წლების შემდეგ უმეტესობას გვიჩნდება ღირებულებების გადაფასების აუცილებლობა და უკვე ზრდასრულ ასაკში აბსოლუტურად სხვა ტიპის ურთიერთობები გვჭირდება, რომელიც, სინტიას აზრით, არის კიდეც ნამდვილი პარტნიორობა და ჰარმონიული სიყვარული.
თუმცა, არ არსებობს წესი, გამონაკლისის გარეშე და ისეც ხდება, რომ ადრეულ ასაკშიც იქმნება სავსებით ჰარმონიული ოჯახები.
ამერიკელმა ასტროლოგმა ასეთი შედეგები შემოგვთავაზა:
ყველაზე ხშირად და ადრეულ ასაკში ოჯახურ ბედნიერებას პოულობენ თხის რქა, კურო, ქალწული და სასწორი.
ამ ადამიანებს გაცილებით პრაგმატული მიდგომა აქვთ ოჯახისა და ქორწინების მიმართ. ისინი რეალისტები არიან, ამასთანავე, საკმაოდ ერთგული და სტაბილური ფსიქიკითაც გამოირჩევიან. შესაბამისად, ყველაზე ნაკლებად ანგრევენ ადრეულ ასაკში შექმნილ ოჯახს ზემოჩამოთვლილი ნიშნით დაბადებული ადამიანები.
შედარებით მოწიფულ ასაკში პოულობენ მეორე ნახევარს კირჩხიბი, ვერძი, მორიელი და მერწყული.
მათთვის პარტნიორთან ემოციური ან მენტალური მჭიდრო კონტაქტია საჭირო. ამიტომ დაახლოებით 24-26 წლის ასაკში აქვთ ამ ადამიანებს ჰარმონიული პარტნიორის პოვნის შანსი.
ხშირად მთელი ცხოვრება ძიების პროცესში არიან ტყუპი, მშვილდოსანი, ლომი და თევზები.
მათ უმეტესობას ხანგრძლივი და მყარი კავშირის შენარჩუნებაში ხელს უშლის ან მძაფრი იდეალიზმი, ან ეგოიზმი და სიახლეებისადმი დაუოკებელი სწრაფვა, რასაც ჩანასახშივე ასამარებს ერთსა და იმავე პარტნიორთან ერთ ჭერქვეშ წლობით ცხოვრების პერსპექტივა.
