3 აპრილის ასტროლოგიური პროგნოზი

ვერძი

ამ დღეს მაქსიმალური შრომისმოყვარეობა და მიზანდასახულობა უნდა გამოიჩინოთ. შესაძლებელია მოულოდნელი შეთავაზება მიიღოთ, რომელიც თქვენგან სწრაფი გადაწყვეტილების მიღებას მოითხოვს. თუ შეთავაზება ზედმეტად მიმზიდველად მოგეჩვენებათ, ჯობია ყველაფერი კარგად გადაამოწმოთ. ეცადეთ, შესაძლებლობა ხელიდან არ გაუშვათ, მაგრამ იმპულსურადაც არ უნდა იმოქმედოთ.

რჩევა: თუ გრძნობთ, რომ ცვლილებების დრო დადგა, იმოქმედეთ, მაგრამ წინასწარ ყველა ინფორმაცია საგულდაგულოდ გადაამოწმეთ.

კურო

ამ დღეს ფინანსური საკითხები პრიორიტეტული გახდება. იდეალური დროა ოჯახური ბიუჯეტის დაგეგმვისთვის, მაგრამ არა იმპულსური ხარჯებისთვის. გამორიცხული არ არის მოულოდნელი ხარჯები, რომლებიც სახლსა თუ ოჯახს უკავშირდება. რვეული და კალამი ძილშიც გვერდით გედოთ - რა იცით, თავში მორიგი ბრწყინვალე იდეა როდის მოგივათ?

რჩევა: მოერიდეთ ემოციურ შესყიდვებს, უმჯობესია, ყურადღება ფინანსური სტაბილურობის შექმნაზე გადაიტანოთ.

ტყუპები

ამ დღეს ერთ ადგილზე ჯდომა არ შეიძლება. ცხოვრება თქვენგან ახალ მოვლენებს, ემოციებს და შთაბეჭდილებებს ითხოვს! საკითხს, რომელზეც აქამდე ტაბუ გედოთ, საყოველთაო განხილვაზე გამოგაქვთ. მარტოხელა ტყუპებმა შემთხვევით შეხვედრებს განსაკუთრებული ყურადღება უნდა მიაქციონ – შესაძლოა, რომ ვინმე საინტერესო გაიცნონ.

რჩევა: იყავით გულწრფელი და გახსნილი, მაგრამ ზედმეტ ემოციებს მოერიდეთ, რათა კონფლიქტები არ გამოიწვიოთ.

კირჩხიბი

ამ დღეს საკუთარი ჯანმრთელობის მიმართ განსაკუთრებული ყურადღება უნდა გამოიჩინოთ. შესაძლებელია ენერგიის დაქვეითება და დაღლილობა, განსაკუთრებით თუ ბოლო დროს დასვენებისთვის დრო არ გქონდათ. ყურადღება უნდა მიაქციოთ კვებასაც – მოერიდეთ საღამოს კვებას და მძიმე საკვებს. შესანიშნავი დროა ახალი, სასარგებლო ჩვევების გამოსამუშავებლად, მაგალითად, შეგიძლიათ დილის ვარჯიში ან ჯანსაღი კვება დაიწყოთ.

რჩევა: ამ დღეს მთავარია, სიტუაციაზე და საკუთარ თავზე კონტროლი არ დაკარგოთ. თქვენი მთავარი ამოცანაა – იპოვოთ ბალანსი აქტიურობასა და დასვენებას შორის.

ლომი

ამ დღეს ყურადღების ცენტრში ყოფნა მოგიწევთ. მეგობრები, კოლეგები და შესაძლოა, სრულიად უცნობი ადამიანებიც კი თქვენგან რჩევებსა და მხარდაჭერას ელოდებიან. ეს კარგი შესაძლებლობაა მნიშვნელოვანი კავშირების დასამყარებლად, მაგრამ საკუთარ ინტერესებსაც ნუ დაივიწყებთ. მოსალოდნელია შეხვედრა ადამიანთან, რომელიც წარსულში თქვენს ცხოვრებაში მნიშვნელოვან როლს თამაშობდა და ახლა საინტერესო წინადადებით დაბრუნდა.

რჩევა: ახლობელ ადამიანებს დაეხმარეთ, მაგრამ არ დაუშვათ, რომ ვინმემ თქვენი სიკეთით ისარგებლოს.

ქალწული

ამ დღეს შეიძლება თავში საინტერესო იდეა მოგივიდეთ, რომელიც საკკუთარ ცხოვრებას ახლებურად დაგანახებთ. რომანტიკული განწყობა მნიშვნელოვან საკითხზე ფიქრში ხელს გიშლით, რაც გადაწყვეტილების მიღებას და სწორი არჩევანის გაკეთებას ართულებს. გამორიცხული არაა წინასწარმეტყველური სიზმრების ან ისეთი მინიშნებები ნახოთ, რომლებიც სწორი მიმართულების მიგნებაში დაგეხმარებათ.

რჩევა: ენდეთ საკუთარ ინტუიციას – კითხვებზე პასუხები თვალწინ გაქვთ და, უბრალოდ, უნდა დაინახოთ.

სასწორი

3 აპრილი სასწორებისთვის მნიშვნელოვანი გადაწყვეტილებების მიღების დღეა. თუ არ იზარმაცებთ, სამსახურში თქვენი შრომა სათანადოდ დაფასდება. შესაძლებელია, ხელმძღვანელობამ თქვენი მიღწევები შენიშნოს და დაწინაურება შემოგთავაზოთ. გრძნობთ, რომ გული და გონება ერთმანეთს ეწინააღმდეგება - სურვილებს ერთი მიმართულებით მიჰყავხართ, ლოგიკას და ფაქტებს კი საპირისპირო მხარეს. არ აჩქარდეთ, რომ მცდარი გადაწყვეტილება არ მიიღოთ.

რჩევა: თუ საკუთარ გადაწყვეტილებაში დარწმუნებული არ ხართ, ჯობს სხვა ვარიანტები განიხილოთ.

მორიელი

ამ დღეს წყნარ ოფისში ან სახლის მყუდრო გარემოში მუშაობისთვის განწყობილი არ ხართ, ამიტომ თავს ყველაზე კარგად სახლიდან მოშორებით იგრძნობთ. ამჟამად ფინანსური საკითხები ყველაზე პრიორიტეტულია. შესაფერისი დროა ოჯახური ბიუჯეტის გადახედვისა და ახალი შემოსავლის წყაროების პოვნისთვის. არ გარისკოთ და სწრაფი მოგების მაცდურ შეთავაზებებს არ დაეთანხმოთ – არსებობს თაღლითობის მაღალი რისკი.

რჩევა: ინვესტირებას თავი დაანებეთ და ეცადეთ თვითგანათლებას მეტი დრო დაუთმოთ.

მშვილდოსანი

ეს დღე რომანტიკული ემოციებითა და მოულოდნელი შეხვედრებით სავსეა. მარტოხელა მშვილდოსნებმა შესაძლოა განსაკუთრებული ადამიანი გაიცნონ, დაოჯახებულებისთვის კი შესანიშნავი დღეა კავშირის განსამტკიცებლად. გახსოვდეთ, რომ რომანტიკა მხოლოდ ძვირად ღირებულ საჩუქრებში არ გამოიხატება – მხარდაჭერა და მზრუნველობაც არანაკლებ მნიშვნელოვანია.

რჩევა: ეცადეთ, საყვარელი ადამიანისთვის რამე სასიამოვნო გააკეთოთ – თუნდაც პატარა ჟესტი, რომელიც თქვენს კავშირს გააძლიერებს.

თხის რქა

ამ დღემ შეიძლება გადაღლისა და ემოციური გამოფიტვის შეგრძნება მოგიტანოთ. სავარაუდოდ, ორგანიზმი გაგაფრთხილებთ, რომ დასვენების დროა. ნუ უგულებელყოფთ ისეთ ნიშნებს, როგორიცაა უძილობა, თავის ტკივილი ან გაღიზიანება და ეცადეთ დასვენებისთვის დრო გამონახოთ. დღის მეორე ნახევარი შესაძლოა, მძიმე აღმოჩნდეს, ამიტომ ეცადეთ მნიშვნელოვანი საქმეები დღის პირველ ნახევარში დაასრულეთ.

რჩევა: შეძლებისდაგვარად შეამცირეთ კონტაქტები. ერიდეთ კონფლიქტებს და საკუთარი შეხედულებები თავზე არავის მოახვიოთ.

მერწყული

ამ დღეს მერწყულებისთვის ყველაზე მნიშვნელოვანი თვითგანვითარება იქნება. შემოქმედებითი საქმიანობა და სულიერი პრაქტიკები მნიშვნელოვანი აღმოჩენებისკენ გიბიძგებთ. ბევრი მერწყული იგრძნობს, რომ ცხოვრებაში ახალი ეტაპი იწყება, რომელიც ახალ მიზნებს დაგანახვებთ. ენერგიის ნაკლებობას არ უჩივით, რაც საშუალებას მოგცემთ, რომ რთულ და თქვენთვის თითქმის უცნობ დავალებას გაუმკლავდეთ.

რჩევა: მიჰყევით საკუთარ სურვილებსა და ოცნებებს – შესაძლოა, მათში თქვენი ცხოვრების ახალი ეტაპის გასაღები იმალებოდეს.

თევზები

ამ დღეს ურთიერთობები უმნიშვნელოვანეს როლს შეასრულებს. მოულოდნელი სატელეფონო ზარი და შეხვედრები სასიხარულო სიახლეებს მოგიტანთ. შესაძლოა, სხვა ადამიანების კონფლიქტში ჩართვა და მათი მორიგება მოგიწიოთ. მოუცლელობის მიუხედავად, ეცადეთ, ოჯახის წევრებისა და მეგობრებისთვის დრო გამონახოთ და დიდი ხნის წინ მიცემული პირობა შეასრულოთ.

რჩევა: დაეხმარეთ საყვარელ ადამიანებს – მათთვის თქვენი მხარდაჭერა უმნიშვნელოვანესია.