ვერძი
„თქვა და გააკეთა!“ ამ ნიშნის ქვეშ დაბადებულ ადამიანებს, თუ მიზანს დაისახავენ, ვერანაირი წინააღმდეგობა შეაჩერებთ. ისინი არამარტო სულიერად, არამედ ფიზიკურადაც ძლიერები არიან. ვერძები შიშის ზარს სცემენ მოწინააღმდეგეებს. ისინი ყოველდღოიურად ცდილობენ, დაიხვეწონ და უკეთესობისკენ შეიცვალონ. თავიანთ შეცდომებზე თითქმის ყოველთვის სწავლობენ და გამოცდილებას საჭიროებისამებრ იყენებენ.
ლომი
ლომი ერთ-ერთი ყველაზე მებრძოლი ნიშანია. სიამაყე უფლებას არ აძლევს, პრობლემებს გაექცეს ან „ბრძოლის ველი“ სამარცხვინოდ დატოვოს. ან მოიგებს, ან თავს შეაკლავს. ამ ნიშნის ქვეშ დაბადებულები გაურკვევლობებს როგორც ტოლერანტული, ასევე ფიზიკური დაპირისპირების გზით აგვარებენ. ძალიან კეთლშობილები და მიმტევებლები არიან, ამიტომ შეიძლება, მტრებს მიუტევონ და სასტიკად არ გაუსწორდნენ.
მშვილდოსანი
მშვილდოსანი ძალიან ჭკვიანი და ლოგიკურია, მიუხედავად ამისა, არ აკლია ოპტიმიზმი და მომავლის რწმენა. მშვილდოსნებს სჯერათ, რომ ყოველი ბნელი დერეფნის ბოლოს სინათლე ანთია. სიძნელეებს მედგრად ხვდებიან, ხოლო იმ პერიოდში, როცა ბედნიერება ეწვევათ, არაფერზე დარდობენ და ცდილობენ, სიხარულის წუთები გაიხანგრძლივონ. ასტროლოგების აზრით, ძნელად მოიძებნება პრობლემა, რომელიც მშვილდოსანს გატეხს.
მორიელი
ასტროლოგები არავის ურჩევდნენ ისეთ მტერს, როგორიც მორიელია - ადამიანი, რომელსაც უკან ვერაფრით დაახევინებთ. ის ყველაზე დაუნდობელი შურისმაძიებელია. ეს პიროვნება მარტივად ადაპტირებს ახალ გარემოსთან. უდაბნოშიც რომ დასვათ, თავის გადარჩენის გზას იპოვის. უმოკლეს დროში თავისი სისუსტეების ღირსებად (ძლიერ მხარედ) გადაქცევა შეუძლია. მართალია, მორიელი ძალინ მიზანდასახული და ძლიერია, მაგრამ ყველა ემოციას საკუთარ თავში ინახავს, ამან საბოლოოდ შეიძლება გატეხოს. თუმცა სანამ ეს ავბედითი დღე დადგება, ამ ნიშნის ქვეშ დაბადებული ადამიანს ძლიერთა შორის სათანადო ადგილი აქვს.