სპორტის რომელი სახეობა მოსწონთ ბავშვებს ყველაზე მეტად?

ახალი თაობა

7 აგვისტო 18:00, 2018 წელი

მოუსმინეთ და გაიცანით: ნიკოლოზ მესხიძე, ნიკოლოზ კალანდაძე, რატი კერძევაძე, ლაზარე ხურციძე, ლუკა კერძევაძე, ლუკა ბებია, დათა ქუთელია, ანანო ქუთელია, სანდრო ფარღალავა, დემეტრე კვიჟინაძე და იოანე კვიჟინაძე.

დემეტრე კვიჟინაძე - 7 წლის



- ვფიქრობ, სპორტი აუცილებელია ადამიანისთვის. უფრო აჯანსაღებს ორგანიზმს. მე ფეხბურთი  მიყვარს და დავდივარ კიდეც ფეხბურთზე. მარჯვენა ნახევარმცველის პოზიციაზე ვთამაშობ. ჩემი საყვარელი ფეხბურთელია ნეიმარი. საყვარელი გუნდი - „ბარსელონა“. წლევანდელ მსოფლიო ჩემპიონატზე ჯერ არგენტინას ვგულშემატკივრობდი, მაგრამ რომ გავარდა, მერე ბრაზილიას ვგულშემატკივრობდი, მერე პორტუგალიას და ბოლოს ხორვატიას. მინდა, ნეიმარივით მაგარი ფეხბურთელი გამოვიდე. ძალიან მაგარ ფინტებს აკეთებს, ბურთს კარგად ურტყამს და აქტიურია.


 


ნიკოლოზ კალანდაძე - 10 წლის



- ჩემი საყვარელი სპორტის სახეობაა ფეხბურთი, რადგან უფრო აქტიურად ვარ ამ სპორტში ჩართული. პრაქტიკაშიც და თეორიაშიც კარგად ვერკვევი. საყურებლადაც ფეხბურთი მირჩევნია. უფრო სასიამოვნოა ჩემთვის. ვგულშემატკივრობ „ბარსელონას“ და რადგან „ბარსელონას“ ფანი ვარ, გამორჩეულად მიყვარს ლიონელ მესი. ის არის სწრაფი, ტექნიკურია, დრიბლინგი აქვს მშვენიერი, ბურთს აჩერებს ისე, რომ სისწრაფე არ დაკარგოს. მსოფლიო ჩემპიონატზე ვგულშემაკტივრობდი ბრაზილიას.


 


სანდრო ფარღალავა - 8 წლის



- სპორტი მიყვარს. განსაკუთრებით მთამსვლელობა მომწონს და მინდა, მთამსვლელი გამოვიდე. თავიდან პატარ-პატარა მთებზე ავალ და მერე ძალიან დიდზე. მთებზე სულ უნდა ვიარო. ბოლოს მინდა, რომ ევერესტი დავიპყრო. სიმაღლის არ მეშინია და მთამსვლელობისთვის საჭირო სპეციალური ტანსაცმელი და ფეხსაცმელი უკვე მაქვს. მთაზე ასვლა მარტო არ მინდა. მინდა, რომ ევერესტზე მეგობართან ერთად ავიდე. უკვე დაგეგმილი გვაქვს, ერთ რვა წელში, ალბათ, ავალთ.


 


იოანე კვიჟინაძე - 10 წლის



- სპორტი მიყვარს, რა თქმა უნდა. განსაკუთრებით ფეხბურთი. სკოლაში ფეხბურთს ვთამაშობდით ხოლმე და ძალიან შემიყვარდა. ახლა დავდივარ კიდეც ფეხბურთზე. აქტიური სპორტია და ცოტა უხეშობებიც ხდება. მე თავდამსხმელის პოზიციაზე ვთამაშობ. ჩემპიონატშიც გავსულვარ და მესამე ადგილი დავიკავეთ. ახლა ვოცნებობ, რომ მოვხვდე „პარი სენ-ჟერმენში“, მაგრამ რომ გავიზრდები, ალბათ, შემეცვლება აზრი. ბრაზილიის გულშემატკივარი ვარ. წლევანდელ ჩემპიონატზეც ბრაზილიას ვგულშემატკივრობდი. ჩემი საყვარელი ფეხბურთელია ნეიმარი. მინდა მასავით ძლიერი, მაგარი და ტექნიკური ფეხბურთელი გამოვიდე. ბურთსაც კარგად ვფლობ. საკუთარ თავს 10-ბალიანი სისტემით 7 ან 8 ქულით შევაფასებდი.


 


ანანო ქუთელია - 10 წლის



- სპორტულ ცეკვებზე დავდივარ და მიყვარს ძალიან. ეს იგივე სამეჯლისო ცეკვებია, მაგრამ სპორტივითაა. მინდა, მოცეკვავე გამოვიდე. ვცეკვავ ჩა-ჩა-ჩას, სამბას, ჯაივს, რუმბას, ნელ ვალსს, ქუიქ სტეპს. ვოცნებობ, რომ ამერიკაში წავიდე და იქ რომელიმე პროექტში მივიღო მონაწილეობა - დიდ სცენაზე ვიცეკვო და ყველა გავაოცო.


 


რატი კერძევაძე - 6 წლის



- მე მიყვარს ცურვა, იმიტომ რომ ცურვასაც გასწავლიან და წყალბურთსაც. ადრე დავდიოდი ცურვაზე და ვისწავლე კარგად. მარტო აუზში კი არ ვცურავ, ზღვაში ცურვაც ვიცი, არც ტალღების მეშინია. ცურვა ადამიანის ჯანმრთელობისთვის კარგია. მე მომწონს, წყალში ზურგზე რომ დავწვები და ისე ვცურავ.  


 


ნიკოლოზ მესხიძე - 7 წლის



- მე მიყვარს ფეხბურთი და „იუვენტუსის“ ფანი ვარ, იმიტომ რომ „იუვენტუსმა“ რონალდო იყიდა. რონალდო ჩემი საყვარელი ფეხბურთელია. მეც დავდივარ ფეხბურთზე და „დინამოში“ ვთამაშობ. ვოცნებობ, მარადონასნაირი ფეხბურთელი გავხდე, იმიტომ რომ მაგარი იყო, სწრაფი იყო და მაგრად ატყუებდა ფეხბურთელებს. მეკარეს „ამატავებდა“ და გოლი გაჰქონდა.


 


ლუკა კერძევაძე - 7 წლის



- სანამ პირველ კლასში შევიდოდი, ფეხბურთზე დავდიოდი, მერე გამოვედი, მაგრამ მაინც ძალიან მიყვარს ფეხბურთი და ვფიქრობ, რომ ისევ ვივლი ამ სპორტზე. ჩემი საყვარელი ფეხბურთელები არიან ლიონელ მესი, ნეიმარი და კრიშტიანუ რონალდუ. სამივე პროფესიონალი, მოქნილი და სწრაფია. ძალიან კარგად ფლობენ ბურთს. ერთ თამაშში ნეიმარი იყო ძალიან აფერისტი, რაღაცებს იტყუებოდა, საჯარიმოში ვითომ ვიღაცა წააქცევდა და უნდოდა, პენალტები დაერტყა. მართალია, ეს აფერისტული თამაში არ მომეწონა, მაგრამ ნეიმარი მაინც მიყვარს. მსოფლიო ჩემპიონატზე ბრაზილიას ვგულშემატკივრობდი. ხორვატიის გულშემატკივარი საერთოდ არ ვყოფილვარ.


 


ლუკა ბებია - 7 წლის



- სპორტიდან ყველაზე მეტად მომწონს ჭადრაკი და ცურვა. ჭადრაკი იმიტომ მიყვარს, რომ სააზროვნოა, დავდივარ ჭადრაკზე და კარგადაც ვთამაშობ. რომ გავიზრდები, მინდა ნონა გაფრინდაშვილივით ძლიერი მოჭადრაკე გამოვიდე. მაია ჩიბურდანიძეც მაგარია, ფინალში მოუგო ნონა გაფრინდაშვილს, მაგრამ მე მაინც მინდა, ნონა გაფრინდაშვილს დავემსგავსო ჭადრაკის თამაშში.


 


დათა ქუთელია - 8 წლის



- ყველაზე ძალიან მიყვარს ცურვა, იმიტომ, რომ კარგი სპორტია და თუ მანდ ივლი, ჯანმრთელი გაიზრდები. მე დავდივარ ცურვაზე და მიყვარს კროლის სტილში ცურვა. წყალბურთის თამაშიც მიყვარს და ვთამაშობთ ხოლმე აუზზე. ზღვაზეც ვცურავ და თან დამცავი ჟილეტის გარეშე. უკვე კარგად ვიცი ცურვა და არ მეშინია.


 


ლაზარე ხურციძე - 9 წლის



- ჩემი საყვარელი სპორტია ხრიდოლი. განსაკუთრებით ის სპორტი მომწონს, სადაც თავდაცვა მიწევს. თავდაცვასაც მასწავლიან და ხრიდოლის ილეთებიც მიყვარს, თან კარგად გამომდის. ადრე დავდიოდი ხელჩართულ ბრძოლაზე და ეგეც მომწონდა, მაგრამ მერე უსამართლოდ მექცეოდა მასწავლებელი და გამოვედი. ხრიდოლში შეჯიბრებებზეც გავდივარ. უკვე მედლები და ჯილდოები მაქვს. არ მინდა, ამ სპორტისთვის თავის დანებება და ვეცდები, სულ ვიარო.


 

დღის ჰოროსკოპი

28 სექტემბრის ასტროლოგიური პროგნოზი

რას გვირჩევენ ვარსკვლავები 28 სექტემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

27 სექტემბრის ასტროლოგიური პროგნოზი

რას გვირჩევენ ვარსკვლავები 27 სექტემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

26 სექტემბრის ასტროლოგიური პროგნოზი

რას გვირჩევენ ვარსკვლავები 26 სექტემბრისთვის ჯანმრთელობის, ბიზნესის და სიყვარულის მიმართულებით?
NEW

„ვისოლი“ Smart Pay ფორმატის ავტოგასამართი სადგურების ქსელს ავითარებს

„ვისოლმა“ რუსთავში,  შარტავას ქ. #4-ში Smart Pay ფორმატის ავტოგასამართ სადგურ “სმარტის” სუპერმარკეტთან ერთად გახსნა და ქალაქში მომხმარებელს მგზავრობის და საწვავის ღირებულების გადახდის ახალ ფორმა შესთავაზა.
დღის ჰოროსკოპი

25 სექტემბრის ასტროლოგიური პროგნოზი

რას გვირჩევენ ვარსკვლავები 25 სექტემბრისთვის ჯანმრთელობის, ბიზნესის და სიყვარულის მიმართულებით?
NEW

საუზმის 5-წუთიანი რეცეპტები, რომლის მომზადებაშიც მხოლოდ ერთი დანადგარია საჭირო

როგორ იწყებთ დილას? არსებობენ ადამიანები, რომლებისთვისაც საუზმე ნაირნაირ სენდვიჩს, რძის ნაწარმს, კვერცხს, მურაბებს და ბლინებს ნიშნავს; ზოგისთვის კი ჭიქა ყავაც საკმარისია. ასეა თუ ისეა, ყველა ერთხმად თანხმდება: ჯანსაღი და გემრიელი საუზმე, არამხოლოდ ჯანმრთელობისთვისაა სასარგებლო, არამედ ის დღის ენერგიულად დაწყებაშიც გვეხმარება.  
დღის ჰოროსკოპი

24 სექტემბრის ასტროლოგიური პროგნოზი

რას გვირჩევენ ვარსკვლავები 24 სექტემბრისთვის ჯანმრთელობის, ბიზნესის და სიყვარულის მიმართულებით?
NEW

„ევროპაბეთი“თამაშის წესების შეცვლას განაგრძობს

„ევროპაბეთი“ მომხმარებლებს მაგიდის თამაშების ახალ, უალტერნატივო რეალობას, სათამაშო ინდუსტრიას კი კიდევ ერთ გამოწვევას სთავაზობს. 17 სექტემბრიდან ნარდი, ბურა და დომინო  „ევროპაბეთზე“ სრულიად უფასოა. პოპულარული სამაგიდო თამაშებით გართობა მსურველებს  0%-ანი კომპანიის წილით და ნულოვანი ბალანსით შეუძლიათ.  
დღის ჰოროსკოპი

23 სექტემბრის ასტროლოგიური პროგნოზი

რას გვირჩევენ ვარსკვლავები 23 სექტემბრისთვის ჯანმრთელობის, ბიზნესის და სიყვარულის მიმართულებით?
NEW

„თბილისის დებატების სკოლა“ აცხადებს მოსწავლეების შერჩევის კონკურსს

საერთაშორისო დებატების საგანმანათლებლო ასოციაციის (IDEA) წევრი ორგანიზაცია საქართველოს დებატებისა და განათლების ინსტიტუტი (GIDE) აცხადებს მოსწავლეთა მიღებას „თბილისის დებატების სკოლაში“, პროექტ „დებატები უკეთესი განათლებისთვის“ ფარგლებში, რომელიც მხარდაჭერილია გუდავაძე-პატარკაციშვილის ფონდის მიერ. კონკურსში მონაწილეობის მისაღებად, იმ მოსწავლეებს, ვისაც სურს დაეუფლოს დებატების ტექნიკას და კამათის ხელოვნებას, შეუძლიათ შეავსონ აპლიკაციის ფორმა ორგანიზაციის Facebook გვერდზე shorturl.at/dqzQ3
დღის ჰოროსკოპი

22 სექტემბრის ასტროლოგიური პროგნოზი

რას გვირჩევენ ვარსკვლავები 22 სექტემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

21 სექტემბრის ასტროლოგიური პროგნოზი

რას გვირჩევენ ვარსკვლავები 21 სექტემბრისთვის ჯანმრთელობის, ბიზნესის და სიყვარულის მიმართულებით?