საუკეთესო პოტენციური ქმრების სამეული ასეთია:
კურო – სტაბილურობის მოყვარული ინდივიდია. არ უყვარს ცვლილებები, მათ შორის არც პარტნიორების კუთხით. თუმცა, თუკი ის ატიპურთა რიცხვს განეკუთვნება, შესაძლოა, არ იყოს მთლად ასე. კურო მიწის ნიშანია, მოსწონს საკუთარი ცხოვრების ნაბიჯ-ნაბიჯ შენება, აფასებს კომფორტსა და ერთგულებას. თავადაც აქვს უნარი, იყოს კარგი ქმარი, ერთგული პარტნიორი და მზრუნველი მეორე ნახევარი, თუკი იგივეს პარტნიორის მხრიდანაც ხედავს. კურო ძნელად იღებს გადაწყვეტილებას, ამიტომ მისთვის ლოდინი მოგიწევთ, სანამ ის საბოლოოდ ჩამოყალიბდება და მიხვდება, რომ თქვენ ხართ მისი ჭეშმარიტი მეორე ნახევარი. თუმცა მერწმუნეთ, ლოდინი ღირს ამად.
კირჩხიბი – ძალიან მოსიყვარულე, მზრუნველი და ერთგული ქმარია. კირჩხიბს მიჯაჭვულობა ახასიათებს მეორე ნახევრის მიმართ, რომელიც საკმაოდ მყარ ურთიერთობებს ნიშნავს. მართალია, ცოტა ბუტია და ფხუკიანია ოჯახურ ცხოვრებაში, მაგრამ რეალურად მასზე უფრო მზრუნველ პარტნიორს ვერსად იპოვით. იგი ყველაფერში დაგეხმარებათ – დაწყებული საოჯახო საქმეებითა და შოპინგით, დამთავრებული ბავშვის აღზრდით. რაც მთავარია, მისთვის ეს სასიამოვნო იქნება და არა რაღაც მძიმე ტვირთი ან მოვალეობა. კირჩხიბი ოჯახის ინტერესებს ყველაფერზე წინ აყენებს ამქვეყნად, ამიტომ მისთვის ყოველთვის წინა პლანზე იქნებით. თუმცა, აქ არის ერთი კომპრომისის აუცილებლობა – პატივი უნდა სცეთ მის დედას, იმიტომ რომ, დედაზე წინ ამ მამაკაცისთვის ცოლი ვერასოდეს დგება.
თხის რქა – ემოციურად ცოტა ცივი, საშინლად ჯიუტი, მაგრამ ძალიან ერთგული და საიმედო მეორე ნახევარია. მისი ემოციები თანდათან „თბება“, ამიტომ რაც მეტ წელს მოიტოვებს უკან თქვენი ოჯახი, მით უფრო რბილი და მზრუნველი გახდება თქვენი ქმარი თხის რქა, რომელიც ახალგაზრდობაში უფრო მოზომილი ტემპერამენტით გამოირჩეოდა. თხის რქები უზომოდ ერთგული ქმრები არიან. მათთვის მარტივია, საკუთარ თავზე აიღონ ოჯახური ტვირთის მთელი სიმძიმე და მეორე ნახევარი მაქსიმალურ კომფორტში ამყოფონ, ამ მხრივ. შესაძლოა, ის ცოტა მკაცრი და მომთხოვნი იყოს პერიოდულად, თუმცა თუკი ამ ნაკლს უგულებელყოფთ, მთლიანობაში თხის რქა ერთ-ერთი საუკეთესო კანდიდატურაა პოტენციური მეორე ნახევრის პოზიციაზე მისთვის, ვინც ცხოვრებაში მყარ დასაყრდენს ეძებს.