მამაკაცების სუსტი წერტილები ზოდიაქოს ნიშნის მიხედვით

ჰოროსკოპი

23 იანვარი 10:00, 2017 წელი

გოგოებო, გადაიკითხეთ ქვემომოყვანილი ინსტრუქციები, მაგრამ ბოროტად ნუ გამოიყენებთ.

მამაკაცი ვერძი გარეგნულად ძალიან თავდაჯერებული და შემტევი ჩანს, თუმცა მისი წყობიდან გამოყვანა ძალზე მარტივი საქმეა. არ შეეხოთ მის პროფესიულ თავმოყვარეობას, არ უთხრათ, რომ ვიღაც უშანგი გაცილებით წარმატებულია მასთან სამსახურში, მაშინ როცა თავად მას გაცილებით მეტი რესურსი აქვს საქმის უკეთ გასაკეთებლად. კიდევ ერთი სისუსტე ვერძისთვის თავისუფლების შეზღუდვაა, თუ მას გაუთავებელი პრეტენზიებით გაუბურღავთ ტვინს, ან შემოაკვდებით, ან თქვენი ცხოვრებიდან უკვალოდ და სამუდამოდ გაქრება.


 


მამაკაცი კურო ძალზე მშვიდი, გაწონასწორებული კაცის შთაბეჭდილებას ტოვებს ძირითადად. ზოგჯერ მისი გამომეტყველება ისეთი ინდიფერენტულია, შეიძლება გეგონოთ, რომ ამ კაცს ვერავინ და ვერაფერი გამოიყვანს წყობიდან. მაგრამ ცდებით! კუროს ყველაზე მეტად აჩქარება აცოფებს. თუ მისი მდგომარეობიდან გამოყვანა გსურთ, უთხარით, რომ საშინლად ზოზინა და მოუქნელია. გარდა ამისა, კუროს გაცხარება, მისი საკუთრების ხელყოფასაც შეუძლია. თუ ეს კაცი რაიმეს თავისად თვლის, მას არაფრისდიდებით არ დაუთმობს სხვას.


 


მამაკაცი ტყუპი ბუნებით ცვალებადი და არაპროგნოზირებადი ნიშანია. ამიტომ ამ ხალხს სხვების მწყობრიდან გამოყვანა უფრო ეადვილება. თუმცა, მამაკაც ტყუპსაც აქვს სისუსტეები და არცთუ ცოტა. მასზე ყველაზე მეტად მოქმედებს ინფორმაციული ვაკუუმი (შეუზღუდეთ ინტერნეტი ან მობილურთან წვდომა) და პარტნიორი, რომელიც მოსაწყენი და უინტელექტოა. აქედან გამომდინარე, ასეთ მამაკაცს შეიძლება სასჯელად მოუვლინოთ ქალი, რომელიც ერთმანეთისგან ვერ ასხვავებს დოსტოევსკისა და დიკენსს ან ერთი და იგივე ჰგონია ჩრდილოეთ პოლუსი და შვეიცარიის ალპები.


 


მამაკაცი კირჩხიბი ბუნებით უზომოდ წყენია და ემოციური ტიპაჟია. შესაძლოა, ისეთ რამეებზე გაგიბრაზდეთ, რაც, თქვენი აზრით, სასაცილოდაც არ ღირს. თუმცა, არსებობს უფრო მტკივნეული თემებიც კირჩხიბისთვის. პირველი სუსტი წერტილი მისი ოჯახის, კერძოდ, დედის მიმართ თქვენი დამოკიდებულებაა. თუ გსურთ, კირჩხიბი გადაიმტეროთ, გააკრიტიკეთ დედამისი. გარდა ამისა, კიბო უყაირათო და მფლანგველ ქალებზეც მტკივნეულად რეაგირებს.


 


მამაკაცი ლომი მეფური ბუნების, ამბიციური ინდივიდია. თუმცა მისი ერთი შეხედვით უზადო იმიჯისა და თავდაჭერილობის მიღმა, საკმაოდ ბევრი არასრულფასოვნების კომპლექსი იმალება. ამაში მარტივად დარწმუნდებით, თუკი თქვენს თაყვანისმცემელ ლომს „ყოფილების” ღირსებასა და დადებით თვისებებზე გაუმახვილებთ ყურადღებას. იგი შეურაცხყოფილი და ფრიად განაწყენებული დარჩება იმ ფაქტით, რომ მისი მეფური პერსონა, ვიღაც მდაბიოებთან შესადარებლად გაიმეტეს.


 


მამაკაცი ქალწული ბუნებით მოწესრიგებული, წინდახედული და ხელმომჭირნეა. ერთი შეხედვით შეიძლება მოგეჩვენოთ, რომ ამ სფინქსის გამომეტყველების მქონე ტიპს წყობიდან ვერაფერი გამოიყვანს, მაგრამ დასკვნების გამოტანას ნუ იჩქარებთ, სუსტი წერტილები ქალწულსაც ბევრი აქვს. იგი ყველაზე მეტად არაჰიგიენურ, ფეთხუმ და დაუკვირვებელ ქალებს გამოჰყავს წყობიდან. გარდა ამისა, თუ თქვენ მისი ფულის განიავებასაც მიჰყოფთ ხელს (რა თქმა უნდა, თუკი მის საკრედიტო ბარათამდე წვდომა შეძელით), ქალწულის სახით სამუდამო მტერი გარანტირებული გეყოლებათ.


 


მამაკაცი სასწორი დიპლომატიის, სიმშვიდისა და გალანტურობის განსახიერებაა. იგი მუდამ იღიმის და ელეგანტურად გამოიყურება. ამიტომ შეიძლება იფიქროთ, რომ მისი წყობიდან გამოყვანა ძალზე ძნელი იქნება, თუმცა ეს ასე არ გახლავთ. სასწორი ვერ იტანს ვულგარულობას, ხმაურსა და უგემოვნო ადამიანებს. ამიტომ თუ თქვენს ლექსიკონში „სლენგი” ხშირად გამოერევა, ხელში რაც მოგხვდებათ იმ სამოსით იმოსებით და ხშირად უმართავთ სახლში ხმაურიან თავყრილობებს, იგი თავაზიანად, მაგრამ მტკიცედ მიგითითებთ კარისკენ.


 


მამაკაცი მორიელი სწორედ ის არის, ვიცი წყობიდან გამოსაყვანადაც მაქსიმალური მონდომება და ნებისყოფის სიმტკიცეა საჭირო. ზოდიაქოს ამ ნიშნით დაბადებული მამრები საკუთარი ემოციების ფლობის გასაოცარი უნარით არიან დაჯილდოებულნი. აქედან გამომდინარე, მისი სუსტი წერტილის აღმოსაჩენად ძალიან დიდი გამჭრიახობა გესაჭიროებათ. თუმცა, უნაკლო არავინაა ამქვეყნად. შესაბამისად, მორიელსაც აქვს აქილევსის ქუსლი – ეს კი მისი თავმოყვარეობაა. ზოდიაქოს ამ ნიშნით დაბადებული მამაკაცები ყველაზე მეტად უარყოფილის სტატუსს ვერ ეგუებიან. ამიტომ, თუ თქვენ მორიელთან ურთიერთობა დაიწყეთ და შემდგომ ამისა, აუხსნელი მიზეზებით მოულოდნელად მიატოვეთ, დამიჯერეთ, მისი სახით ხანგრძლივ შურისძიებას გამოუწერთ საკუთარ თავს.


 


მამაკაცი მშვილდოსანი ერთი შეხედვით ოპტიმისტი, მხიარული და ხალისიანი ადამიანის შთაბეჭდილებას ტოვებს. თუმცა, მისი მწყობრიდან გამოყვანა საკმაოდ მარტივი საქმეა, იქიდან გამომდინარე, რომ მშვილდოსანი ცეცხლის სტიქიის ნიშანია და მარტივად „ფეთქდება“. თუმცა, განსაკუთრებით მტკივნეული წერტილები მასაც აქვს და ეს, უპირველეს ყოვლისა, მის ავტორიტეტულობასა და ცოდნაში ეჭვის შეტანისას ვლინდება. მშვილდოსანს ძალიან უყვარს სხვებისთვის ჭკუის სწავლება და თავისებური „გურუს“ როლის მორგება სამეგობროში. გარდა ამისა, ეს კაცი განსაკუთრებულად რეაგირებს ტყუილზე და ორმაგ თამაშზე ქალის მხრიდან.


 


მამაკაცი თხის რქა ბუნებით პრაგმატული, წინდახედული და სერიოზული მამრია. თუმცა მის „ჩარკინაბეტონებულ“ იმიჯსაც აქვს სუსტი და ადვილად მტვრევადი ადგილები. საქმე ისაა, რომ მიუხედავად გარეგნული სოლიდურობისა, თხის რქა შინაგანად დეპრესიისკენ მიდრეკილი და პესიმისტი ინდივიდია. ამიტომ, თუ თქვენ მას საკუთარ შესაძლებლობებში ეჭვის შეტანას აიძულებთ, განსაკუთრებით პროფესიული კუთხით, იგი პირქუში და სიტყვაძუნწი გახდება. არანაკლებ აღიზიანებს თხის რქას ექსტრავაგანტურად ჩაცმულ-დახურული ქალები და ზოგადად, მანდილოსნის ვულგარული იმიჯი.


 


მამაკაცი მერწყული ბუნებით ძალზე უკონფლიქტო, ჰუმანური და მეგობრული ნიშანია. აქედან გამომდინარე, მამაკაცი მერწყულის მწყობრიდან გამოყვანა ძნელი, ფაქტობრივად, შეუძლებელი საქმეც კია. თუმცა, არსებობს რიგი სიტუაციები, რომელსაც მერწყული, უბრალოდ, ვერ ეგუება, მათ შორისაა ზედმეტად მომთხოვნი და პრეტენზიული პარტნიორის გვერდით ყოფნა. ეს კაცი ვერ იტანს შეზღუდვებს და ვალდებულებებს. შესაბამისად, თუ თქვენ მას „პირად სივრცეს” შეუზღუდავთ, იგი უბრალოდ აორთქლდება თქვენი ცხოვრებიდან.


 


მამაკაცი თევზი ლოიალური, რბილი და მეოცნებე ტიპია. ზოგადად, თევზები იშვიათად გამოხატავენ აგრესიას და გაბრაზებას აშკარა და პირდაპირი სახით. აქედან გამომდინარე, თუკი მისი მწყობრიდან გამოყვანა მაინც შეძელით, მძაფრ რეაქციებს, დებოშსა და ჭურჭლის მტვრევას ნუ დაელოდებით საპასუხოდ. თევზები განსაკუთრებით მგრძნობიარეები არიან მაშინ, როცა ვინმე მათ შინაგან სამყაროს, გატაცებას ან ჰობის იგდებს აბუჩად. ამასთანავე, არ უნდა უკიჟინოთ მას, რომ ხელმოცარული და უხერხემლოა. რომც არ იყოს რეალურად ასეთი, შესაძლოა, თქვენმა შეძახილმა უბიძგოს დეგრადაციისკენ.

საკნატუნო ამბები

რა გაიფიქრეთ?

შენიღბვის საუკეთესო ხერხები...
ამბები

19 მაისს გამართული შუალედური და რიგგარეშე არჩევნებისთვის 410-ვე საარჩევნო უბნის შედეგები დათვლილია.

ცენტრალურმა საარჩევნო კომისიამ 2019 წლის 19 მაისის არჩევნების წინასწარი შედეგები წარადგინა.
ამბები

ცესკოში საინფორმაციო ბრიფინგი ჩაინიშნა

ცენტრალური საარჩევნო კომისია საინფორმაციო ბრიფინგს გამართავს.
ამბები

ცესკოს თავმჯდომარე: ფოტო-ვიდეო გადაღებას საარჩევნო უბანზე კენჭისყრის დღეს აქვს თავისი კანონმდებლობით დადგენილი წესი

ცენტრალური საარჩევნო კომისიის თავმჯდომარე თამარ ჟვანიამ განცხადება გააკეთა ერთ-ერთი მედიასაშუალებით გავრცელებული ვიდეომასალის თაობაზე, სადაც ასახულია ხმის დათვლის პროცესში ჩარევა.
ამბები

ანა მიქელაძე: ამ წუთებში საუბნო საარჩევნო კომისიებში მიმდინარეობს მნიშვნელოვანი პროცესი

ცენტრალურ საარჩევნო კომისიაში კენჭისყრის პროცესის დასრულების შესახებ საინფორმაციო ბრიფინგი გაიმართა.
საკნატუნო ამბები

მიზეზები, რომელთა გამო ქალები სექსზე უარს ამბობენ

როგორც აღმოჩნდა, იმ ფაქტორების კლასიფიცირება მოხდა, რომელთა გამო ქალბატონები სექსზე უარს აცხადებენ.   
დღის ჰოროსკოპი

20 მაისის ასტროლოგიური პროგნოზი

რას გვირჩევენ ვარსკვლავები 20 მაისისთვის ჯანმრთელობის, ბიზნესისა და სიყვარულის მიმართულებით?
ამბები

ანა მიქელაძე: სულ შესულია 68 საჩივარი

ცენტრალურმა საარჩევნო კომისიამ საზოგადოებას 17:00 სთ-ის მდგომარეობით ამომრჩეველთა აქტივობის შესახებ მიაწოდა ინფორმაცია.
ამბები

ცესკოში მორიგი საინფორმაციო ბრიგინგი გაიმართა

ცესკოს პრეს-სპიკერმა ანა მიქელაძემ მედიასთან 15:00 სთ-ის მდგომარეობით ამომრჩეველთა აქტივობის შესახებ ისაუბრა.
ამბები

ამომრჩეველთა აქტივობა 12:00 სთ-ის მდგომარეობით

ცესკოს პრეს სპიკერმა აქტივობასთან ერთად მედიას საარჩევნო პროცესის მიმდინარეობის შესახებ მიაწოდა ინფორმაცია
კულინარია

გემრიელი სალათების სეზონი გაიხსნა!

გაზაფხულთან ერთად, ფერადი და არომატული ბოსტნეულიც შემოვიდა. ეს სალათა, რომლის რეცეპტსაც დღეს გიზიარებთ, ჯანსაღი, გემრიელი და უმარტივესად მოსამზადებელია!
დღის ჰოროსკოპი

19 მაისის ასტროლოგიური პროგნოზი

რას გვირჩევენ ვარსკვლავები 19 მაისისთვის ჯანმრთელობის, ბიზნესისა და სიყვარულის მიმართულებით?