7 ხელმისაწვდომი პროდუქტი ცხიმების დასაწვავად (7 ფოტო)

გრეიფრუტი

ის, რომ გრეიფრუტი ნივთიერებათა ცვლის პროცესს ასწრაფებს და კალორიებს ებრძვის - ახალი არ არის, თუმცა, გარდა ამისა, ეს ჯადოსნური ციტრუსი სისხლში გლუკოზის დონეს არეგულირებს.

ნიახური

ამ მწვანილის საიდუმლო მარტივია: ის კალორიებს მინიმალური რაოდენობით შეიცავს და, ასევე, მათ დაწვას უწყობს ხელს. ნიახური, ძირითადად, შედგება წყლისგან და სწორედ ამ მიზეზით მისი მიღება იდეალურია დიეტის დროს, თუმცა, ეს არ ნიშნავს იმას, რომ დიეტის დროს მხოლოდ ნიახური მიირთვათ. შეუთავსეთ ის სხვა პროდუქტებს.

მწვანე ჩაი

თუკი ჯერ არ იღებთ მწვანე ჩაის კალორიების დასაწვავად, ძალიან ცუდი. ეს ეგზოტიკური სასმელი იმდენად ყოველდღიური გახდა ჩვენს ცხოვრებაში, რომ ბევრისთვის გაუგებარია მისი მიღების მიზანი წონაში კლებაა თუ უბრალოდ, მისი სასარგებლო თვისებები და არომატი. ანტიოქსიდანტებით მდიდარი მწვანე ჩაი აჩქარებს ნივთიერებათა ცვლას და ხელს უწყობს წონაში კლებას. უბრალოდ, მიირთვით ცხელი მწვანე ჩაი და დატკბით სასურველი ფიგურით.

ომეგა-3

მეცნიერულად დამტკიცებულია, რომ ომეგა-3 აწესრიგებს მეტაბოლიზმს და ხელს უწყობს ცხიმების წვას. რადგანაც ომეგა-3-ს ჩვენი ორგანიზმი არ გამოიმუშავებს, შეგვიძლია, ის სხვადასხვა პროდუქტებით მივიღოთ. ძირითადად, ომეგა-3 დიდი რაოდენობით არის წითელ თევზში.

ყავა

ალბათ, ცოტას თუ წარმოუდგენია ბედნიერი დილა ყავის არომატის გარეშე. ეს კი კოფეინის დამსახურებაა, რომელიც გვაფხიზლებს და ჩვენს კარგ განწყობას უზრუნველყოფს. როგორც კი ყავა ჩვენს ორგანიზმში მოხვდება, გულისცემა იმატებს, სისხლი ჟანგბადით ივსება და, რაც მთავარია, იწვება უამრავი კალორია. აი, თუკი ყავას შაქრითა და ნაღებით მიირთმევთ, მისი დადებითი ეფექტები, რა თქმა უნდა, მცირდება. ერთ საიდუმლოს გაგიმხელთ: შეგიძლიათ, ნაღებიანი ან შაქრიანი ყავა დარიჩინით შეცვალოთ.

ავოკადო

ისევე, როგორც გრეიფრუტი, ავოკადოში შემავალი ვიტამინები ასწრაფებს მეტაბოლიზმს. ამცირებს სისხლში ქოლესტერინის დონეს, ხელს უწყობს ჭრილობების სწრაფად შეხორცებას, ამცირებს გულის დაავადებების რისკს და ამაგრებს თმის ძირებს.

ცხარე პროდუქტები

უკვე დიდი ხანია ცნობილია, რომ ნებისმიერი ცხარე პროდუქტი კალორიებს წვავს, რადგან ამგვარი პროდუქტები, ძირითადად, დაბალკალორიულია. ეს შეიძლება იყოს ბულგარული წიწაკა ან ცხარე სოუსი.