ვერძი და კურო
ჯიუტ ვერძს ყველაფერი ახლა და ამ წუთში უნდა, კუროს სიმშვიდემ კი შეიძლება, წყობიდან გამოიყვანოს. ამასთანავე, ვერძი გულცივია, კურო კი საკუთარი ემოციებითა და განცდებით ცხოვრობს.
კირჩხიბი და სასწორი
კირჩხიბის ემოციური და ეჭვიანი ბუნება ტრავმირებულია სასწორის სოციალურობით და კომუნიკაბელურობას, რომელიც სასწორს, ზოგადად, ახასიათებს, კირჩხიბი ხშირად ღალატის წინაპირობად აღიქვამს.
მერწყული და თევზები
ამ წყვილში უმთავრესი პრობლემა მერწყულის ემოციური სიცივე და თევზების ეგოიზმია. წყლის ნიშნები პარტნიორებისგან გადამეტებულ ყურადღებასა და სითბოს ითხოვენ, მაშინ როცა ცვალებად და მრავალმხრივი ინტერესების მქონე მერწყულს ნაკლებად შეუძლია მხოლოდ ერთ ადამიანზე კონცენტრირება.
მორიელი და მშვილდოსანი
ეს დრამატული წყვილია. მორიელის ეჭვიანი ბუნება ვერასდროს შეეგუება მშვილდოსნის თავქარიანობას და ზედმეტ ოპტიმიზმს. მორიელი ფრთხილი და წინდახედულია, მშვილდოსანი კი იშვიათად დარდობს და არც ხვალინდელ დღეზე ფიქრით იწუხებს თავს.
ქალწული და ლომი
ამაყ და თავმომწონე ლომებს არ უყვართ შენიშვნები, თუნდაც სრულიად ობიექტური და მართებული იყოს. ქალწული კი, თავისი ბუნებით, მეწვრილმანე და დაკვირვებულია. ის ვერასოდეს შეიკავებს თავს იმისგან, რომ არ გააკრიტიკოს ამაყი ლომი, რაც ამ უკანასკნელის მრისხანებას იწვევს.
ტყუპი და თხის რქა
ფრთხილ და კონსერვატიულ თხის რქას ტყუპების მსუბუქი, „ვერცხლის წყალივით“ საქციელი ხშირად გამომწვევად ეჩვენება. თხის რქა უამრავ წვრილმანზე ნერვიულობს, გადაწყვეტილების მიღებისას ბევრს ფიქრობს, ტყუპი კი განწყობის ადამიანია და თუ ცუდ ხასიათზეა, ათასგვარი სისულელის ჩადენა შეუძლია.