თეგეტა მოტორსმა აჭარაში რეგიონული ცენტრი გახსნა და პირველი მასშტაბური საავტომობილო ექსპო გამართა

ამბები

29 ივლისი 19:44, 2019 წელი

ბათუმში, ხახულისა და გაგარინის ქუჩების კვეთაზე თეგეტა მოტორსის ახალი, რეგიონული ავტოსერვისის ცენტრი გაიხსნა და რეგიონში ყველაზე დიდი საავტომობილო ექსპო გამართა.

ფილიალის სრული ფართობი 40 183 კვ.მ-ს მოიცავს, ცენტრი აღჭურვილია უახლესი ავტოსერვისის მანქანა-დანადგარებით და მოემსახურება როგორც მსუბუქ და სატვირთო ავტომობილებს, ისე სპეცტექნიკას. აღნიშნული ფილიალი თეგეტა მოტორსის ყველაზე მსხვილი მომსახურების ცენტრია საქართვლოში. კომპანიამ პროექტში 20 მილიონი ლარის ინვესტიცია განახორციელა და 200-მდე ადგილობრივი მცხოვრები დაასაქმა. აღსანიშნავია ფილიალის სტრატეგიული მდებარეობა საქართველოში ტრანზიტული მიმოსვლის განვითარების მიმართულებით.


„მაქვს პატივი, მოგილოცოთ თეგეტა მოტორსის ახალი რეგიონული ცენტრის გახსნა, რომელიც თავისი მასშტაბებიდან გამომდინარე, ნამდვილად რეგიონული მნიშვნელობის პროექტია. თეგეტა მოტორსმა ბოლო რამდენიმე წლის განმავლობაში მრავალი მნიშვნელოვანი პროექტი წარმატებით განახორციელა, დღევანდელი დღეც ამის დასტურია. ამ მართლაც გრანდიოზულ რეგიონულ ცენტრს, თამამად შეიძლება ბათუმის ახალი თეგეტა მოტორსი ვუწოდოთ. პროექტის წარმატებით შესრულებაში მნიშვნელოვანი როლი მიუძღვით ჩვენს პარტნიორებს - თიბისი ბანკსა და EBRD-ს“. - განაცხადა თეგეტა მოტორსის გენერალურმა დირექტორმა ავთანდილ წერეთელმა.


კომპანიამ გადაწყვიტა, ერთ სივრცეში გააერთიანოს მსოფლიოში წამყვანი ბრენდების უმაღლესი ხარისხის პროდუქცია, მომსახურების უმაღლესი სტანდარტი, მაღალკვალიფიციური კადრები და კომფორტული გარემო. თეგეტა მოტორსი კორპორაციულ და საცალო მომხმარებლებს ავტოტექმომსახურების სრულ ასორტიმენტს სთავაზობს, რაც მოიცავს მსუბუქი და სატვირთო ავტომობილების, ავტობუსების, სამშენებლო მანქანებისა და სპეცტექნიკის სრული მომსახურების ზონებს. ფილიალში განთავსებულია მომსახურების 45 უბანი და მისი მასშტაბურობიდან გამომდინარე, დღეში 200-მდე ავტომობილს მოემსახურება. აქვე წარმოდგენილია საავტომობილო შოურუმები და ავტოინდუსტრიის მიმართულებით პროფესიული სასწავლო ცენტრი - „თეგეტა აკადემია“.


„თეგეტა, როგორც ქვეყნის ერთ-ერთი მსხვილი დამსაქმებელი კომპანია, საშუალებას მისცემს ადგილობრივ კადრებს, მიიღონ სათანადო ცოდნა და დაიკავონ სხვადასხვა პოზიციები თეგეტას ბათუმის რეგიონულ ცენტრში. ამჟამად ფილიალში დასაქმებულია 200-მდე ადგილობრივი მაცხოვრებელი, რომელთა რაოდენობაც მომავალში გაიზრდება. განათლებაში ინვესტირება არის ჩვენი კომპანიის ერთ-ერთი მთავარი პრიორიტეტი, ამ მიმართულებით „თეგეტა აკადემია“ ნამდვილად არის კომპანიის საამაყო და წარმატებული პროექტი. გარდა იმისა, რომ სასწავლო ცენტრი გვეხმარება მაღალკვალიფიციური კადრების ჩამოყალიბებაში და გუნდის შევსებაში, მას აგრეთვე აქვს ერთგვარი სოციალური დატვირთვაც. სასწავლო ცენტრი მზად არის, მოამზადოს ან/და გადაამზადოს კადრები, რაც საშუალებას მოგვცემს, გავაუმჯობესოთ და ავამაღლოთ მომსახურების ხარისხი რეგიონში. სწორედ „თეგეტა აკადემიის“ საშუალებით, მომდევნო წლებში ჩვენს კომპანიას ექნება ბევრად მეტი ინტელექტუალური პოტენციალი აჭარაში კადრების მოძიებისა და დასაქმების მიზნით“, - განაცხადა ავთანდილ წერეთელმა.


ღონისძიების ოფიციალური ცერემონიის ნაწილი იყო საავტომობილო ექსპო, რომელიც მსგავსი მასშტაბით პირველად გაიმართა არა მარტო საქართველოში, არამედ მთელ კავკასიაში. აქ წარმოდგენილი იყვნენ მსოფლიოს წამყვანი საავტომობილო ბრენდები - Porsche, Volvo, Toyota, Mazda, Bridgestone, Michelin, Shell, Mobil და სხვა.


ექსპო დაყოფილი იყო რამდენიმე მიმართულებად: მსუბუქი ავტომობილები; სპეცტექნიკა; საავტომობილო პროდუქტები, როგორებიცაა საბურავები, აკუმულატორები, ზეთები და ფილტრები; მსუბუქი ავტომობილების ნაწილები; სატვირთო ავტომობილების ნაწილები; სპეცტექნიკის ნაწილები და დანადგარები. ექსპოს დაესწრნენ ამ ბრენდების რეგიონული წარმომადგენლები მსოფლიოს სხვადასხვა ქვეყნებიდან.


„დღეს პირველად იმართება რეგიონში ამ მასშტაბის საავტომობილო ექსპო. მოხარულები ვართ, რომ დღეს აქ წარმოვადგენთ ჩვენს ბრენდებს - მიშლენს და რაიკენს. ვულოცავთ თეგეტა მოტორსს ამ მასშტაბის ფილიალის გახსნას, დარწმუნებული ვართ, რომ თეგეტა მოტორსის ბათუმის რეგიონული ცენტრი მრავალი წლის განმავლობაში მნიშვნელოვან წვლილს შეიტანს რეგიონში საავტომობილო სფეროს განვითარებაში“, - განაცხადა მიშლენის ბრენდ-მენეჯერმა ოლეგ კოტოვმა.


თეგეტა მოტორსმა 24-წლიანი წარმატების გზა განვლო, კომპანია ქვეყნის განვითარების კვალდაკვალ ვითარდებოდა, უამრავი სირთულისა და გამოწვევის მიუხედავად, თეგეტამ შეძლო და დღეს საავტომობილო პროდუქტებისა და მომსახურების სფეროში რეგიონში ლიდერ კომპანიად ჩამოყალიბდა.


ჰოლდინგი აერთიანებს 7 შვილობილ კომპანიას. თეგეტა მოტორსი წარმოადგენს უნივერსალურ კომპანიას, რომელიც მოღვაწეობს სატვირთო და მსუბუქი ავტომობილების, სასოფლო, სამშენებლო და სამრეწველო დანიშნულების ტექნიკის, სათადარიგო ნაწილების, საპოხი მასალების, საბურავებით ვაჭრობისა და ტექნიკური მომსახურების სფეროში. კომპანია ქვეყანაში წარმოდგენილია ახლა უკვე 26 ფილიალით. მისი პორტფელი მოიცავს 250 000 საცალო ლოიალურ მომხმარებელს, 3 700 საბითუმო და 35 500 კორპორაციულ მომხმარებელს. თეგეტა მოტორსის სერვისცენტრები გამოირჩევა დახვეწილი ინფრასტრუქტურით, მაღალკვალიფიციური კადრებითა და ავტოსერვისის თანამედროვე დანადგარებით.


თეგეტა მოტორსი არის Groupauto International-ის ოფიციალური წევრი კომპანია, ფლობს ISO სერტიფიკატებს, წარმოადგენს მსოფლიოში წამყვან 300-მდე უმსხვილეს ბრენდს. კომპანია ყოველწლიურად ზრუნავს მაღალტექნოლოგიურ განვითარებაზე მსოფლიოს წამყვანი ბრენდების მხარდაჭერით, დასავლური ცოდნის და გამოცდილების გაზიარებითა და საკუთარ საქმიანობაში დანერგვით.

დღის ჰოროსკოპი

18 თებერვლის ასტროლოგიური პროგნოზი

რას გვირჩევენ ვარსკვლავები 18 თებერვლისთვის  ჯანმრთელობის, ბიზნესის და სიყვარულის მიმართულებით?
ურთიერთობა

ერთი პატარა ისტორია საყვარლის ცხოვრებიდან

ეს ამბავი საბჭოთა დროში მოხდა, თუმცა, ალბათ, ყოველთვის აქტუალური იქნება, ნებისმიერ ქვეყანაში და ნებისმიერ წყობაში.
დღის ჰოროსკოპი

17 თებერვლის ასტროლოგიური პროგნოზი

რას გვირჩევენ ვარსკვლავები 17 თებერვლისთვის ჯანმრთელობის, ბიზნესის და სიყვარულის მიმართულებით?
იცით თუ არა...

შეამოწმეთ, არის თუ არა თქვენში თავადის გენი!

თავადაზნაურობა ყოველთვის გამორჩეული იყო უნიკალური შინაგანი თვისებებით, რომლებიც დროთა განმავლობაში არ ხუნდება და უცხო პირობებშიც არ იკარგება. მათი არც სწავლა შეიძლება და არც დავიწყება. თქვენ ან გაქვთ ეს თვისებები, ან არ გაქვთ.
კინო

ვინ არის ეს უცნობი ქალი მსოფლიო ვარსკვლავების გვერდით?

ბელგიაში ერთ-ერთ ბუკინისტურ მაღაზიაში იპოვეს ფოტოალბომი, ძალიან ბევრი ფოტოთი. თითქოს არაფერია უცნაური, მაგრამ ყველა ფოტოზე აღბეჭდილია ერთი და იგივე ქალბატონი, რომელთანაც პლანეტის ცნობილი ადამიანები პოზირებენ!
დღის ჰოროსკოპი

16 თებერვლის ასტროლოგიური პროგნოზი

რას გვირჩევენ ვარსკვლავები 16 თებერვლისთვის ჯანმრთელობის, ბიზნესის და სიყვარულის მიმართულებით?
კულინარია

არისტოკრატების საუზმე - ერბოკვერცხი „ორსინი“ (2 რეცეპტი)

ერბოკვერცხის მომზადების სრულიად გენიალური ხერხი დიდი იმპრესიონისტის კლოდ მონეს რეცეპტების წიგნიდან!
დღის ჰოროსკოპი

15 თებერვლის ასტროლოგიური პროგნოზი

რას გვირჩევენ ვარსკვლავები 15 თებერვლისთვის ჯანმრთელობის, ბიზნესის და სიყვარულის მიმართულებით?
FUN-ტესტი

გაიგეთ, ვინ იყავით წინა ცხოვრებაში და გამოასწორეთ შეცდომები

ამისთვის გაიარეთ ეს მარტივი ტესტი - დაუფიქრებლად აირჩიეთ ერთ-ერთი საათი, ოღონდ ამ დროს მხოლოდ საკუთარ ინტუიციას დაეყრდენით. მხოლოდ ასე მიიღებთ ზუსტ შედეგს.
დღის ჰოროსკოპი

14 თებერვლის ასტროლოგიური პროგნოზი

რას გვირჩევენ ვარსკვლავები 14 თებერვლისთვის ჯანმრთელობის, ბიზნესის და სიყვარულის მიმართულებით?
იცით თუ არა...

6 ნივთი, რომელიც ხელს უშლის კეთილდღეობას - როგორც სახლში, ასევე კომპანიების ოფისებში!

თავისთავად ნეგატიური და პოზიტიური ნივთი არ არსებობს, მაგრამ არასწორად განლაგებით, როგორც ფენ-შუი განმარტავს, ნივთებმა შესაძლოა კეთილდღეობას, ურთიერთობებს, ჯანმრთელობას საფრთხე შეუქმნას...  
ამბები

 „სმარტი“ ზუგდიდში მეორე სუპერმარკეტს ხსნის

სუპერმარკეტი „სმარტი“ რეგიონულ განვითარებას განაგრძობს და ზუგდიდში, აღმაშენებლის ქ #89-ში მდებარე „ვისოლის“ ავტოგასამართ სადგურზე ახალ სუპერმარკეტს ხსნის.