გიორგი მარშანია: „სპონსორს ძალიან მომგებიან პირობებს ვთავაზობთ“

ჩვენ გვერდით

28 ივლისი 20:00, 2017 წელი

„ბავშვის განვითარებისთვის ერთ-ერთი საუკეთესო საშუალება ინფორმაციის ანიმაციით მიწოდებაა“, - ამბობს „თავისუფალი თეატრის“ მსახიობი გიორგი მარშანია, რომელიც ანიმაციური ფილმების სტუდია „ველოსიპედის“ საქმიანობაზე გვიყვება...

გიორგი მარშანია: რამდენიმე წლის წინათ მე და კარიკატურისტმა კემომ აღმოვაჩინეთ, რომ მულტფილმები ორივეს გვიყვარდა. ვიმუშავეთ ერთობლივ პროექტზე „დათუნია დრუნჩაზე“, ამ ნამუშევრით კინოცენტრის კონკურსშიც მივიღეთ მონაწილეობა და გავიმარჯვეთ კიდეც, თუმცა პროექტის დასასრულებლად დაფინანსება ვერ მივიღეთ, რადგან კინოცენტრი საავტორო ფილმებზეა ორიენტირებული. ამ ყველაფერს ანიმაციური სტუდიის, „ველოსიპედის“ დაარსება მოჰყვა. 

- რას ემსახურება სტუდია „ველოსიპედი“?
- საბავშვო ანიმაციურ ფილმებს ვქმნით. პირველი იყო „სახალისო მათემატიკა“ ჟირაფ ჟოზეს მონაწილეობით, რომელზეც მე და ვებდიზაინერმა თამუნა ზარქუამ ვიმუშავეთ. დღეისთვის ამ მულტფილმს 5 მილიონზე მეტი ნახვა აქვს და ჟოზე პატარებისთვის საყვარელ პერსონაჟად იქცა. ვმუშაობთ ახალ ანიმაციებზე. ჟოზეს ბევრი მეგობარი შეემატება. ამ ეტაპისთვის უკვე რამდენიმე სერია გვაქვს. ჟოზეს ორი სიმღერა ჩაწერის პროცესშია.


- როგორ შეიქმნა პატარებისთვის საყვარელი მულტფილმის პერსონაჟი ჟოზე?
- საქართველოში საბავშვო ანიმაციების დეფიციტია. თავიდან ვფიქრობდით, რომ ჩვენს ანიმაციებს მხოლოდ საგანმანათლებლო დატვირთვა ექნებოდა. განვითარებულ ქვეყნებში ბავშვები ყველაფერს ინტერნეტის საშუალებით ითვისებენ. საქართველოში კი უცხოურ ანიმაციებს უყურებენ და ასე სწავლობენ ფერებსა თუ თვლას. ვიფიქრეთ, რომ პატარებს სიმღერით ვასწავლიდით, რასაც პერსონაჟი დასჭირდებოდა. მივიღეთ გადაწყვეტილება, რომ ეს ჟირაფი იქნებოდა. შემდეგ სოციალურ ქსელში მის სახელზე კონკურსი გამოვაცხადეთ. შევარჩიეთ ჟოზე და დავიწყეთ მუშაობა.


- ვინ არიან „ველოსიპედის“ გუნდის წევრები?
- გუნდში არიან ანიმატორები თამუნა ზარქუა და გიორგი გაგლოშვილი, ილუსტრატორი რუსკა ყვავაძე, კარიკატურისტი კემო და ანიმაციის რეჟისორი ნინო ჩხეიძე. პერიოდულად ანიმატორებთან, გიო და ელინა ფოფხაძეებთანაც ვთანამშრომლობთ. შემოგვიერთდა ირაკლი ნადირაძე, რომელიც სოციოლოგია და წლებია, ბავშვებთან მუშაობს. იგი მენეჯმენტისა და იურიდიულ საკითხებში გვიდგას გვერდით. ჟოზესთვის სიმღერებს ჯგუფ „რეზო და ბავშვების“ წევრები - რეზო ბლიაძე და ლელო ხოტივარი წერენ. ტელევიზიიდან თითქმის ორი წელია, წამოვედი და მთლიანად სტუდია „ველოსიპედზე“ ვარ გადართული. „ახალი ქართული სკოლის“ დირექტორს ჩვენი საქმიანობა ძალიან მოეწონა და სრულიად უსასყიდლოდ საოფისე ფართი დაგვითმო, სადაც ვიკრიბებით და ვმუშაობთ. ყველაფერს საკუთარი ძალებით ვაკეთებთ, პირადი ფინანსებიც გვაქვს ჩადებული, მაგრამ ასე უსასრულოდ საკუთარი ძალებით მუშაობა არ შეიძლება. სტუდია „ველოსიპედს“ სჭირდება სპონსორი და ხელშეწყობა, სპონსორს კი ძალიან მომგებიან პირობებს ვთავაზობთ.


- ვინ და რატომ უნდა დაინტერესდეს სტუდია „ველოსიპედის“ საქმიანობით?
- რამდენიმე დღის წინ განათლების სამინისტრომ საბავშვო ანიმაციური სერიალის, კრეათონის კონკურსში საუკეთესო სინოფისის შექმნისთვის დამაჯილდოვა, რაც იმას ნიშნავს, რომ სახელმწიფო უკვე დაინტერესდა. გარდა ამისა, სტუდია „ველოსიპედი“ ძალიან საინტერესო ბიზნესპროექტია ყველა იმ კომპანიისთვის, რომელიც საბავშვო პროდუქციას აწარმოებს. სკოლებში ანიმაციის გაკვეთილებსაც ვატარებთ და ფესტივალებშიც ვმონაწილეობთ. საგანმანათლებლო ანიმაცია მომავალი თაობისთვის დიდი ხელშეწყობაა. ეს არ არის ტრაფარეტული სიტყვები. ბავშვის განათლებისა და განვითარებისთვის ერთადერთი თუ არა, ერთ-ერთი საუკეთესო საშუალება ინფორმაციის ანიმაციით მიწოდებაა.


- რა ემოციას იწვევს თქვენში, როცა მშობლები აღნიშნავენ, რომ ჟოზე მათი შვილების საყვარელი პერსონაჟია?
- როგორც მსახიობისთვის ტაშია დიდი საჩუქარი, ასეთივე ემოციას იწვევს ჩემში ჟოზეს მიმართ დადებითი დამოკიდებულება. ერთ-ერთმა მშობელმა სტუდია „ველოსიპედის“ ფეისბუკგვერდზე კომენტარი დატოვა, - ჩემი შვილი აუტისტია და კონტაქტზე თქვენი მულტფილმების ყურების შემდეგ გამოდისო. ეს რომ წავიკითხე, მივხვდი, რომ სამწლიანი ანაზღაურების გარეშე მუშაობა ნამდვილად ღირდა.

ფოტოგრაფი: ალექსანდრე სხულუხია
ამბები

რა გამონაკლისი დაუშვა Black Eyed Peas-მა საქართველოში ? - ბენდის გრანდიოზული შოუ შავი ზღვის არენაზე (ფოტოები)

6 „გრემის“ მფლობელი ამერიკული ჯგუფი „ბლექ აიდ ფისი“ საქართველოს ეწვია.
საკნატუნო ამბები

„კაუჩუკის გოგონები“ - ისინი საოცრებებს სჩადიან!

ადამიანის ფიზიკურ შესაძლებლობებს საზღვარი არ აქვს. ამ გოგონებს ათასნაირად შეუძლიათ პლასტილინივით სხეულის დაკეცვა! ამას ენით ვერ აღვწერთ, ეს უნდა ნახოთ!
ამბები

სკოლებში ძალადობის შემთხვევების შესამცირებლად ილიას სამართლის ინსტიტუტი ხელისუფლებას მიმართავს

საქარველოს სკოლებში გახშირებული ძალადობის შემთხვევების შესამცირებლად და ბულინგზე ადეკვატური რეაგირების მიზნით ილიას სამართლის ინსტიტუტი (ილიასი) საკანონმდებლო და აღმასრულებელ ხელისუფლებას მიმართავს.
საკნატუნო ამბები

(+18) ახალი სექსუალური ეთიკა: პენისის ზომა თუ ნიჭი?

პენისის ზომას არ აქვს მნიშვნელობა... თუ ზომა მაინც მნიშვნელოვანია? ერთად გავერკვეთ.     
დღის ჰოროსკოპი

18 ივნისის ასტროლოგიური პროგნოზი

რას გვირჩევენ ვარსკვლავები 18 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ბედნიერებას ფულით ვერ იყიდი - უბედური მდიდრები

არა აქვს მნიშვნელობა, მილიარდერი ბიზნესმენი ხარ, მსოფლიო პოლიტიკოსი თუ პლანეტის გამორჩეული ვარსკვლავი, სულიერი ტკივილის წინაშე ყველა უძლურია, ყველაფერი აზრს კარგავს... რჩება მხოლოდ აუტანელი სიცარიელე, რომელიც არასდროს არაფრით შეივსება...
დღის ჰოროსკოპი

17 ივნისის ასტროლოგიური პროგნოზი

რას გვირჩევენ ვარსკვლავები 17 ივნისისთვის ჯანმრთელობის, ბიზნესისა და სიყვარულის მიმართულებით?
კულინარია

კატლეტი კომბოსტოთი - გემრიელი და ნაკლებკალორიული

ეს კატლეტი იმასაც მოეწონება, ვინც ფიგურას უფრთხილდება.
დღის ჰოროსკოპი

16 ივნისის ასტროლოგიური პროგნოზი

რას გვირჩევენ ვარსკვლავები 16 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არასტანდარტული აზროვნებით „გამორჩეულები“

ალბათ თქვენც დაგვეთანხმებით, რომ არასტანდარტული აზროვნება და კრეატიულობა სულ სხვა რამაა და არა ის, რაც ამ ფოტოებზეა... 
ამბები

როგორ შევქმნათ ბიზნესმოდელი ანუ როგორ ვმართოთ კომპანია

ინტერვიუ „ჯეპრას“ კონსულტანტ მანჩო ონიაშვილთან.
დღის ჰოროსკოპი

15 ივნისის ასტროლოგიური პროგნოზი

რას გვირჩევენ ვარსკვლავები 15 ივნისისთვის ჯანმრთელობის, ბიზნესისა და სიყვარულის მიმართულებით?