მოამზადეთ ნაყენი და მიირთვით ერთი ჭიქა საღამოობით. ეს ნაყენი არა მხოლოდ ზედმეტი კილოგრამების მოშორებას უწყობს ხელს, არამედ ორგანიზმს სასარგებლო ნივთიერებებით, ვიტამინებითა და მიკროელემენტებით ამდიდრებს. ნაყენში შემავალი ყოველი კომპონენტი ცხიმებს სწრაფად წვავს. ნაყენის მიღება ორგანიზმისთვის საზიანო არ არის, რადგან მასში შემავალი თითოეული კომპონენტი ორგანიზმისთვის სასარგებლოა:
ჯინჯერი (იგივე კოჭა, იმბირი) - აძლიერებს იმუნურ სისტემას, აუმჯობესებს სისხლის მიმოქცევას და წმენდს ორგანიზმს. სწორედ ამ თვისებების წყალობით წონაში კლება მარტივად მიმდინარეობს. არ დაგავიწყდეთ, რომ ჯინჯერის მიღებით კანის მდგომარეობას და ფერსაც მნიშვნელოვნად გაიუმჯობესებთ.
ლიმონი - C ვიტამინის წყაროა.
თაფლი - უამრავ სასარგებლო ნივთიერებას შეიცავს.
დარიჩინი - აუმჯობესებს სისხლის მიმოქცევას. ის, ასევე, ორგანიზმის მატონიზებელი შესანიშნავი საშუალებაა. დარიჩინის არომატს განწყობის ასამაღლებლადაც იყენებენ.
ვაშლი - პექტინების, უჯრედისების, ვიტამინებისა და რკინის წყაროა.
რა უნდა გაითვალისწინოთ სითხის მიღებამდე:
- თუ გსურთ, ნაყენის მიღება გაცილებით ეფექტური იყოს, შეეცადეთ, მენიუდან ამოიღოთ კალორიული საკვები;
- დღის მანძილზე აუცილებლად მიიღეთ 2 ლიტრამდე წყალი;
- მოერიდეთ საკვების მიღებას ღამის საათებში;
- ნაყენი 1 ჭიქა დღეში ერთხელ, საღამოს საათებში მიიღეთ.
ნაყენის მოსამზადებლად საჭირო ინგრედიენტები:
- ჯანჯაფილის (კოჭა, იმბირი) ძირები - 1 ცალი, დაახლოებით, 10 სმ სიგრძის;
- წითელი ვაშლი - 10-12 ცალი;
- 2 ცალი ლიმონის წვენი და ცედრა;
- ნატურალური თაფლი - გემოვნებით;
- დარიჩინი - 1-2 ცალი;
- წყალი - 4-5 ლიტრი.
ნაყენის მომზადების წესი:
გაასუფთავეთ ჯინჯერი, დაჭერით საშუალო ზომებად და მოათავსეთ ქვაბში;
ქვაბში დაამატეთ დაჭრილი ვაშლი ლიმონის ცედრასთან და დარიჩინთან ერთად;
დაასხით 4-5 ლიტრი წყალი, შედგით საშუალო ცეცხლზე და, დაახლოებით, 3 წუთის განმავლობაში ადუღეთ;
ადუღებული მასა საწურში გადაწურეთ;
დაახურეთ თავსახური და დაელოდეთ ნაყენის გაგრილებასა და დაყენებას;
თბილ ნაყენში დაამატეთ თაფლი და ლიმონის წვენი (ნაყენის სიტკბო გემოვნების მიხედვით დაარეგულირეთ).
ნაყენი შეგიძლიათ მიიღოთ როგორც თბილი, ასევე ცივი სახით (10 დღის მანძილზე).
გისურვებთ ჯანმრთელობასა და სილამაზეს!
