ანი ცინცქილაძე - მე და ჩემი შვილები, ფაქტობრივად, ტოლები ვართ

- მაშინაც  ვიცოდი, რომ დედობისთვის ძალიან პატარა ვიყავი, მაგრამ ახლა კიდევ უფრო ვრწმუნდები ამაში. მე და ჩემი შვილები, ფაქტობრივად, ტოლები ვართ.

- რა არის მთავარი იმისთვის, რომ კარგი დედა იყო?
- ვერ ვიტყვი, რომ რამე ფორმულა არსებობს, მაგრამ ალბათ ყველაზე მთავარია, არ მოვადუნოთ ყურადღება, არ მოვაკლოთ პატარებს სითბო და არასდროს განიცადონ დედის დანაკლისი.

- როგორი ბავშვები არიან ტყუპები?
- ძალიან ცელქები და სუპერაქტიურები.

- ხასიათით ჰგვანან ერთმანეთს?
- რამდენიმე  საერთო თვისება აქვთ, მაგრამ არა - ტყუპებისთვის დამახასიათებელი.
ძალიან განსხვავდებიან ერთმანეთისგან.  ორივე სხვადასხვა ადამიანია. დანამდვილებით ვერ ვიტყვი, მაგრამ შეიძლება ამის მიზეზი ისიც იყოს, რომ გოგო და ბიჭი არიან.

-  ვინმე გეხმარებათ ბავშვების აღზრდაში?
-  ბავშვების დაბადებიდან გვყავდა ფანტასტიკური ძიძა, რომელიც ძალიან მეხმარებოდა... და არა მარტო ძიძა - ყველა მეხმარება, მთელი ოჯახი ერთად ვზრდით ბავშვებს.


- ტანსაცმლის დიზაინერი ხართ და თქვენი შვილებისთვის თუ ქმნით სამოსს?
- კი, რა თქმა უნდა... მაშკას ახლაც ჩემი შეკერილი კაბა აცვია.

- მუშაობის გამო დღის განმავლობაში ახერხებთ ბავშვებთან ყოფნას?
- ბავშვები სკოლიდან რომ გამომყავს, ვცდილობ, მერე მეც სახლში ვიყო. ძალიან უყვართ, როდესაც მათთან ერთად ვთამაშობ დაჭერობანას, დამალობანას. მაშკას ბარბებით უყვარს თამაში, ბიკოს - ჭიდაობა. გარდავიქმნებით ხოლმე ზღაპრის გმირებად და ვჭიდაობთ.

- კიდევ აპირებთ შვილის გაჩენას?
- ძალიან მინდა, უბრალოდ - ცოტა მოგვიანებით.

P.S. ფოტოსესია გადაღებულია საბვშვო - გასართობ ცენტრში ,,დადუს სახლი".