ვერძი განშორების შემდეგ ომს იწყებს ყოფილ პარტნიორთან. ხანგრძლივი პერიოდის მანძილზე ცდილობს, დაამტკიცოს საკუთარი უპირატესობა და ის, რომ მისი დაკარგვით ყოფილმა ძალიან ბევრი დაკარგა.
კურო ძნელად ახერხებს პოზიციების დათმობას და, როგორც წესი, გვიან აცნობიერებს, რომ ყველაფერი მართლაც დამთავრდა. ამის შემდეგ ჯიუტად არ სურს ახალი რომანის წამოწყება იმის შიშით, რომ ისევ მიატოვებენ.
ტყუპი ძალიან მარტივად ეკიდება განშორების საკითხს. მას ყოველთვის აქვს რამდენიმე სათადარიგო ვარიანტი, ამიტომ ნაკლებად იშლის ნერვებს ყოფილთან ბრძოლით.
კირჩხიბი, პირველ რიგში, შეეცდება, ყველა შესაძლო თუ არაშესაძლო მეთოდით შეინარჩუნოს პარტნიორი. თუ ეს არ გამოსდის, მის გარშემო ინტრიგების ხლართვას იწყებს და ცდილობს, ყოფილი არ გაახაროს.
ლომი აუცილებლად შეეცდება, საჯაროდ დაამციროს ძველი სიყვარული იმის დამტკიცებით, რომ მალე მასზე უფრო წარმატებულ ან უკეთეს შემცვლელს იპოვის. ლომს სიამაყე არასდროს მისცემს უფლებას, ვინმეს ეხვეწოს.
ქალწული მანიაკალურად ებღაუჭება ყოფილ პარტნიორს, მაშინაც კი, როცა მის მიმართ სიყვარული აღარ აქვს. უჭირს ახალ ურთიერთობაზე გადართვა, ამიტომ ძველი, თუნდაც აუტანელი მეორე ნახევარი ურჩევნია ახალსა და პერსპექტიულს.
სასწორი თავს უბედურად გრძნობს, მაქსიმუმ, ერთი კვირა, შემდეგ ახალი ფლირტის გაჩაღებას იწყებს. მისთვის მარტივია სიყვარულში წარუმატებლობის გადაგორება, ოღონდ კი ვინმემ ანუგეშოს და მიუალერსოს.
მორიელისთვის „ყოფილი“ არ არსებობს, ამ სიტყვის როგორც პირდაპირი, ისე ირიბი გაგებით. იგი ეცდება, მაქსიმალური სიმკაცრით დასაჯოს პარტნიორი, რომელმაც გაბედა და მიატოვა. თუნდაც ამის გამო საკუთარი თავის განადგურებაც მოუხდეს.
მშვილდოსანი საშინლად განიცდის, თუკი პირველი მიატოვეს (როგორც წესი, მუდამ პირიქით ხდება), ასეთ დროს იგი იბოღმება და მაქსიმალურად ცდილობს, ყოფილს საერთო მეგობრებში შავი პიარი აუგოროს.
თხის რქა მძიმედ იტანს იმედგაცრუებას, თუმცა, როგორც წესი, უკმაყოფილებას ჩხუბით ან სცენებით არასოდეს გამოხატავს. ასეთ დროს იგი მთლიანად ერთვება მუშაობაში და ცდილობს, მომდევნო ჯერზე პარტნიორის არჩევისას მეტი სიფრთხილე გამოიჩინოს.
მერწყული მარტივად და გაგებით ეკიდება, როცა მისგან მიდიან. იგი ყოველთვის ცდილობს, ყოფილ პარტნიორთან მეგობრული ურთიერთობა შეინარჩუნოს და იშვიათად ეკიდება მას მტრად.
თევზები დეპრესიაში ვარდება, როცა ხედავს, რომ მისი სიყვარული „კვდება“ და რეანიმირებას აღარ ექვემდებარება. როგორც წესი, ყველანაირ მსხვერპლზე მიდის ურთიერთობის სანაცვლოდ, თუ ეს არ გამოსდის, დიდი ხნის მანძილზე უძნელდება გონზე მოსვლა.
