საგაზაფხულო დიეტის რაციონი, ძირითადად, ბოსტნეულისგან, მწვანილებისგან და ცილებისგან შედგება. ცილა ნებისმიერი დაბალანსებული დიეტის შემადგენელი ნაწილია. ხორცის, თევზისა და რძის პროდუქტების მიღებით თქვენ მოიშორებთ ზედმეტ კილოგრამებს, მაგრამ, ამასთანავე, არ დაკარგავთ კუნთოვან მასას.
რა უნდა გაითვალისწინოთ დიეტის დროს:
- რაციონიდან ამოიღეთ ბანანი და ყურძენი. სხვა ხილის მიღება განსაზღვრული რაოდენობით მოგიწევთ. დღეში 1-2 ცალი;
- რძის პროდუქტების ცხიმიანობა არ უნდა აღემატებოდეს 1%-ს;
- მიიღეთ ნებისმიერი ბოსტნეული, კარტოფილის გარდა;
- ვახშამი მიიღეთ დაძინებამდე 4 საათით ადრე;
- უარი თქვით ალკოჰოლზე;
- სასმელებიდან დასაშვებია მხოლოდ წყალი, გაზგასული მინერალური სასმელი და მწვანე ჩაი უშაქროდ;
- ყოველდღიურად მიიღეთ, მინიმუმ, 2 ლიტრი წყალი;
- დაძინებამდე ერთი საათით ადრე მიიღეთ უცხიმო ან დაბალცხიმიანი კეფირი;
- გამორიცხეთ მარილისა და შაქრის მიღება;
საგაზაფხულო დიეტის მენიუ:
ორშაბათი
საუზმე: ხორბლის ფაფა რძით;
სადილი: ორთქლზე მომზადებული ბოსტნეული და 1 ჭიქა ასკილის წვენი;
სამხარი: ვაშლი;
ვახშამი: მოხარშული წიწიბურა.
სამშაბათი
საუზმე: შვრიის ფაფა რძით და ხილის სალათი;
სადილი: სოკოს წვნიანი და ჭარხლის სალათი შეზავებული ზეითუნის ზეთით;
სამხარი: ფორთოხალი;
ვახშამი: ბოსტნეულის ან ბრინჯის ტოლმა.
ოთხშაბათი
საუზმე: ბრინჯის ფაფა შავი ქლიავის ჩირით;
სადილი: ორთქლზე მომზადებული ყვავილოვანი კომბოსტო და 200 გრამი თევზი;
სამხარი: გრეიფრუტი;
ვახშამი: სტაფილოს სალათი შეზავებული ზეითუნის ზეთით.
ხუთშაბათი
საუზმე: ხილის სალათი შეზავებული იოგურტით;
სადილი: ბოსტნეულის წვნიანი პომიდვრით;
სამხარი: 1 ჭიქა უცხიმო ან დაბალპროცენტიანი კეფირი;
ვახშამი: ბოსტნეულის სალათი და მოხარშული ქათმის მკერდი.
პარასკევი
საუზმე: გოგრის ფაფა;
სადილი: ბორში ან მოთუშული ბოსტნეული;
სამხარი: ვაშლი;
ვახშამი: მოხარშული ბრინჯი და ბოსტნეულის სალათი.
შაბათი
საუზმე: 100 გრამი ხაჭო შავი ქლიავით;
სადილი: ბოსტნეულის რაგუ - 300 გრამი ან ორთქლზე მომზადებული თევზი სალათის ფურცლებით;
სამხარი: ფორთოხალი;
ვახშამი: კომბოსტოს სალათი და მოხარშული ქათმის მკერდი.
კვირა
საუზმე: 2 ცალი მოხარშული კვერცხი;
სადილი: ჭარხლის წვნიანი და სტაფილოს სალათი, შეზავებული ზეითუნის ზეთით;
სამხარი: 1 ჭიქა უცხიმო ან დაბალპროცენტიანი კეფირი;
ვახშამი: ორთქლზე მოთუშული ბოსტნეული და 200 გრამი თევზი.