ადნექსიტი - ქალთა უნაყოფობის ერთ-ერთი მთავარი მიზეზი

ექიმის კონსულტაცია

27 დეკემბერი 20:00, 2015 წელი

განაყოფიერებული კვერცხუჯრედი საშვილოსნოსკენ გადაადგილების ნაცვლად, იწყებს უწესრიგოდ მოძრაობას. ასეთ დროს დაორსულების შანსი მინიმალურია, უარეს შემთხვევაში კი შესაძლოა, განვითარდეს საშვილოსნოსგარე ორსულობა. ადნექსიტის განვითარების მიზეზებზე, სიმპტომებსა და მკურნალობის მეთოდებზე ექიმი გინეკოლოგი ნანა მიქაძე გვესაუბრება:

ადნექსიტი, იგივე სალპინგოოფორიტი - საშვილოსნოს დანამატების (ფალოპის მილებისა და საკვერცხეების) ანთებაა, რომელიც შესაძლოა, განვითარდეს მწვავედ ან თანდათანობით და ფალოპის მილებში შეხორცებითი პროცესების განვითარება და მათი გაუვალობა გამოიწვიოს. ეს კი საბოლოო ჯამში - უშვილობით, არც თუ იშვიათად კი - საშვილოსნოსგარე ორსულობით სრულდება.


ადნექსიტის გართულებები - უშვილობა და საშვილოსნოსგარე ორსულობა
კვერცხუჯრედის სპერმატოზოიდთან შეხვედრა, ანუ განაყოფიერების პროცესი სწორედ ფალოპის მილში ხდება. შემდეგ განაყოფიერებული უჯრედი საშვილოსნოსკენ გადაადგილდება და მის კედელში ჩაინერგება. აქედან გამომდინარე, ნათელია, რომ, თუ ფალოპის მილი დახშულია, სპერმატოზოიდი კვერცხუჯრედამდე ვერ მიაღწევს და განაყოფიერებაც არ მოხდება.
ამიტომაც უნაყოფობის შემთხვევაში აუცილებლად უნდა მოხდეს საშვილოსნოს დანამატების მდგომარეობის საფუძვლიანი შესწავლა.
ზოგჯერ, შესაძლოა, თავად მილი გამავალი იყოს, მაგრამ გარედან მიეკრას სხვა ორგანოებს, რაც შემდგომში ხელს შეუშლის მის მოძრაობას.
კვერცხუჯრედის გადაადგილება კი მხოლოდ მილის პერისტალტიკური მოძრაობის შედეგად ხორციელდება. ასე რომ, ამ დროს განაყოფიერებული კვერცხუჯრედი საშვილოსნოსკენ გადაადგილების ნაცვლად, იწყებს უწესრიგოდ მოძრაობას. ასეთ დროს დაორსულების შანსი მინიმალურია, უარეს შემთხვევაში კი შესაძლოა, საშვილოსნოსგარე ორსულობა განვითარდეს.


 


რა მიგვანიშნებს საშვილოსნოს დანამატების ანთებაზე?
ადნექსიტის ყველაზე ხშირი სიმპტომებია:
ტკივილი (ტკივილი ძირითადად, მუცლის ქვედა არეში ლოკალიზდება, ზოგჯერ კი - წელისა და გავის მიდამოშიც გადაეცემა);
სხეულის ტემპერატურის აწევა;
მენსტრუაციული ციკლის დარღვევა (მენსტრუაცია ხდება ჭარბი, ხანგრძლივი და ზოგჯერ ძლიერ მტკივნეული);
შრომის უნარის დაქვეითება;
სწრაფად დაღლა;
სასქესო ორგანოდან გამონადენის წარმოქმნა (სუნიანი, მოყვითალო ან მომწვანო ფერის).
ადნექსიტის ქრონიკულ სტადიაში გადასვლის შემთხვევაში აღინიშნება პერიოდული გამწვავებები, რომლის დროსაც ყველა ზემოაღნიშნული სიმპტომი მწვავდება.


 


გამომწვევი მიზეზები
საშვილოსნოს დანამატების ანთებას მრავალი მიზეზი იწვევს, მათ შორისაა:
სქესობრივი გზით გადამდები ინფექციები (გონორეა, ქლამიდია, ტრიქომონა და ა.შ.);
ზოგიერთი ქრონიკული დაავადება (მაგ: შაქრიანი დიაბეტი);
ჰიგიენური ნორმების დაუცველობა (განსაკუთრებით - სქესობრივი კავშირის, საშოს გამორეცხვის, აბორტისა და მშობიარობის დროს);
ხანგრძლივად მჯდომარე ცხოვრების წესი (ამ დროს მცირე მენჯის ღრუში ირღვევა სისხლის მიმოქცევა, რაც ხდება ანთებითი ცვლილებების წინაპირობა);
ხშირი გაციება;
სტრესი და ა.შ.


 


დიაგნოსტიკა
დაავადების დიაგნოსტიკა ანამნეზის საფუძვლიანი შესწავლისა და სხვადასხვა ლაბორატორიული და ინსტრუმენტული გამოკვლევების (ექოსკოპიის, ნაცხის ანალიზის, სისხლის საერთო ანალიზის, შარდის საერთო ანალიზისა და პოლიმერაზული ჯაჭვური რეაქციის) საფუძველზე ხდება.


მილების გამავლობის დასადგენად კი რეკომენდებულია რენტგენოლოგიური კვლევის მეთოდი - ჰისტეროსალპინგოგრაფია.
ამ კვლევის დროს საშვილოსნოში შეჰყავთ კონტრასტული ნივთიერება, რის შემდეგაც იღებენ რენტგენოგრამას, რომელზეც ნათლად ჩანს შინაგან ორგანოებში - საშვილოსნოში, ფალოპის მილებსა და საკვერცხის ირგვლივ ფოსოებში კონტრასტის გადანაწილება. აქედან გამომდინარე, კვლევის ეს მეთოდი განსაკუთრებით კარგად ასახავს საშვილოსნოსა და მისი მილების მდგომარეობას.


რაც შეეხება ორგანოების ფუნქციური მდგომარეობის, ანუ მათი მოძრაობითი აქტივობის გამოკვლევას, ასეთ დროს ჰისტეროსალპინგოგრაფია არაინფორმაციულია და რეკომენდებულია კომპიუტერული კიმოპერტუბაცია. ამ კვლევის დროს  საშვილოსნოს ყელსა და მუცელზე ათავსებენ სპეციალურ ხელსაწყოს, რომელიც საშვილოსნოში მცირე რაოდენობით სითხის შეყვანის შემდეგ ორგანოს (მათ შორის მილების) აქტივობას აღრიცხავს.


 


მკურნალობა
ადნექსიტის მკურნალობა კომპლექსურია და უშუალოდ ექიმის პრეროგატივაა.
მკურნალობის ძირითადი მეთოდებია:
მედიკამენტური თერაპია - ფართო სპექტრის ანტიბიოტიკებით, ანთების საწინააღმდეგო და მადესენსიბილიზებელი პრეპარატებით, ტკივილგამაყუჩებლებით, ვიტამინებითა და იმუნოსტიმულატორებით მკურნალობა;
ფიზიოთერაპია;
ბალნეოთერაპია;
გინეკოლოგიური მასაჟები და ა.შ.


საშვილოსნოს დანამატების ჩირქოვანი ანთებისას, შესაძლოა, საჭირო გახდეს ლაპაროსკოპიული ჩარევა. ამ დროს, საშვილოსნოს დანამატებიდან ხდება ჩირქის ამოღება და ანტიბაქტერიული პრეპარატებით უშუალოდ ანთების კერაში შეყვანა.



პროფილაქტიკა
იმისთვის, რომ არ დავუშვათ ადნექსიტის განვითარება, საჭიროა:
სქესობრივი გზით გადამდები ინფექციების დროული მკურნალობა;
ჰიგიენური ნორმების დაცვა;
ბარიერული კონტრაცეპტივების გამოყენება;
გინეკოლოგთან რეგულარული ვიზიტი და პროფილაქტიკური გამოკვლევების ჩატარება.

დღის ჰოროსკოპი

24 იანვრის ასტროლოგიური პროგნოზი

რას გვირჩევენ ვარსკვლავები 24 იანვრისთვის ბიზნესის, ჯანმრთელობისა და სიყვარულის მიმართულებით?!
საკნატუნო ამბები

რატომ არ თვრებიან დაზვერვის აგენტები? - სპეცსამსახურების დიდი საიდუმლო, რომელზეც ლეგენდები დადის

სპეცსამსახურის თანამშრომლისთვის ჩვეული ვითარებაა, როცა სუფრასთან სასმელის დალევა უწევს და ამასთანავე, რა თქმა უნდა, ფხიზლად უნდა დარჩეს. თურმე, არსებობს რამდენიმე ხერხი, რომლებიც, როგორც ამბობენ, სპეცსამსახურების გატესტილი და შემუშავებულია.
საკნატუნო ამბები

ჩვენი პლანეტა ფოტოშოპის გარეშეც მშვენიერია

ინტერნეტში მილიონობით ფოტოს აღმოაჩენთ, რომელიც საგულდაგულოდ დამუშავებული და გაუმჯობესებულია, მაგრამ გარწმუნებთ, დედამიწის პეიზაჟები ყოველგვარი დამუშავების გარეშეც ულამაზესია...
საკნატუნო ამბები

რატომ უნდა გავაღოთ ავტომობილის კარი მარჯვენა ხელით?

მოძრაობის წესების საგამოცდო ბილეთებსა და სახელმძღვანელოებში ყველა ნიუანსი აღწერილი არ არის და მათ საჭიროებას პრაქტიკა გვკარნახობს. მძღოლებო და მგზავრებო, თქვენ იცით, რატომ უნდა გავაღოთ ავტომობილის კარი მარჯვენა ხელით?
იცით თუ არა...

უცნაური ამბავი, როგორ იქცა ღარიბი სოფლის ყველა მცხოვრები ერთ დღეში მილიონერად

ერთ ღარიბ ესპანურ სოფელში მცხოვრები ფერნანდესების მრავალშვილიან ოჯახში ბიჭი დაიბადა, სახელად ანტონიო. მშობლებს იმდენად უჭირდათ, რომ ბიჭუნამ სკოლის დამთავრება ვერ შეძლო, თუმცა ყოველთვის სჯეროდა, რომ წარმატებას მიაღწევდა...
თემატური ჰოროსკოპი

რომელია თქვენი ზოდიაქოს თილისმა-მცენარე?

როცა თილისმებზეა საუბარი, ყველა რატომღაც ქვებზე იწყებს ფიქრს, მაგრამ დაცვა მცენარესაც შეუძლია - ზოგი მათგანი ადამიანის გვერდით ყვავის და სურნელს აფრქვევს, ზოგიც ხმება. ჩვენ გიკარნახებთ თქვენი მფარველი მცენარეების სახელებს.
FUN-ტესტი

აირჩიეთ სამკაული და გაიგეთ, რა არის თქვენი ქალური ძალა

იცით, რომ საყვარელ სამკაულს თქვენი პიროვნების შესახებ ბევრი რამეს მოყოლა შეუძლია? 
თავსატეხი

რაც უფრო სწრაფად იპოვით ღია ბოქლომს, მით მაღალია თქვენი IQ

გთავაზობთ ამოცანას ყურადღების სიმარჯვეზე! თანაც - მხედველობასაც გაივარჯიშებთ. კარგად დააკვირდით ნახატს და შეეცადეთ, ღია ბოქლომი აღმოაჩინოთ.
საკნატუნო ამბები

როგორ შევუხამოთ სამოსი დაბალყელიან ჩექმას? (10 ფოტო)

უკვე მერამდენე წელია, დაბალყელიანი ჩექმები საკმაოდ მოდურია და აქტუალობას არ კარგავს, თუმცა მისი შეხამება ტანსაცმელთან არცთუ ისე მარტივია.
საკნატუნო ამბები

ქალის სურნელი, ვნება, სიყვარული ერთ კადრში (15 ფოტო)

ფოტოგრაფ ალისა ვერნერის ნამუშევრები ქალის სილამაზით არის შთაგონებული, მისი საყვარელი ჟანრი კი ეროტიკაა...
საკნატუნო ამბები

23 იანვრის ასტროლოგიური პროგნოზი

რას გვირჩევენ ვარსკვლავები 23 იანვრისთვის ბიზნესის, ჯანმრთელობისა და სიყვარულის მიმართულებით?!
ზეპირი ანკეტა

შოთა იათაშვილი: „ხალისი სულ მაქვს, მაგრამ სევდაც სულ თან დამყვება“

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი, შეხედულებებისა, პროფესიისა, ნიჭისა თუ... დღევანდელი სტუმარია პოეტი შოთა იათაშვილი.