ერთი სამუშაო დღე კუზანოვის კლინიკაში

ერთი სამუშაო დღე

27 ივლისი 18:00, 2017 წელი

კლინიკაში შესვლისთანავე კედელზე გამოფენილი ფოტოები მხვდება თვალში. როგორც აღმოჩნდა, მამა ივა და შვილებიც, ალექსანდრე და გუგა, ფოტოხელოვნებით არიან გატაცებულები. კედელზე სწორედ მათ მიერ გადაღებული ფოტოებია...

მოსაცდელში პაციენტების რიგია. ზოგი საოპერაციოდ ემზადება, ზოგიც მოუთმენლად ელის, როდის დაინახავს თავის „ახალ“ ცხვირს თაბაშირის გარეშე...


გუგა სამუშაო დღეს საკუთარ კაბინეტში იწყებს. ამბობს, რომ ნაკლებად გადატვირთული და ღია ფერებში გადაწყვეტილი ოთახი ამშვიდებს. პირველ რიგში, ექიმის ფორმას იცვამს, შემდეგ ნაოპერაციებ პაციენტებს ჩამოივლის, ბოლო ეტაპი კი კონფერენციაა, სადაც დაგეგმილ თუ ჩატარებულ ოპერაციებს განიხილავენ.
ქირურგი საოპერაციოდ ემზადება და თან კლინიკის ამბებს გვიყვება.
,,ქალიშვილობის აღდგენის ოპერაცია ერთ დროს თუ ძალიან მოთხოვნადი იყო, 3-4 წელია, საგრძნობლადა შემცირებულია და მიხარია კიდეც, რადგან ეს პროცესი ყველაზე მეტად მძულდა. უცხოეთში ხშირად დავდივარ და სადმე კულუარულად თუ ვიტყვი, რომ ჩვენს ქვეყანაში ქალიშვილობის აღდგენა ტარდება, გაშტერებულები მიყურებენ ხოლმე,“- გვეუბნება გუგა.
ყველაზე ხშირად რინოპლასტიკას აკეთებს, თუმცა აღნიშნავს, რომ უკანასკნელი 3 წლის განმავლობაში საგრძნობლად გაიზარდა მოთხოვნა მკერდის კორექციასა და ლიპოსაქციაზე, რასაც პლასტიკური ქირურგი პაციენტების უკეთ ინფორმირებულობით ხსნის.



რინოპლასტიკის მსურველები კლინიკაში ხშირად მონიკა ბელუჩის ფოტოებით მიდიან და გუგას მონიკას მსგავს ცხვირს სთხოვენ. ამაზე კი ქირურგს ყველასთვის ასეთი პასუხი აქვს: „მონიკა ბელუჩი ერთია და მისნაირი ცხვირი შეიძლება, სხვას არ მოუხდეს“.
სხვათა შორის, თავად გუგას რინოპლასტიკა წოპემ გაუკეთა. მაშინ არც პლასტიკური ქირურგია არსებობდა, როგორც დარგი და არც ივა კუზანოვი აკეთებდა ცხვირის ოპერაციებს.
რინოპლასტიკის მსურველთა რიგი ალექსანდრე და ივა კუზანოვებთანაც დგას, თუმცა გუგა განმარტავს, რომ მამა-შვილი უფრო ხშირად რეკონსტრუქციულ ოპერაციებს ატარებს.


გუგას დღის განმავლობაში ზოგჯერ 6 ოპერაციაც კი ჩაუტარებია, თუმცა ისეთი დღეებიც ახსოვს, როცა დაგეგმილი ოპერაციაზე უარი უთქვამს.
,,ქირურგები უცნაური ხალხი ვართ. განწყობის გამო ოპერაცია გადამიდია. ექთანი ხელთათმანს რომ მაცმევს, თუ გაიხა, ცუდზე ვიწყებ ფიქრს და შემიძლია, ამ შემთხვევაშიც უარი ვთქვა ოპერაციის ჩატარებაზე,“ - გვიმხელს გუგა.



„მამაჩემის რჩევა ბევრჯერ დამჭირვებია. მას ცხოვრებაშიც თუ პროფესიაშიც ჩემზე მეტი გამოცდილება აქვს. ამიტომ ხანდახან ვთხოვ კიდეც, ჩემს ოპერაციას დაესწროს. შეიძლება, ორი სიტყვით დამიდგეს გვერდში,“ - ამბობს გუგა და საოპერაციოში შესვლამდე ერთ ისტორიასაც იხსენებს:
,,საკუთარ შვილს ბაიას ცხვირის ოპერაციას რომ ვუკეთებდი, ეს დღე მთელი ცხოვრება მემახსოვრება. საოპერაციოში ჩემი ძმა ალეკოც გვერდით მყავდა. მამაჩემი კი ისე ნერვიულობდა, არც ჩამოგვხედა. ისიც კი ვიფიქრე, მე რატომ დავთანხმდი და საოპერაციოში ბაბუამისი ან ბიძამისი რატომ არ ჩავუშვი-მეთქი, მაგრამ ბაია მენდო და სხვა გზა არ მქონდა. ოპერაცია რომ დავიწყე, მეც საშინლად ვნერვიულობდი, მაგრამ მერე, როგორც ყოველთვის, მხოლოდ ერთი რამ მახსოვდა - საუკეთესო შედეგი უნდა მიმეღო, თუმცა შუა ოპერაციაში მივხვდი, რომ ვერც მე და ვერც ჩემი ძმა ცხვირის ძვალს სათანადოდ ვერ ვსვამდით. ბოლოს ექთანს ვთხოვე, მამაჩემისთვის დაეძახა. ივამ მიზეზს წამებში მიაგნო. აღმოჩნდა, რომ ძვლოვან ნაწილში ძგიდე იყო გამრუდებული და ეს გვიშლიდა ხელს“.
გუგა ჩვენი სტუმრობის დასასრულს კუზანოვის კლინიკამდე გავლილ გზასაც იხსენებს:
,,1987 წელს სამედიცინო უნივერსიტეტში რომ ვაბარებდი, ძალიან დიდი კონკურსი იყო და ვერ მოვხვდი. ამიტომ კლინიკაში, სადაც მამაჩემი მუშაობდა, სანიტრად დავიწყე მუშაობა. პაციენტისთვის სუდნოც მიმიტანია, დამიბანია კიდეც და კათეტერიც ჩამიდგამს. ვფიქრობ, რომ ყველაზე დიდი პრაქტიკა მაშინ მივიღე. 1995 წელს სამედიცინო უნივერსიტეტი დავამთავრე და მამაჩემს გვერდით კიდევ უფრო აქტიურად დავუდექი. მას შემდეგ ასე მოვდივარ...“ - ასრულებს ამბის მოყოლას და საოპერაციოში შედის.
კლინიკიდან კლინიკის დირექტორი გვაცილებს, პროფესიით ჟურნალისტი ავთო ტუღუში და საინტერესო სიახლესაც გვიმხელს - თომა ჩაგელიშვილი ივა კუზანოვზე დოკუმენტურ ფილმს იღებსო: „მაყურებელი ფილმში უნიკალურად ჩატარებულ ოპერაციებს ნახავს. 21 აპრილს ბატონ ივას 70 წელი შეუსრულდება. მის საიუბილეო თარიღს ფილმის პრემიერასთან ერთად გრანდიოზულად აღვნიშნავთ.“

ფოტოგრაფი: ალექსანდრე სხულუხია
კულინარია

ღუმელში გამომცხვარი ქათმის ბარკლები

როცა მთელი ოჯახი გყავთ გამოსაკვები და სადილის მოსამზადებლად დრო არ გაქვთ, სცადეთ...
საკნატუნო ამბები

მილიონი მოწონება: ვარსკვლავების შიშველი ფოტოები ინსტაგრამზე: (+18)

კონფიდენციალურობა? არა, არ ვიცით! ეს ვარსკვლავები მოუღალავად ავრცელებენ საკუთარი შიშველი სხეულის ფოტოებს ინტერნეტსივრცეში. რას არ გააკეთებ, მილიონი „ლაიქისთვის?!“
დღის ჰოროსკოპი

18 აპრილის ასტროლოგიური პროგნოზი

რას გვირჩევენ ვარსკვლავები 18 აპრილისთვის ჯანმრთელობის, ბიზნესისა და სიყვარულის მიმართულებით?
დღის ჰოროსკოპი

17 აპრილის ასტროლოგიური პროგნოზი

რას გვირჩევენ ვარსკვლავები 17 აპრილისთვის ჯანმრთელობის, ბიზნესისა და სიყვარულის მიმართულებით?
FUN-ტესტი

აირჩიეთ პეპელა და გაიგეთ, რა გიშლით ხელს ცხოვრებაში

როცა საკუთარ პრობლემებში გარკვევა გვიჭირს, დასახმარებლად ფსიქოლოგები მოდიან.
ამბები

საზღვარგარეთ კვალიფიკაციის ამაღლების პროგრამა საჯარო სამსახურში დასაქმებულთათვის

განათლების საერთაშორისო ცენტრმა 2019 წლის საზღვარგარეთ კვალიფიკაციის ამაღლების პროგრამა გამოაცხადა.
ამბები

განათლების საერთაშორისო ცენტრმა ორი სასტიპენდიო პროგრამა გამოაცხადა

15 აპრილს განათლების საერთაშორისო ცენტრმა ორი სასტიპენდიო პროგრამა გამოაცხადა.
საკნატუნო ამბები

ეფექტური ნიღბები, რომლებიც თმის ზრდას უწყობს ხელს

მართალია, ბუნებრივად ჯანსაღ და ლამაზ თმას არაფერი სჯობს, მაგრამ ყველაფრის შეცვლა შეიძლება, თუკი მზად ხართ, იმოქმედოთ!
საკნატუნო ამბები

დაქორწინებული კაცები უფრო დიდხანს ცოცხლობენ და... უკეთესი სექსი აქვთ

დაქორწინების თემა კაცების უმეტესობისთვის ისეთივე მტკივნეულია, როგორც კბილის ამოღება ანესთეზიის გარეშე. თანაც სხვადასხვა კვლევა ამტკიცებს, რომ ქორწინებას საკმარისად ბევრი უპირატესობა აქვს.
დღის ჰოროსკოპი

16 აპრილის ასტროლოგიური პროგნოზი

რას გვირჩევენ ვარსკვლავები 16 აპრილისთვის ჯანმრთელობის, ბიზნესისა და სიყვარულის მიმართულებით?