როგორ უნდა გადაცვალოთ ძველი ტელეფონი ახალ „პორშეზე“?!

ამერიკაში არსებობს პოპულარული საიტი graigslist, სადაც ადამიანები თავისთვის უკვე გამოუდეგარ ნივთებს სხვა, მათთვის უფრო საჭირო ნივთებზე ცვლიან.

17 წლის კალიფორნიელმა მოსწავლემ სტივენ ორტიზმა ორი წლის განმავლობაში, graigslist-ზე 14 გაცვლა განახორციელა და საბოლოოდ, თავისი ძველი მობილური ტელეფონის ახალ სპორტულ მანქანა Porsche Boxster-ზე გაცვლა მოახერხა.

ყველაფერი კი იმით დაიწყო, რომ სტივენს ძველი მობილური ტელეფონი აჩუქეს. მოზარდი graigslist-ზე შევიდა, რათა ტელეფონი უფრო ახალ მოდელზე გადაეცვალა.
დიდი ხნის ძებნის შემდეგ სტივენმა სასურველი მოდელის ტელეფონი აღმოაჩინა და თავის ძველ ტელეფონში გაცვალა.
მოგვიანებით, ახალი ტელეფონი ipod-ის პლეერზე გაცვალა, პლეერი - მოტოციკლზე, მოტოციკლი macbook pro-ს ნოუთბუკზე, ნოუთბუკი - ავტომობილ Toyota 4Runner-ზე, ტოიოტა - გოლფის მანქანაზე...

სტივენი გაცვლის სერიას აგრძელებდა, სანამ 1975 წელს გამოშვებული, 9000 დოლარად შეფასებული ავტომობილის ford bronco-ს მფლობელი არ გახდა. სწორედ ეს ფორდი გადაცვალა ახალ სპორტულ „პორშეზე“.

სტივენი სკოლის მოსწავლეა და ასეთი„გაუმაძღარი“ მანქანის შენახვა უჭირს. ამჟამად აპირებს, „პორშე“ უფრო ეკონომიურ მანქანაში გაცვალოს.