„საკუთარ თავს ვუსურვებდი, ასაკში ჩემი ქალაქივით კარგად გამოვიყურებოდე...“

ამბები

22 ოქტომბერი 14:12, 2019 წელი

დავით ლიკლიკაძის #ქალაქიხასიათით მის სიძველეზე გადის.

#ქალაქიხასიათით - ასე ჰქვია ქართული მინერალური წყალი „ბორჯომის“   შემოქმედებით კონკურსს, რომელმაც სტარტი 24 სექტემბერს აიღო და კონკურსანტებს  ელის. კონკურსის მიზანია საქართველოს ქალაქების ინდივიდუალური ხასიათის წარმოჩენა და მათი ფართო აუდიტორიისთვის გაცნობა.


მასში მონაწილეობის მიღება საქართველოში მცხოვრებ ნებისმიერ მსურველს შეუძლია. ამისთვის საჭიროა კონკურსანტმა გადაიღოს მოკლე ვიდეო, ან შექმნას ფოტოკოლაჟი, რომელშიც გვიამბობს შერჩეული ქალაქის შესახებ, კადრში გამოიყენოს „ბორჯომის“ პროდუქცია, ატვირთოს საბოლოო პროდუქტი საკუთარ სოციალურ ქსელში (Facebook/Instagram) ჰეშთეგებით #ქალაქიხასიათით, #ბორჯომი, #დაახასიათეშენიქალაქი, დაურთოს ტექსტი მისი ქალაქის შესახებ და გაუზიაროს  მისი ნამუშევარი მეგობრებს. კონკურსის შესახებ დეტალური ინფორმაციის მიღება და საკონკურსო ნამუშევრების ნახვა შესაძლებელია სპეციალურად პროექტისთვის შექმნილ პლატფორმაზე www.qalaqikhasiatit.borjomi.com


სოციალურ ქსელში ატვირთული ნამუშევრის ლინკი კი უნდა გამოაგზავნოს ელ. ფოსტაზე - qalaqikhasiatit@borjomi.com


მნიშვნელოვანია, რომ კონკურსის თემატიკა შეზღუდული არ არის. აუცილებელი პირობაა, ჩანდეს კავშირი ავტორსა და შერჩეულ ქალაქს შორის. საინტერესოა თუ როგორ ხედავს და გრძნობს კონკურსის მონაწილე ამა თუ იმ ქალაქის ხასიათს.


დავით ლიკლიკაძე ქართული მინერალური წყალი „ბორჯომის“   შემოქმედებით კონკურსის #ქალაქიხასიათით, პროექტის კოორდინატორია ქალაქ ქუთაისში. ალბათ, მიმიხვდებით, ის ასე უბრალოდ და ხელაღებით არ შეურჩევიათ პროექტის ორგანიზატორებს. ის სწორედ, ჩვენი ქვეყნის ყველაზე ძველ ქალაქთან - ქუთაისთან ასოცირდება- თავისი იუმორითა თუ უბრალოდ ინდივიდუალობით. ერთი სიტყვით, დავით ლიკლიკაძე ქუთაისის კოლორიტია - ხშირად გვსმენია. ალბათ,  საინტერესოა, მისივე თვალით დანახული ეს ქალაქი და რას შემოგვთავაზებდა, თავად რომ ყოფილიყო კონკურსანტი?!


- დავით, როგორია შენი ქალაქის ხასიათი?


- ნამდვილად მჯერა, რომ ქალაქს აქვს ხასიათი. და საერთოდ, ქალაქი ბიოლოგიური არსება მგონია, უხარია, უყვარს, ტკივა...ქუთაისი შეიძლება ითქვას კარგი ხასიათის ქალაქია, აქ ყველა ხუმრობს, ყველა იცინის, თითქოს პრობლემები არ გვაქვს. გვაქვს როგორ არა, მაგრამ ის ყოველთვის კარგ ხასიათზეა. მოკლედ ქუთაისი არის ლაღი, ჯანსაღი და ოპტიმისტური ხასიათის ქალაქი.


- დამიხასიათე შენითვის იდეალური ქალაქი...


- იდეალური ქალაქი უნდა იყოს ძველი, ისტორიული წარსულის, ვიწრო ქუჩებითა და ევროპული არქიტექტურით. ქალაქს უნდა ჰქონდეს კოლორიტი, უნდა გააჩნდეს ყველანაირი თანამედროვე ინფრასტრუქტურა და უნდა იყოს ძალიან მწვანე, სადაც უფრო მეტი ადამიანი ივლის ეკო ტრანსპორტით და ფეხით. თან ქალაქი დიდი არ უნდა იყოს, მისი ფეხით მოვლა უნდა შეგეძლოს 2-3 საათში.


- ქუთაისი თუ აკმაყოფილებს შენს იდეალებს?


- აი, რაც ჩამოვთვალე ყველაფერი აქვს ქუთაისს გარდა ყველაზე მწვანე ქალაქის სტატუსისა. მინდა ამ ქალაქში ბევრი ხე იყოს, ბევრი ველოსიპედი


- რას შეცვლიდი? რა არ მოგწონს შენს ქალაქში?


- ჩემს ქალაქს არ აქვს ფუნქცია, იგი მეგაპოლისი ვერ გახდება, რკინიგზამ გვერდი ჯერ კიდევ გასულ საუკუნეში აუარა, ახლა კი ავტობანმა. არ წარმოადგენს საზღვაო ქალაქს, არც სასაზღვროს, არც საკურორტოს. ამიტომ ამ ქალაქის ერთადერთ გადარჩენას პარლამენტში ვხედავ. შევცვლიდი იმას რომ დავუბრუნებდი მას საპარლამენტო სტატუსს.


- შენ და შენი ქალაქი .. რამდენად გევხართ?


- ფიზიკურად ის უფრო უკეთესია აშკარად (ვხუმრობ), ხასიათით კი. თხემით ტერფამდე ქუთაისელი ვარ!


- რამდენი ხანი ძლებ შენი ქალაქის გარეშე?


- მხოლოდ 3-4 დღე.


- რომ არა ქუთაისი სად დაიბადებოდი?


- არ ვიცი სად დავიბადებოდი, მაგრამ თუ მერე ქუთაისს მოვძებნიდი, აუცილებლად აქ გარდავიცვლებოდი.


- ბორჯომის პროექტზე რას გვეტყოდი? მიიღებდი თუ არამონაწილეობას და რას შემოგვთავაზებდი, როგორ დაგვანახებდი ქუთაისს - პრობლემებით თუ ჩვეულებრივ უდარდელ და მხიარულ ქალაქად?


- კარგად ვიცნობ ამ პროექტს, ძაან მაგარი კონკურსია. აუცილებლად ვურჩევდი ყველას მასში ჩართვას. გარდა იმისა, რომ კარგი შანსია ფინანსურად, ამასთან ძაან მაგარია ჩვენი ქალაქების პოზიციონერების საქმეში. მაგარი იდეაა...


- რას უსუვებდი შენს თავს და შენს ქალაქს?


- ჩემი ქალაქი ევროპის ყველაზე ძველ ქალაქებს შორის ხუთეულშია. თავისთავად ჩვენს ქვეყანაში ყველაზე ძველია. საკუთარ თავს ვუსურვებდი ასაკში ჩემი ქალაქივით კარგად გამოვიყურებოდე. 


დღის ჰოროსკოპი

28 იანვრის ასტროლოგიური პროგნოზი

რას გვირჩევენ ვარსკვლავები 28 იანვრისთვის ჯანმრთელობის, ბიზნესის და სიყვარულის მიმართულებით?
ამბები

კათარზისიდან მილიონამდე - ვალიკო ბაბუს ამბავი

მილიონერი, რომელსაც მთელი საქართველო ეძებდა, ნაპოვნია.  „ლოტო 6/42“-ის ჯეკპოტი - 1 182 454 ლარი 21 იანვარს გათამაშდა, მაგრამ ახალი ქართველი მილიონერი რამდენიმე დღე არ ჩანდა.
დღის ჰოროსკოპი

27 იანვრის ასტროლოგიური პროგნოზი

რას გვირჩევენ ვარსკვლავები 27 იანვრისთვის ჯანმრთელობის, ბიზნესის და სიყვარულის მიმართულებით?
ურთიერთობა

ცნობილი „პენსიონერები“ და მათი მეორე ნახევრები

რამდენიმე მაგალითი კიდევ ერთხელ იმის დასტურად, რომ სიყვარულმა არ იცის ასაკის საზღვრები, ისევე როგორც - კანის ფერი, რელიგია და კიდევ ბევრი სხვა მსაზღვრელი.
დღის ჰოროსკოპი

26 იანვრის ასტროლოგიური პროგნოზი

რას გვირჩევენ ვარსკვლავები 26 იანვრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

25 იანვრის ასტროლოგიური პროგნოზი

რას გვირჩევენ ვარსკვლავები 25 იანვრისთვის  ჯანმრთელობის, ბიზნესის და სიყვარულის მიმართულებით?
ურთიერთობა

პროფესორის ანეკდოტში ჩატეული ცხოვრება

ერთხელ ერთმა პროფესორმა სტუდენტებთან ლექცია ანეკდოტის მოყოლით დაიწყო - ცხოვრებისეული და ძალიან გონებამახვილური ანეკდოტით, რაზეც მთელმა აუდიტორიამ გულიანად იცინა...
საკნატუნო ამბები

რას ხედავთ ამ ფოტოზე?

აბა, ყურადღებით დააკვირდით... 
დღის ჰოროსკოპი

24 იანვრის ასტროლოგიური პროგნოზი

რას გვირჩევენ ვარსკვლავები 24 იანვარს  ჯანმრთელობის, ბიზნესის და სიყვარულის მიმართულებით?
საკნატუნო ამბები

გუგლის ახალი ყურსასმენი სინქრონულად თარგმნის 40 ენიდან! (Video)

კომპანიის ჩანაფიქრით, Pixel Buds 2, ერთი მხრივ, ლამაზი უნდა ყოფილიყო, მეორე მხრივ - მოხერხებული, მესამე მხრივ - ფუნქციონალური. და, როგორც ჩანს, გამოუვიდათ.  
დღის ჰოროსკოპი

23 იანვრის ასტროლოგიური პროგნოზი

რას გვირჩევენ ვარსკვლავები 23 იანვარისთვის ჯანმრთელობის, ბიზნესის და სიყვარულის მიმართულებით?