ასტროლოგები მიიჩნევენ, რომ განსაკუთრებულად უბოროტო ბუნებით გამოირჩევიან: ვერძი, ტყუპი, მშვილდოსანი, მერწყული, სასწორი და თევზები.
ამ ადამიანებს ბრაზი მალე გადასდით ან ჰუმანური ბუნების გამო უაზრობად ეჩვენებათ კონფლიქტში დახარჯული ენერგია. ისინი იშვიათად არიან გულბოღმიანები და ნაკლებად ახასიათებთ შურისძიების მოთხოვნილება.
ვერძი და მშვილდოსანი გაბრაზებას ღიად აფიქსირებენ. მათ შეუძლიათ, მუშტი-კრივშიც კი გამოიწვიონ გაღიზიანების ობიექტი.
ტყუპი და მერწყული საერთოდ არ დახარჯავენ დროს სიძულვილზე. მათ ძალიან ბევრი სხვა ინტერესი აქვთ საიმისოდ, რომ დრო კონფლიქტებზე არ ფლანგონ. ხოლო სასწორი და თევზები შინაგანად ვერ იტანენ კონფლიქტსა და აგრესიას. ამიტომ მოწოდებული არიან, ყველგან კომპრომისის გზა ეძებონ.
გაცილებით პრინციპული და აგრესიული ნიშნები არიან და საკმაოდ ხშირად, ამასთანავე, ხანგრძლივი ვადით შედიან კონფლიქტში: ლომები, მორიელები, კირჩხიბები, კუროები, ქალწულები და თხის რქები.
მათ შორის ლომი და მორიელი დემონსტრაციულად და აშკარად გამოხატავენ საკუთარ სიძულვილსა და მტრობას ვინმეს მიმართ.
კირჩხიბი და ქალწული კი შემოვლითი გზით მანევრირებას არჩევენ და საკმაოდ ოსტატურად გეგმავენ შურისძიებას, ისე, რომ მათზე ეჭვიც კი ვერავინ მიიტანოს. ხოლო თხის რქა და კურო ობიექტურად, კანონის ფარგლებში არჩევენ დაპირისპირებას ოპონენტებთან. მათ, ასევე, ახასიათებთ თანამდებობრივი ან ფინანსური ბერკეტების გამოყენებაც ამ კუთხით.