პატარა ვახტანგიშვილები - ცელქები და ჭკვიანები

- მამა 29 წლის ასაკში გავხდი. ჩემთვის მამობა დიდი სიხარული, ბედნიერება და, რა თქმა უნდა, უდიდესი პასუხისმგებლობაა.

- დატვირთული სამუშაო გრაფიკის გამო გრჩებათ დრო შვილებთან ურთიერთობისთვის?
- როგორც კი თავისუფალი დრო გამომიჩნდება, სულ ბავშვებთან ვარ და ვეთამაშები. ძირითადად კი ასეთი დღე კვირაა. თუ კარგი ამინდია, პარკში მივდივართ სასეირნოდ, ატრაქციონებზე გასართობად, ხოლო თუ სახლში ვართ, მულტფილმებს ვუყურებთ, სხვადასხვა თამაშებს ვიგონებთ... თამაში კი ყველანაირი მოსწონთ - დაწყებული თოჯინებით, დამთავრებული ფეხბურთით. ასაკის შესაფერისად ცელქები და ჭკვიანებიც არიან. ნიცა ჯერ 5-ისაც არ არის და თავისით ისწავლა ასოების წერა, კითხვასაც ცდილობს.
ნიკო კი ჯერ ვერც ლაპარაკობს წესიერად, მაგრამ უკვე ძალიან უყვარს მანქანები (იღიმის).

- რას უსურვებდით როგორც თქვენს შვილებს, ისე მომავალ თაობას?
- იცით, ძალიან მაგარი თაობა მოდის. აქედანვე ეტყობათ, რომ ძალიან ჭკვიანები იქნებიან. ვუსურვებ ჯანმრთელობას და ამ ჭკუის სწორად გამოყენებას.

- დაბოლოს, თქვენს პროფესიულ სიახლეებზე მოგვიყევით... 
- რაც შეეხება სამომავლო გეგმებს, თებერვლიდან განახლებულ „TV 11“-ს იხილავს მაყურებელი, ჩვენ კი მთელი ძალებითა და ენერგიით ამაზე ვართ ორიენტირებულები.

ტექსტი მოამზადა ელიზავეტა გეგეშიძემ.