სასწორ მამაკაცს უსათუოდ მოსწონხართ თუ...
- დიალოგს ყოველთვის თავად იწყებს. ჩვეულებრივ, სასწორები საუბრის ინიციატორები არ არიან. ისინი ფიქრობენ: "თუ ადამიანს ჩემთან ურთიერთობა სურს, თავად დამირეკავს, მომწერს ან შემომთავაზებს შეხვედრას". ყველაფერი იცვლება, როცა ამ ნიშნის ქვეშ დაბადებული ქალით იხიბლება.
- სხვადასხვა ადამიანის როლს აღარ თამაშობს. ამ კაცებს ხელოვნური ცვალებადობა ახასიათებთ. ერთ დღეს შეიძლება ძალიან ტკბილად მოგექცნენ და თავი შეგაყვარონ, მეორე დღეს კი მათმა სიცივემ შეგაშინოთ, ხოლო უყურადღებობამ გული გატკინოთ. როცა სასწორი ურთიერთობაში სტაბილურია (ხშირ შემთხვევაში ძალიან თბილი და მოსიყვარულე), ის სერიოზულადაა თქვენდამი განწყობილი.
- ხშირად გიწვევთ კამათში. მას სულაც არ სურს თქვენთან უთანხმოება. უბრალოდ, აინტერესებს, როგორ იქცევით, როცა გაბრაზებული ხართ, რამდენად მყარად დგახართ თქვენს აზრზე და შეგიძლიათ თუ არა, საკუთარ პრინციპებს გადააბიჯოთ.
სასწორ ქალს უსათუოდ მოსწონხართ თუ...
1. გეკეკლუცებათ და რომანტიკულ გარემოში გთავაზობთ შეხვედრას. მაგალითად, ურჩევნია ლამპიონებით განათებულ ქუჩებში ისეირნოთ, ვიდრე კინოში წახვიდეთ. გესაუბრებათ მაღალ მატერიებზე და გექაჩებათ თავის სამყაროში.
2. თქვენს თხოვნას ყოველთვის ითვალისწინებს. სასწორი ქალები განსაკუთრებულ პატივს სცემენ კაცს, რომელიც მოსწონთ/უყვართ და ცდილობენ, მას თავი დომინანტად აგრძნობინონ. თუ თქვენ სთხოვთ, რომ გამომწვევი კაბა არ ჩაიცვას ან შინ ადრე დაბრუნდეს, სწორედ ასე მოიქცევა.
3. თქვენს მეგობრებთან გაქებთ. თქვენს ყველა პლუსს ხაზს უსვამს და თქვენი ნაკლიც კი საყვარლად ეჩვენება.