი მოლაპარაკებები ვიდრე ამ თვითმფრინავით ფრენები დაიწყებოდა მსოფლიოს მასშტაბით. ვფიქრობთ, რომ მნიშვნელოვანია იქნება ამ მოლაპარაკებების დადებითად დასრულება, რომ 5 ასეთი თვითმფრინავი "ჯეორჯიან ეარვეისს" შეემატოს. მგზავრებისთვის ეს იქნება მეტი კომფორტი, მეტი მიმართულება, მეტი შესაძლებლობა სხვადასხვა ქვეყანაში როგორც ჩარტერული ასევე რეგულარული რეისებით იმოგზაურონ. მოგეხსენებათ დღეს 20-ზე მეტი რეგულარული მიმართულება აქვს "ჯეორჯიან ეარვეისს".ეს გახლავთ ახალი მოდელი, რომლის სერიული წარმოება სულ ახლახან დაიწყო და ვფიქრობთ, რომ შეძენის შემთხვევაში 5 ასეთი მოდელი დაემატება ჩვენს კომპანიას",-განაცხადა გივი დავითაშვილმა.
E190-E2 მიმდინარე წლის აპრილიდან მოქმედებს და ამჟამად Norways Wideroe-თან ასრულებს კომერციულ ოპერაციებს. საჰაერო ხომალდის ანგარიშზე უკვე 2000 საფრენოსნო საათია, რითაც გრაფიკის უბადლო საიმედოობის 99% მიღწეულია.
ავიკომპანია "ჯეირჯიან ეარვეისი" Shark" E190-E2-ს შეძენას 2019 წელს გეგმავს.