თბილისის ვანქი, ათეშგა, კირხა - ისტორიაში დარჩენილი შენობები დღევანდელი რაკურსით

ვანქის სამგუმბათიანი ტაძარი
1938 წელს, სომეხ მშრომელთა თხოვნით და თბილისის საქალაქო საბჭოს გადაწყვეტილებით, სომეხთა სანუკვარი მონასტრის დანგრევა დადგინდა. 
ყოფილი ტაძრის ტერიტორიის წინა მხარეს დღეს კულტურის და ძეგლთა დაცვის სამინისტროს შენობა დგას, თავად ტაძრის ადგილას კი - სომხური სკოლა.

ძველი სახლის კარი ათეშგასთან
ზოროასტრიული ტაძარი ანუ ათეშგა (ათეშ - სპარსულად ცეცხლი, გაჰ - ადგილი)  უნიკალური ძეგლია და დიდ იშვიათობას წარმოადგენს, საქართველოში მხოლოდ ერთი ათეშგაა დარჩენილი - ის კლდისუბანში (გომის ქ. N3) მდებარეობს. 
ნაგებობა, რომელში მოხვედრაც გომის I ჩიხიდან, საცხოვრებელი სახლის ეზოდან არის შესაძლებელი, მე-17 საუკუნემდე ინარჩუნებდა თავის პირვანდელ სახეს. 

მამა დავითის ტაძარი ბესიკის ქუჩიდან
ყოველ წელიწადს, წმინდა დავით გარეჯელის გარდაცვალების დღეს, თბილისში მამადავითობა აღინიშნებოდა. იგი თბილისელთა ერთ-ერთი ყველაზე გამორჩეული დღესასწაული იყო. დილაადრიან იწყებოდა მთაწმინდისაკენ ხალხის საზეიმო სვლა. ზეიმის დროს ქალაქის ახლომახლო სოფლებიდანაც ჩამოდიოდნენ ღამისმთევლები.

მიხეილის პროსპექტი, დღევანდელი დავით აღმაშენებლის გამზირი
მიხეილის გამზირს ეს სახელი კავკასიის მეფისნაცვლის, დიდი მთავრის მიხეილ ნიკოლოზის ძე რომანოვის (ნიკოლოზ I-ის შვილი) პატივსაცემად ეწოდებოდა.
1918 წელს დაერქვა პლეხანოვის გამზირი - რუსი მარქსისტის გიორგი პლეხანოვის გარდაცვალებასთან დაკავშირებით.  ეს სახელი შერჩა საბჭოთა მმართველობის პერიოდში.
1990 წელს კი გამზირს დავით აღმაშენებლის სახელი ეწოდა.

მიხეილის პროსპექტი, სადაც იდგა ლუთერანული ეკლესია კირხა
დღევანდელი აღმაშენებლის გამზირი და მარჯანიშვილის მოედანი.

ვანქის კარიბჭე და ტაძარი
დღეს აქ, ათონელის N5-ში,  N104 საჯარო სკოლაა (სომხური).

მუხრანის ხიდი, დღევანდელი ბარათაშვილის ხიდი