ბერი ანდრიას ნატვრა და „ბედნიერი სახლი“

ჩვენ გვერდით

1 აგვისტო 20:00, 2017 წელი

„გავიზრდები და აუცილებლად დავეხმარები ღატაკთ, დავეხმარები უსავანოთ, დავეხმარები უბედურთ. იქნებ, მართლა შევძლო ეს, იქნებ...“ - 17 წლის ასაკში გარდაცვლილი ბერი ანდრიას ეს სიტყვები ახლა უკვე „ბედნიერი სახლის“ მშენებლობის საძირკველში დევს...

28 ივლისს, სოფელ დიღომში, „ბერი ანდრიას ფონდის“ ინიციატივით, სიმსივნით დაავადებული ბავშვებისთვის განკუთვნილი სარეაბილიტაციო-სასტუმრო ცენტრის „ბედნიერი სახლის“ მშენებლობას ჩაეყარა საფუძველი...
„ბერი ანდრიას ფონდი“ 2010 წელს, ყველაზე ახალგაზრდა ბერის - 17 წლის ანდრიას თხოვნით დაარსდა. ფონდის პრიორიტეტი სიმსივნით დაავადებულ ბავშვებზე ზრუნვა, მკურნალობა და რეაბილიტაციაა. დღეს ფონდი სიმსივნით დაავადებულ 54 ბავშვზე ზრუნავს. აქედან 22 განიკურნა და კონტროლის რეჟიმშია. მათ საკმაოდ ძვირად ღირებულ კვლევებს მხოლოდ „ბერი ანდრიას ფონდი“ აფინანსებს.


ბერი ანდრია (ერისკაცობაში ნუგზარ მილორავა) სიმსივნით 2011 წლის 28 ივლისს გარდაიცვალა. ფონდის დამფუძნებლები მისი მშობლები - ნესტორ მილორავა და მილედი (თინათინ) ჩხვიმიანი არიან.


ბერი ანდრიას დედა, თინათინ ჩხვიმიანი: 


- „ბერი ანდრიას ფონდი“ უკვე 7 წელია, სიმსივნით დაავადებულ ბავშვებზე ზრუნავს. სახლი, სადაც რეგიონებიდან ჩამოსული ბავშვები მკურნალობის პროცესში ცხოვრობენ, 4 წლის წინათ ვიქირავეთ. ის არ არის სიმსივნით დაავადებულ ბავშვებზე კარგად მორგებული შენობა, ფართიც არასაკმარისია. ამიერკავკასიაში პირველ სარეაბილიტაციო-სასტუმრო ცენტრს, სრული ინფრასტრუქტურით, 6500 კვმ-მდე მიწის ნაკვეთზე ავაშენებთ, რომელიც 2 წლის წინათ ეკონომიკის სამინისტრომ გადმოგვცა. „ბედნიერი სახლი“ცენტრს ბავშვებმა დაარქვეს. 28 ივლისს, იმ ადგილას, სადაც ცენტრის შენებას ვიწყებთ, ჩავუშვით კაფსულა. მასში მოთავსებულ პერგამენტზე ბერი ანდრიას მეგობრის ხელით დაიწერა ბერი ანდრიას სიტყვები: „ბედნიერია მოკვდავი, რომელიც სიკეთეს ფარულად თესავს, უანგაროდ. საცოდავია ადამიანი, რომელიც სიკეთეს იმისთვის აკეთებს, რომ ხალხმა ან ღმერთმა დაუფასოს. მთავარი ის კი არ არის, რომ სიკეთე ვინმემ დაგვიფასოს, არამედ მთავარია ის, რომ სიკეთის ქმნით, დაფარული სიკეთის, მადლის თესვით გადავარჩინოთ, ვიხსნათ მოყვასი, დავეხმაროთ გაჭირვებულს და სასოწარკვეთას მიცემულს სალბუნად დავადოთ ჩვენი ნუგეში. გავა დრო და გავიზრდები, გავიზრდები და აუცილებლად დავეხმარები ღატაკთ, დავეხმარები უსავანოთ, დავეხმარები უბედურთ. იქნებ, მართლა შევძლო ეს, იქნებ... და დავიამო ჩემი ტკივილი. ბერი ანდრია  (ნუგზარ მილორავა) 2006 წელი“. და მან ეს შეძლო!
საპატრიარქოს წარმომადგენლებთან ერთად, ამ დღეს ჩვენი სტუმრები იყვნენ საქართველოს ვიცე-პრემიერი, მინისტრები, თბილისის მერი და რიგი პარლამენტის წევრებისა. თბილისის მერია ყოველთვის გვერდში გვიდგას და ამისთვის დიდ მადლობას ვუხდი ბატონ დავით ნარმანიას, ქალბატონ ნინა ხატისკაცს და მერიის თითოეულ თანამშრომელს. ბატონი კახი კალაძე ბერ ანდრიას პირადად იცნობდა. ნაციონალურ ონკოცენტრში მოინახულა საჩუქრებით, მაშინ, როცა ჯერ კიდევ ფეხბურთელი იყო. ბერმა ანდრიამ ის დალოცა და ბავშვების სახელით ღვთისმშობლის ხატი გადასცა საჩუქრად.


- მიწა ორი წლის წინათ გადმოგეცათ. მშენებლობა ამდენხანს რატომ არ დაიწყო?
- ეს 2 წელი სახლის დაპროექტებას მოვანდომეთ. სახლის პროექტი არქიტექტორმა დადუნა შათაშვილმა გვაჩუქა. პირველი დიდი კონტრიბუცია კომპანია „ირაომ“ გაიღო და ფონდს 77 877 ლარი ჩაურიცხა, რაც საძირკვლისთვის საკმარისი აღმოჩნდა. ფონდის შვილობილმა ლაშა შეყლაშვილმა, რომელსაც ავთვისებიანი სიმსივნე არ დაუდასტურდა, მკურნალობისთვის განკუთვნილი 5 000 ლარი სახლის მშენებლობას შესწირა.


- სახლის მშენებლობის პროცესი როდის დაიწყება?
- დღეის მდგომარეობით ანგარიშზე 180 000 ლარი გვაქვს, რომლითაც უახლოეს დღეებში დავიწყებთ მშენებლობას, თუმცა ნურავინ იფიქრებს, რომ ეს თანხა „ბედნიერი სახლის“ აშენებისთვის საკმარისია. ამ კეთილი საქმის კეთებას ხალხის დახმარების გარეშე ვერ შევძლებთ. ამიტომ არსებობს ანგარიშის ნომერი, სადაც კომპანიებს თუ ნებისმიერ მსურველს შეუძლია, „ბედნიერი სახლის“ მშენებლობას ნებისმიერი თანხა შესწიროს. ეს იქნება ამიერკავკასიაში პირველი ცენტრი, რომელიც სიმსივნით დაავადებულ ბავშვებს სრულ რეაბილიტაციას შესთავაზებს.


ბერი ანდრიას მშობლებმა - „ბერი ანდრიას სახელობის საქველმოქმედო ფონდის“ დამფუძნებლებმა, უანგარო წევრებმა, თანამდგომებმა ფონდისა, რომელიც მისი ანდერძის თანახმად შეიქმნა, კვირიკობა დღეს, 2017 წლის 28 ივლისს, 17 წლის ბერი ანდრიას იმიერში გადასახლების დღეს, ფონდის სარეაბილიტაციო ცენტრის „ბედნიერი სახლის“ მშენებლობას ჩაუყარეს საფუძველი!


ამ დღეს სტუმრებს შორის შინაგან საქმეთა სამინისტროს თანამშრომლებიც იყვნენ. „ყოველთვის ვცდილობ, თანამშრომლებთან ერთად „ბერი ანდრიას ფონდს“ გვერდში დავუდგე. ყოველ ღონისძიებაში ვარ ჩართული. „ბედნიერი სახლის“ მშენებლობისთვის რამდენიმე აგური უკვე დავდეთ“, - გვითხრა შსს-ს თანამშრომელმა, სოფო გოგუაძემ.


„ბედნიერი სახლის“ მშენებლობის ანგარიშია: GE62TB7171536080100006


 

ფოტოგრაფი: ალექსანდრე სხულუხია
კულინარია

ქაშაყი კეფირისა და მდოგვის სოუსით - სცადეთ, არ ინანებთ

ერთი შეხედვით, ამ ყოვლად შეუთავსებელი ინგრედიენტებით უგემრიელესი კერძი გამოდის.
დღის ჰოროსკოპი

26 მაისის ასტროლოგიური პროგნოზი

რას გვირჩევენ ვარსკვლავები 26 მაისისთვის ჯანმრთელობის, ბიზნესისა და სიყვარულის მიმართულებით?
სილამაზე/ჯანმრთელობა

ჩვევები, რომლებიც ტვინს აზარმაცებს

ისევე, როგორც სხეულს, ტვინსაც სჭირდება ვარჯიში. და თუ გინდათ, ღრმა სიბერემდე შეინარჩუნოთ ნათელი გონება, უარი თქვით ქვემოთ ჩამოთვლილ მავნე ჩვევებზე:
დღის ჰოროსკოპი

25 მაისის ასტროლოგიური პროგნოზი

რას გვირჩევენ ვარსკვლავები 25 მაისისთვის ჯანმრთელობის, ბიზნესისა და სიყვარულის მიმართულებით?
ამბები

ცესკომ პარლამენტის შუალედური არჩევნების მეორე ტურის ღონისძიებები განსაზღვრა

24 მაისს, კომისიაში გამართულ სხდომაზე, მეორე ტურის სავარაუდო თარიღად 9 ივნისი დასახელდა.  
კინო

საუკეთესო ფოტოები „სამეფო კარის თამაშების“ გადასაღები მოედნიდან

ლანისტერების მხიარული ოჯახი და მარტორქიანი მაისურები აბჯრის ნაცვლად...
დღის ჰოროსკოპი

24 მაისის ასტროლოგიური პროგნოზი

რას გვირჩევენ ვარსკვლავები 24 მაისისთვის ჯანმრთელობის, ბიზნესისა და სიყვარულის მიმართულებით?
კულინარია

მაკარონი ღვიძლით - დაუვიწყარი გემო

ვისაც ძალიან გიყვართ макароны по-флотски და არ მოგწონთ მასში ფარშის გემო, სცადეთ ღვიძლით. თუ საყვარელ სოუსსაც დაუმატებთ, ბოლო ლუკმამდე ვარ გაჩერდებით.
საკნატუნო ამბები

(+18) ქალის სხეული მთელი თავისი მშვენიერებით (20 ფოტო)

კესლერ ტრანი უფლებას აძლევს მოდელებს, თავისუფლად გამოხატონ საკუთარი გრძნობები. ქალის სხეულის სილამაზეს ადიდებს, რაც მის ნამუშევრებში უდავოდ ჩანს.
დღის ჰოროსკოპი

23 მაისის ასტროლოგიური პროგნოზი

რას გვირჩევენ ვარსკვლავები 23 მაისისთვის ჯანმრთელობის, ბიზნესისა და სიყვარულის მიმართულებით?
კინო

ცნობილი მამების სიმპათიური ვაჟები

წარმოგიდგენთ ყველაზე ნიჭიერი, მომხიბვლელი და ცნობილი მამების ძალიან სიმპათიურ ვაჟებს.
დღის ჰოროსკოპი

22 მაისის ასტროლოგიური პროგნოზი

რას გვირჩევენ ვარსკვლავები 22 მაისისთვის ჯანმრთელობის, ბიზნესისა და სიყვარულის მიმართულებით?