ვერძი
ყველაზე მეტად ახლა რაც გჭირდებათ, არის გარკვეულობა ყველგან და ყველაფერში. დაელაპარაკეთ საყვარელ ადამიანს მშვიდად. დიდი ალბათობით, მალე დადგება თქვენთან სიცხადე. მოაწყვეთ დასვენების დღეები ერთად.
კურო
კვირის მანძილზე მოგიწევთ ოჯახური საქმეების მოგვარება. შეიძლება ზოგიერთმა თქვენგანმა ცვლილებებიც კი შეიტანოს სახლის მოწყობაში. შესაძლოა, შინაგანად გაღიზიანებულები იყოთ. ნუ აჰყვებით ემოციებს.
ტყუპები
ფინანსური საკითხი კვირის მანძილზე ყველაზე აქტუალური გახდება თქვენთვის. რაციონალურად გაანაწილეთ ხარჯები, არ აჰყვეთ პროვოკაციულ და აგრესიულ საუბრებს, რომლებიც სხვათა მხრიდან შესაძლოა, სპეციალურად იყოს გამოწვეული.
კირჩხიბი
ეცადეთ, ამ კვირაში თქვენი ნება-სურვილები სხვას არ მოახვიოთ თავს. მეტი დრო გაატარეთ ოჯახთან და საყვარელ ადამიანთან ერთად. ეს პოზიტიური პერიოდია თქვენთვის და გამოიყენეთ!
ლომი
ლომებისთვის უკეთესია, მხოლოდ საკუთარ თავს დაეყრდნონ და ნაკლებად შეაწუხონ ახლობლები. თუ საქმე თქვენი გასაკეთებელია, ნუ ელოდებით, რომ ამას თქვენ მაგივრად სხვა გააკეთებს. მოიკრიბეთ ენერგია და სიმშვიდე შეინარჩუნეთ. კვირის მეორე ნახევარი უკეთესი იქნება
ქალწული
ქალწულებმა ეს კვირა სასურველია, საკუთარ ჯანმრთელობასა და ენერგეტიკული ტონუსის შენარჩუნებას მოანდომონ. ეწვიონ ფიტნეს კლუბებს, ივარჯიშონ და სწორ კვებაზე გააკეთონ აქცენტი.
სასწორი
სასწორებს ვურჩევ, საკუთარი ოჯახის წევრებს დაუთმონ ყურადღება, მათთან ურთიერთობაში ბევრ სითბოსა და პოზიტიურ ენერგიას მიიღებენ. პრობლემების გადაწყვეტა შეუძლიათ ლოგიკის მოხმობით და შინაგანი წონასწორობის შენარჩუნებით.
მორიელი
მორიელები კვირის მანძილზე ცოტა დაძაბულები იქნებიან, რადგან მოუწევთ, მიიღონ გადაწყვეტილებები ისე, რომ შეიძლება ამან უსიამოვნება მოუტანოს ახლობლებთან ურთიერთობაში. არ დაძაბოთ კომუნიკაცია, მიუშვით მოვლენები თავისი გზით.
მშვილდოსანი
მშვილდოსნებს, მიუხედავად იმისა, რომ ისინი თავს შედარებით უკეთ გრძნობენ, მსუბუქი მელანქოლია მაინც არ ტოვებს. 18 ნოემბრის შემდეგ თავს ბევრად უკეთესად იგრძნობენ, მოემატებათ ენერგია. აუცილებელია საკუთარი შინაგანი სამყაროს განვითარება/დახვეწაზე კონცენტრირება.
თხის რქა
თხის რქები ცოტა მელანქოლიურ განწყობაზე იქნებიან კვირის მეორე ნახევრიდან. შეიძლება იფიქრონ, რომ ზედმეტად ბევრს მუშაობენ და დეპრესიული შემოტევები ჰქონდეთ. მათ რელაქსი და რომანტიკული განწყობა დაეხმარებათ, ცოტათი მაინც გაეთიშონ საქმეებს და ფსიქიკურად დაისვენონ.
მერწყული
კვირის მეორე ნახევრიდან მერწყულებში გაიღვიძებს თავისუფლებისკენ კიდევ უფრო მეტი სწრაფვა, რამაც შეიძლება, უპასუხისმგებლო საქციელებისკენ უბიძგოს მათ. გაუფრთხილდით ურთიერთობებს, როგორც სამსახურში, ისე სასიყვარულო/მეგობრულ ურთიერთობებში.
თევზები
თუ რაიმე სერიოზული საკითხის გადაწყვეტა გაქვთ განზრახული, 20 ნოემბრის შემდეგ გადადეთ. შეიძლება თევზებისთვის ამ პერიოდის ახალი ნაცნობობა ვნებიან რომანში გადაიზარდოს. ნუ დაკარგავთ ოპტიმიზმს.
წარმატებები თქვენ!