ნახეთ 5 მათგანი:
1. რამდენიმე დღეში გონება წყვეტს ფიქრს, რომ უმაკიაჟოდ სარკეში ჩახედვისას უცნობს ადამიანს ხედავთ
მეცნიერული კვლევით დადგენილია, რომ სანამ ქალი მაკიაჟს გაიკეთებს და საკუთარ სახეს სარკეში უყურებს და ფიქრობს, რომ სხვა ადამიანია, ხოლო მაკიაჟის გაკეთებისთანავე, თვლის, რომ თავისი ნამდვილი სახე დაიბრუნა. ბევრი ქალი მიიჩნევს, რომ საზოგადოებაში მაკიაჟის გარეშე ვერ გამოჩნდება და რომ შთაბეჭდილების მოსახდენად ის აუცილებელია. თუმცა როცა წყვეტს მაკიაჟის გამოყენებას, რამდენიმე დღეში რეალობას უბრუნდება და იღებს საკუთარ თავს ისეთს, როგორიც სინამდვილეშია.
2. უმაკიაჟოდ ქალი გაცილებით ახალგაზრდულად გამოიყურება
ქალი უმაკიაჟოდ გაცილებით უფრო ახალგაზრდულად გამოიყურება, ხოლო მაკიაჟით პირიქით, უფრო ასაკოვანს ჰგავს. ყოველივე კი, კვლევითაა დადასტურებული.
3. უმაკიაჟოდ ყოფნა ადამიანს ბუნებრივად და უფრო თამამად მოქცევის შესაძლებლობას აძლევს
როცა ცხელა, ან ადამიანი მთელი დღე აქტიურია, მოძრაობაშია, ოფლი გამოიყოფა და ეს ჩვეულებრივი რამაა, ყოველივეს გამო კი, შესაძლოა, მაკიაჟი დაზიანდეს. ეს ბევრი ქალისთვის ყოველდღიური გამოწვევაა. უმაკიაჟოდ კი ქალი უფრო თავისუფლადაა, არ დარდობს იმაზე, რომ უნებლიედ შეიძლება მაკიაჟი გაიფუჭოს.
4. იზრდება თავდაჯერებულობა
ფსიქოლოგები ამბობენ, რომ მაკიაჟით ადამიანები თავდაჯერებულობას გრძნობენ, მაგრამ ეს ეფექტი არ არის მუდმივი, ფასადურია და მალე ნაკლებ თავდაჯერებულობაში გადაიზრდება ხოლმე. ის, ვინც უმაკიაჟოდ სიარულს გადაწყვეტს, მალე საკუთარ ნამდვილ ვიზუალს შეიყვარებს, მოიწონებს და რეალური თავდაჯერებულობა შეემატება.
5. უმაკიაჟო ადამიანს უფრო მეგობრულად და სანდოდ აღიქვამენ
ჰარვარდის სამედიცინო სკოლის პროფესორი, ნენსი ეტკოფი ამბობს, რომ მაკიაჟის გარეშე ადამიანი უფრო სანდომიანად გამოიყურება, რასაც კვლევაც ადასტურებს. ამიტომაც, ვისაც სურს, რომ უფრო სანდოდ მიიჩნიონ და მეგობრულად აღიქვან, მაკიაჟის ტარებაზე უარის თქმა, შესაძლოა, ერთ-ერთი საუკეთესო გადაწყვეტილება იყოს.