„დღე ავტომობილის გარეშე“ - საერთაშორისო დღეს კამპანია „სუფთა ჰაერი, უსაფრთხო მოძრაობა“ შეუერთდა

ამბები

24 სექტემბერი 15:17

სამოქალაქო კვირეული „სუფთა ჰაერი, უსაფრთხო გარემო“, რომელმაც სტარტი  თბილისში, 17 სექტემბერს აიღო  დასრულდა.

კამპანიის ორგანიზატორები იყვნენ  არასამთავრობო ორგანიზაცია “სიდა”, სამოქალაქო საზოგადოების რეგიონული ქსელი, საქართველოს ალიანსი უსაფრთხო გზებისთვის და ფოთის პორტი.


საგზაო უსაფრთხოების მიმართ საზოგადოებაში ცნობიერების ამაღლების მიზნით,  სამოქალაქო კვირეული, დედაქალაქის გარდა, 10 რეგიონს მოიცავდა,  მათ შორის,  კახეთი, რაჭა, ქვემო ქართლი, შიდა ქართლი, მცხეთა-მთიანეთი, სამცხე-ჯავახეთი, იმერეთი, გურია, სამეგრელო და აჭარა.  აღნიშნულ რეგიონებში კამპანიის ორგანიზატორებმა მძღოლებთან და მოსახლეობასთან სამუშაო და საინფორმაციო შეხვედრები გამართეს.  


22 სექტემბერს კი,  თბილისში კამპანია საერთაშორისო ღონისძიებას „დღე ავტომობილის გარეშე“ შეუერთდა, რომელიც მიზნად ისახავს  გარემოს მოფრთხილებასა და ჯანსაღი ცხოვრების წესის პოპულარიზაციას. კვირეულის ორგანიზატორებმა საზოგადოებასა და  ბიზნეს კომპანიებს  კამპანიაში ჩართულობისკენ მოუწოდეს, რაც ამ დღეს დედაქალაქის ცენტრალურ უბნებში ნაკლები კერძო ავტომობილის მოძრაობით გამოიხატა.


საერთაშორისო დღესთან დაკავშირებით, ველომარათონიც გაიმართა, რომელმაც სტარტი ვაკის პარკიდან აიღო. მოქალაქეები, რომლებმაც ავტომობილები სახლში დატოვეს, ვარდების მოედნამდე, დედაქალაქის მერთან, კახა კალაძესთან ერთად ველოსიპედებით დაეშვნენ. ღონისძიების მიზანი იყო, თბილისელებმა რაც შეიძლება ნაკლები ავტოტრანსპორტი გამოიყენონ და უპირატესობა ფეხით სიარულს, საზოგადოებრივ ტრანსპორტს ან და ველოსიპედით სეირნობას მიანიჭონ. ველომარათონი „საქართველოს ალიანსი უსაფრთხო გზებისთვის“ ორგანიზებით ჩატარდა და გარბენში მონაწილეობა ნებისმიერ მსურველს შეეძლო.


"დღე ავტომობილის გარეშე" ჩატარდა კამპანიის ,,სუფთა ჰაერი, უსაფრთხო მოძრაობა" ფარგლებში, რომელსაც წინ უძღოდა 10 რეგიონში საინფორმაციო შეხვედრები მძღოლებთან და ადგილობრივ მოსახლეობასთან. საერთო ჯამში 1000-მდე ადამიანმა მიიღო ინფორმაცია საქართველოში ჰაერის დაბინძურების, საგზაო უსაფრთხოებისა და ავტოტრანსპორტის ტექდათვალიერების მნიშვნელობის შესახებ. ვიმედოვნებთ, რომ მოსახლეობა მეტი პასუხისმგებლობით მოეკიდება ამ გამოწვევას და ერთად შევეცდებით აღნიშნული პრობლემის დაძლევას,” - განაცხადა ,,სიდას" აღმასრულებელმა დირექტორმა სალომე ზურაბიშვილმა.


როგორც თბილისის მერმა, კახა კალაძემ განაცხადა, სამწუხაროდ, თბილისში ველოსიპედით გადადგილება პოპულარული არ არის, თუმცა თბილისის მერია ინფრასტრუქტურული პროექტების განხორციელებისას მაქსიმალლურად ცდილობს, რომ მოაწყოს ველობილიკი, იქ სადაც ამის საშუალება იქნება.


„ძალიან ბევრი ახალგაზრდა იყო გამოსული, ველოსიპედებით გავისეირნეთ დედაქალაქში. ეს არის ჯანსაღი ცხოვრების წესის დანერგვის ერთ-ერთი მიმართულება. ჩვენ, რა თქმა უნდა , ყველაფერს გავაკეთებთ, რომ ჯანსაღის ცხოვრების წესი დაინერგოს ქალაქში. ამ მიმართულებით ძალიან ბევრი საინტერესო პროექტი ხორციელდება.ზოგადად, ველობილიკებს რაც შეეხება,საკმაოდ საინტერესო მიმართულებაა და ჩვენ, როდესაც ინფრასტრუქტურულ პროექტებს ვახორციელებთ, ვცდილობთ, სადაც შესაძლებელია აუცილებლად იყოს გათვალისწინებული ველობილიკების პროექტი. კოსტავა-შარტავას მონაკვეთი ამის ნათელი მაგალითია, სადაც კეთდება ველობილიკები, დაუკავშირდება პეკინის ქუჩას და ძალიან დიდი სივრცე გამოვა. ბევრი ადამიანი ცხოვრობს ქალაქში, ვისაც უყვარს ველოსიპედით გადადგილება. ჩვენ, რა თქმა უნდა, ხელი უნდა შევუწყოთ და ყველაფერს გავაკეთებთ, რომ უფრო მეტი ადამიანი გადადგილდებოდეს ფეხით, საზოგადოებრივი ტრანსპორტით და უკვე ნელ-ნელა „არა“ უნდა ვუთხრათ, "მკვლელ ავტომობილებს" რომელიც მწყობრიდან გამოსულია და ეკოლოგიურად აზიანებს ქალაქსა და ჩვენს ჯანმრთელობას“, - აღნიშნა კალაძემ.


ღონისძიება „დღე მანქანის გარეშე“ მნიშვნელობასა და ჯანსაღი ცხოვრების აუცილებლობაზე ისაუბრა გაერო-ს მუდმივმა წარმომადგენელმა საქართველოში ნილ სკოტმა.


„ჩვენ ვხედავთ, თუ როგორ ვითარდება ყოველდღე თბილისი და მიიწევს წინ საზოგადოებრივი ტრანსპორტისა და ველოსიპედების მიმართულება. გვინდა, რომ ამ ქალაქში ჰაერის ნაკლები დაბინძურება და ნაკლები სტრესი იყოს. დედაქალაქში დღეს 300-ჯერ მეტი ავტომობილია, ვიდრე ეს იყო 2004 წელს, ეს ტენდენცია იზრდება. ჩვენ ვიცით, ის თუ რა შედეგებიც მოყვება ჰაერის დაბინძურებას და რა ეკონომიკური ზარალი მოყვება იმას, რომ ძალიან ბევრი ავტომობილია ქალაქში. ცუდს შედეგს იძლევა დაავადებების მხრივ და ეს უნდა შევცვალოთ“, - განაცხადა ნილ სკოტმა.


“ის, რომ დღეს ჰაერი დაბინძურებულია და დაბინძურების დიდი წილი ავტოტრანსპორტზე მოდის, ყველა ვთანხმდებით, თუმცა რა უნდა გავაკეთოთ იმისთვის, რომ გავაუმჯობესოთ ვითარება, ეს არის ძალიან მნიშვნელოვანი და კომპლექსური თემა. ერთ-ერთი მნიშვნელოვანი საკითხი გახლავთ ცნობადობის ამაღლება და სწორედ, ამისთვის განხორციელდა კამპანია „სუფთა ჰაერი, უსაფრთხო გარემო“ . მნიშვნელოვანია, ვისაუბროთ, ასევე ეკომართვის წესებზე, რაც ყველა ჩვენგან შეგვიძლია, გამოვიყენოთ; შეგვიძლია, მცირე მანძილებზე გადაადგილებისას დავტოვოთ პირადი ავტომობილი და გადავაადგილდეთ როგორც საზოგადოებრივი ტრანსპორტით, ასევე სხვა ალტერნატიული საშუალებებით და ხშირად ვიაროთ ფეხით,” – აღნიშნა “საქართველოს ალიანსი უსაფრთხო გზებისთვის” გამგეობის თავმჯდომარემ, ეკა ლალიაშვილმა.


მარათონი  ევროპის მობილობის კვირეულის ფარგლებში აღმოსავლეთ-დასავლეთის მართვის ინსტიტუტის (East-West Management Institute) “სამოქალაქო საზოგადოების განვითარებისა და მოქალაქეების ჩართულობის” პროექტის (ACCESS) მხარდაჭერით, აშშ-ის საერთაშორისო განვითარების სააგენტოსა (USAID) და საქართველოში გაეროს მუდმივი წარმომადგენლობის დაფინანსებით გაიმართა. ღონისძიების პარტნიორები იყვნენ ორგანიზაცია “სიდა”, “ეკოლოგიკა’, “ახალი საზოგადოება”, “იარე ფეხით”, “პარტნიორობა საგზაო უსაფრთხოებისთვის”.


შეგახსენებთ, რომ „დღე ავტომობილის გარეშე“ 2000 წლიდან აქტიურად აღინიშნება ევროპასა და მსოფლიოს მრავალ ქვეყანაში და მიზნად ისახავს ქალაქის ცენტრალურ უბნებში ნაკლები კერძო ავტომობილის მოძრაობით გარემოს მოფრთხილებასა და ჯანსაღი ცხოვრების წესის პოპულარიზაციას. მოქალაქეები ამ დღეს თავს იკავებენ პირადი ავტომობილით სარგებლობისგან, გადაადგილდებიან ფეხით ან იყენებენ ალტერნატიულ და ჯანსაღ ტრანსპორტს - ველოსიპედს ან საზოგადოებრივ ტრანსპორტსა და სხვა საშუალებებს.

დღის ჰოროსკოპი

19 ოქტომბრის ასტროლოგიური პროგნოზი

რას გვირჩევენ ვარსკვლავები 19 ოქტომბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

როგორ გამოიყურებიან უმდიდრესი სპორტსმენების ცოლები

აღმოჩნდა, რომ მსოფლიო დონის სპორტსმენებს საკმაოდ დახვეწილი გემოვნება აქვთ...
საკნატუნო ამბები

როდესაც ჩაცმის განსაკუთრებული სტილი გაქვს (20 ფოტო)

ადამიანების გარკვეულ ნაწილს უყვარს, როდესაც სხვებისგან გამოირჩევიან და ამაში ცუდს ან სამარცხვინოს ვერაფერს ხედავენ. რომ დავფიქრდეთ, არც არაფერია.
საკნატუნო ამბები

გიტირიათ სექსის შემდეგ?

გაიხსენეთ, ხომ არ ყოფილხართ ისეთ სიტუაციაში, როდესაც სექსის შემდეგ თქვენს პარტნიორს უტირია ან უბღავლია კიდეც. იქნებ, სექსის შემდეგ თქვენც წამოგსვლიათ თვალებიდან ცრემლები? მოკლედ, მეცნიერებმა დაამტკიცეს, რომ ეს ყველაფერი პოსტკოიტალური დისფორიიდან გამომდინარეობს, რომელიც შეინიშნება როგორც ქალებში, ისე კაცებში.    
NEW

სალომე ზურაბიშვილმა ვეტერანებთან შეხვედრისას ავღანეთში დაღუპული ჯარისკაცების ხსოვნას პატივი მიაგო

პრეზიდენტობის დამოუკიდებელმა კანდიდატმა სალომე ზურაბიშვილმა ვეტერანებთან შეხვედრისას ავღანეთში დაღუპული ჯარისკაცების ხსოვნას პატივი მიაგო და აღნიშნა, რომ მათი თავგანწირვა განსაკუთრებითმნიშვნელოვანია საქართველოსთვის.
NEW

სალომე ზურაბიშვილი - სიმბოლური მნიშვნელობა ექნება, ერთ-ერთი პირველი ვიზიტი მქონდეს ავღანეთში, სადაც ჩვენი ჯარისკაცები იბრძვიან

სიმბოლური მნიშვნელობა ექნება, ერთ-ერთი პირველი ვიზიტი მქონდეს ავღანეთში, სადაც ჩვენი ჯარისკაცები იბრძვიან, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა ომის ვეტერანებთან შეხვედრაზე განაცხადა.
დღის ჰოროსკოპი

18 ოქტომბრის ასტროლოგიური პროგნოზი

რას გვირჩევენ ვარსკვლავები 18 ოქტომბრისთვის ჯანმრთელობის, ბიზნესისა და სიყვარულის მიმართულებით?
კინო

პაემნები, რომლებიც ამ ვარსკვლავებს კოშმარულად ახსოვთ

ისინიც მოხვედრილან ისეთ სიტუაციებში, რომელთა გახსენებაც აღარ უნდათ...
ამბები

მარიამ ჯაში: გთხოვთ გარკვეული რესურსების გათვალისწინებას ინკლუზიური კულტურისა და ინკლუზიური თეატრების მიმართულებით

განათლების, მეცნიერებისა და კულტურის კომიტეტის თავმჯდომარე მარიამ ჯაშმა სამი კომიტეტის გაერთიანებულ სხდომაზე აქცენტი გააკეთა ინკლუზიური კულტურისა და თეატრების ხელშეწყობისა და დაფინანსების აუცილებლობაზე.
ამბები

სალომე ზურაბიშვილი: ვისაუბრეთ, როგორ შეიძლება გავაძლიეროთ საინფორმაციო კამპანია, ნატოს ქმედებები საქართველოში

პრეზიდენტობის დამოუკიდებელი კანდიდატი სალომე ზურაბიშვილი ნატოს სამეკავშირეო ოფისის ხელმძღვანელს როზარია პულისის შეხვდა.
ამბები

სალომე ზურაბიშვილი ამერიკის სავაჭრო პალატის წევრებს შეხვდა

დღეს პრეზიდენტობის დამოუკიდებელი კანდიდატი სალომე ზურაბიშვილი ამერიკის სავაჭრო პალატის წევრებს შეხვდა. კანდიდატმა აუდიტორიას საკუთარი ხედვები და პრიორიტეტები გააცნო.
ამბები

თბილისის მოდის კვირეულის მე-18 სეზონი 18-დან 21 ოქტომბრის ჩათვლით გაიმართება

2019 წლის გაზაფხული-ზაფხულის სეზონის კოლექციების ჩვენებებს, შოურუმსა და სხვა ღონისძიებებს ღვინის უბანი უმასპინძლებს (პეტრიაშვილის ქ. N1).