- მინდოდა, ფართო აუდიტორიის წინაშე წარვმდგარიყავი, ამიტომაც მოვედი აქ. მინდა ხალხმა თათული გაიცნოს. პროექტში მონაწილეობა მხოლოდ ჩემი ინიციატივა იყო, თანაც არავისთვის გამიმხელია, გამოსვლას რომ ვაპირებდი.
- და რა მოლოდინით მოხვედით?
- რა თქმა უნდა, იმ იმედითა და ამბიციით, რომ საქართველოს ვარსკვლავი გავხდე!
-კონკურენცია რამდენად გაძლევთ ამის საშუალებას?
-კონკურენცია ძალიან დიდია. ძლიერი და ინდივიდუალური ბავშვები არიან, თუმცა მე ბოლომდე ვიბრძოლებ გამარჯვებისთვის, რაშიც ჩემი გულშემატკივრების იმედი მაქვს!
- რას ნიშნავს თქვენთვის ჟიურის წევრების შეფასებები?
- ჩემთვის ჟიური პირდაპირი ხიდია, რითიც ხალხმა უნდა იხელმძღვანელოს. ამიტომაც მათი შეფასება და კომენტარი ჩემთვის ძალიან მნიშვნელოვანია.
- მუსიკას როდის დაუახლოვდით?
- სამი წლიდან ვმღერი. ვოკალის პედაგოგი არასოდეს მყოლია. ოჯახი წინა პლანზე ყოველთვის ჩემს განათლებას აყენებდა, ამიტომ მუსიკალურად განვითარებას დამოუკიდებლად ვცდილობდი. ჩემს ოჯახში უმრავლესობას ტექნიკური განათლება აქვს და მუსიკის სიყვარულით ვის დავემსგავსე, ვერ გეტყვით.
- აქტიური მუსიკალური ცხოვრების დაწყება რა ნაბიჯს უკავშირდება?
- ჩემი აქტიური მუსიკალური ცხოვრება მას შემდეგ დაიწყო, რაც 2015 წელს მონაწილეობა მივიღე „ახალ ხმაში“ ამჟამად სტუდენტი ვარ. ლიტერატურისა და ხელოვნების ისტორიას ვსწავლობ.