ინტერნეტსივრცეში ფოტოები ვრცელდება, რომელშიც ასახულია თუ რომელი პროდუქტის მომარაგებას ანიჭებენ ადამიანები უპირატესობას სხვადასხვა ქვეყნებში.
აღნიშნულს, მხატვარი გია ეძგვერაძე სოციალურ ქსელში გამოეხმარა და აღნიშნა, რომ მარაგში ერი და სიცოცხლისადმი მისი დამოკიდებულება იცნობა.
"აი ამ წუთში ვისმენ გერმანიის NTV-ზე — რა ქრება რომელ ქვეყანაში ყველაზე მეტად მაღაზიებიდან — რა სად არის ყველაზე მეტად შესყიდვადი ამ პანიკის გამო.
სფრანგეთში — განდონები და ღვინო
გერმანიაში — ტუალეტის ქაღალდი
ამერიკაში — იარაღი". დავამატებ, - ჰოლანდიაში კოფი შოპებთან დადგა ყველაზე დიდი რიგი, მოსაწევის დასამარაგებლად.
ჰოლანდიელებს უნდათ სტრესი "დაიკიდონ", გერმანელებს უნდათ სტრესი გადაამუშაონ და მოინელონ, ამერიკელებს უნდათ შეებრძოლონ ყველას და ყველაფერს, ფრანგებს კი "ბოლო ჟამს" დრო მხოლოდ თრობისა და სიყვარულისთვის ემეტებათ. და ზოგადად, მარაგში იცნობა ერი და სიცოცხლისადმი მისი დამოკიდებულება, ჰოდა, ავე საფრანგეთს, სიცოცხლით თრობის ქვეყანას", - წერს ეძგვერაძე.