CSR ჯილდო 2019 - ბიზნესკომპანიებისთვის აპლიკაციების მიღება დაიწყო

ამბები

5 დეკემბერი 11:10, 2018 წელი

CSR კლუბი და გლობალური შეთანხმების საქართველოს ქსელი კორპორაციული პასუხისმგებლობის ჯილდოს - „ბიზნესი მდგრადი განვითარების მიზნების მხარდასაჭერად“ გასაცემად ემზადება.

ხარისხიანი განათლება; გენდერული თანასწორობა; ღირსეული სამუშაო და ეკონომიკური ზრდა; მდგრადი ქალაქები და დასახლებები; პარტნიორობა მდგრადი განვითარებისთვის - აღნიშნულ თემატიკაზე ორიენტირებულ კომპანიებს, რომლებიც კორპორაციული სოციალური პასუხისმგებლობის პოპულარიზაციასა და მხარდაჭერას ცდილობენ დაჯილდოების ორგანიზატორები საქართველოში  20 დეკემბრამდე ელიან. აღსანიშნავია, რომ წელს პირველად გამოვლინდება და დაჯილდოვდება SDG პიონერი - 35 წლამდე ასაკის ლიდერი, რომელიც მუშაობს ბიზნეს სექტორში, და თავისი საქმიანობით ხელს უწყობს კომპანიის პასუხისმგებლიან საქმიანობას, და ქვეყნის მდგრად განვითარებას.

კორპორაციული პასუხისმგებლობის ჯილდოს კონკურსი მიზნად ისახავს, საქართველოში, კორპორაციული სოციალური პასუხისმგებლობის პოპულარიზაციასა და მისი თანამედროვე საერთაშორისო სტანდარტების შესაბამისად განვითარების ხელშეწყობას.

გამარჯვებულებს ჯილდო საშუალებას მისცემს: მიიღონ აღიარება კოლეგებს შორის, როგორც ლიდერებმა კორპორაციული სოციალური პასუხისმგებლობის სფეროში. წარმოჩნდნენ, როგორც სანდო და ღირსეული პარტნიორები, მომხმარებელთა, პარტნიორთა და ინვესტორთა წინაშე. წვლილი შეიტანონ საქართველოში კორპორაციული პასუხისმგებლობის სფეროს განვითარებაში, საუკეთესო პრაქტიკის გაზიარების გზით.

მონაწილეობის პირობები კი, მარტივია: საკონკურსო პროექტის ავტორი უნდა იყოს სამეწარმეო იურიდიული პირი, რომელიც საქმიანობს საქართველოში; წარმოდგენილი საკონკურსო პროექტი შეესაბამებოდეს ჯილდოს კატეგორიებს, ასევე წარმოდგენილი საკონკურსო პროექტი, დაწყებულია, მიმდინარეობს ან დასრულდა 2017-2018 წელს.

ჯილდო გაიცემა შემდეგ კატეგორიებში: ხარისხიანი განათლება, გენდერული თანასწორობა, ღირსეული სამუშაო და ეკონომიკური ზრდა, მდგრადი ქალაქები და დასახლებები, პარტნიორობა მდგრადი განვითარებისთვის და SDG პიონერი.

სიმბოლურ პრიზთან ერთად გამარჯვებულები მიიღებენ:

ხარისხიანი განათლება - CSR სკოლაში უფასო სწავლება

გენდერული თანასწორობა - ნორვეგიაში, ქალთა გაძლიერების თემაზე სასწავლო ვიზიტი
ღირსეული სამუშაო და ეკონომიკური ზრდა - ერთი წლის მანძილზე შრომითი უფლებების საერთაშორისო სტანდარტების დანერგვის პროცესში კომპანიის მენტორობა და მხარდაჭერა მდგრადი ქალაქები და დასახლებები - შვედეთში, გარემოსდაცვის, ეკოლოგიისა და ურბანული ტრანსპორტის გაუმჯობესების თემაზე სასწავლო ვიზიტი პარტნიორობა მდგრადი განვითარებისთვის - საკონსულტაცო მომსახურება სამომავლო პროექტის დაგეგმარებაში, განხორციელებასა და კომუნიკაციაში, CSR სკოლაში უფასო სწავლება ორი ადამიანისთვის.

SDG პიონერი - ნიუ -იორკში გამართულ საერთაშორისო კონკურსში მონაწილეობის უზრუნველყოფა

დაინტერესებულმა კომპანიებმა განაცხადები უნდა  წარმოადგინონ არაუგვიანეს 2018 წლის 20 დეკემბრისა, შემდეგ ელექტრონულ მისამართზე: csraward@globalcompact.ge. დამატებითი კითხვების შემთხვევაში, ორგანიზატორებს დაუკავშირდით ელექტრონულ მისამართზე: keti@cida.ge

შეგახსენებთ, რომ კორპორაციული სოციალური პასუხისმგებლობის კლუბის (CSR Club) და გაეროს გლობალური შეთანხმების (UN Global Compact) საქართველოს ქსელის ინიციატივით, საქართველოში  „კორპორაციული პასუხისმგებლობის ჯილდოს” ცერემონიალი, პირველად წელს, თებერვალში გაიმართა. წარდგენილი 23 პროექტიდან, ადგილობრივი და საერთაშორისო შემფასებლებისგან შემდგარმა ჟიურიმ სხვადასხვა კატეგორიაში სამი გამარჯვებული კომპანია  გამოავლინა და დააჯილდოვა. ესენი იყო: ადამიანის უფლებების პატივისცემისკენ მიმართული საუკეთესო პროექტი - გამარჯვებული კომპანია „ფოთის პორტი“, გარემოს დაცვისკენ მიმართული საუკეთესო პროექტი - კომპანია „ნატახტარი“ და წარმატებული პარტნიორობა მდგრადი განვითარებისთვის - კომპანია m2.

კორპორაციული სოციალური პასუხისმგებლობის მიმართულებით აქტივობები მხარდაჭერილია აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში ამერიკის შეერთებული შტატების საერთაშორისო განვითარების სააგენტოსა (USAID) და შვედეთის მთავრობის მიერ.

ურთიერთობა

ცნობილი „პენსიონერები“ და მათი მეორე ნახევრები

რამდენიმე მაგალითი კიდევ ერთხელ იმის დასტურად, რომ სიყვარულმა არ იცის ასაკის საზღვრები, ისევე როგორც - კანის ფერი, რელიგია და კიდევ ბევრი სხვა მსაზღვრელი.
დღის ჰოროსკოპი

26 იანვრის ასტროლოგიური პროგნოზი

რას გვირჩევენ ვარსკვლავები 26 იანვრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

25 იანვრის ასტროლოგიური პროგნოზი

რას გვირჩევენ ვარსკვლავები 25 იანვრისთვის  ჯანმრთელობის, ბიზნესის და სიყვარულის მიმართულებით?
ურთიერთობა

პროფესორის ანეკდოტში ჩატეული ცხოვრება

ერთხელ ერთმა პროფესორმა სტუდენტებთან ლექცია ანეკდოტის მოყოლით დაიწყო - ცხოვრებისეული და ძალიან გონებამახვილური ანეკდოტით, რაზეც მთელმა აუდიტორიამ გულიანად იცინა...
საკნატუნო ამბები

რას ხედავთ ამ ფოტოზე?

აბა, ყურადღებით დააკვირდით... 
დღის ჰოროსკოპი

24 იანვრის ასტროლოგიური პროგნოზი

რას გვირჩევენ ვარსკვლავები 24 იანვარს  ჯანმრთელობის, ბიზნესის და სიყვარულის მიმართულებით?
საკნატუნო ამბები

გუგლის ახალი ყურსასმენი სინქრონულად თარგმნის 40 ენიდან! (Video)

კომპანიის ჩანაფიქრით, Pixel Buds 2, ერთი მხრივ, ლამაზი უნდა ყოფილიყო, მეორე მხრივ - მოხერხებული, მესამე მხრივ - ფუნქციონალური. და, როგორც ჩანს, გამოუვიდათ.  
დღის ჰოროსკოპი

23 იანვრის ასტროლოგიური პროგნოზი

რას გვირჩევენ ვარსკვლავები 23 იანვარისთვის ჯანმრთელობის, ბიზნესის და სიყვარულის მიმართულებით?
ამბები

საქართველოს ახალი მილიონერი ჰყავს! 

გათამაშდა 1 მილიონ 182 454 ლარი! იძებნება მოგებული!!!
იცით თუ არა...

როგორ ეძებდა სტივ ჯობსი სამსახურს - CV, რომელიც შეავსო Apple-ის დაარსებამდე 3 წლით ადრე

ყველას გვიწევს, რაღაცით დავიწყოთ... 1973 წელს ეს ლეგენდარული ადამიანი სამსახურს ეძებდა. იმ დროს უკვე მიტოვებული ჰქონდა სწავლა ორეგონ რიდის კოლეჯში. თუმცა ჯერ 3 წელი იყო იმ დრომდე, სანამ ჯობსი კომპიუტერულ ინდუსტრიას შეცვლიდა. 
დღის ჰოროსკოპი

22 იანვრის ასტროლოგიური პროგნოზი

რას გვირჩევენ ვარსკვლავები 22 იანვრისთვის ჯანმრთელობის, ბიზნესის და სიყვარულის მიმართულებით?