გავრცელებული ინფორმაციით, Lada mustang ბაზარზე 2017 წლის ბოლოს გამოჩნდება. სავარაუდოდ, მისი ფასი 240 000 რუსული რუბლი იქნება, რაც გაცილებით მეტია, ვიდრე თანამედროვე Lada Vesta და Lada Xray-ს ღირებულება.
ახალი მოდიფიკაციის მანქანების გარდა, რუსული „ავტოვაზი“ საბჭოთა მოქალაქეებისთვის კარგად ნაცნობი „ვაზ 2101“-ის გამოშვებას იწყებს.
„ავტოვაზის“ ინჟინრების მტკიცებით, ახალი მოდელი 1970 წელს გამოშვებული მანქანის ზუსტი ანალოგი იქნება, რადგან ყველა დეტალი არქივებში შემონახული საბჭოთა დოკუმენტების მიხედვით დამზადდება.
1970 წელს „ვაზ 2101“-ის წარმოება პროლეტარიატის ბელადის, ვლადიმერ ილიას ძე ლენინის დაბადებიდან ასი წლისთავს მიუძღვნეს.
კომპანიის ხელმძღვანელობის გადაწყვეტილებით, საიუბილეო მანქანები მხოლოდ 1970 წლის 19 აპრილს გამოსული მანქანების ფერი იქნება.
„ვაზ 2101“-ის საიუბილეო მოდელის შეძენას ყველა მსურველი ვერ შეძლებს, რადგან ამის ექსკლუზიური უფლება მხოლოდ „ვაზ 2101“-ის ძველი მანქანების მფლობელებს ექნებათ.
საიუბილეო გამოშვებისთვის რუსულმა საავტომობილო კონცერნმა იტალიური კომპლექტაცია შეუკვეთა. ეს იმით ახსნეს, რომ 1970 წელს გამოშვებული მანქანები Fiat 124-ის ნაწილებით იყო აწყობილი.
საბოლოოდ, იტალიურ მხარეს წინა და უკანა ფარები, სტარტერი, გენერატორი და რამდენიმე სხვა დეტალი შეუკვეთეს.
აღსანიშნავია, რომ საიუბილეო მოდელის მანქანებს Nokian-ის წარმოების საბურავები ექნება.
ამბობენ, რომ საიუბილეო გამოშვების 124-ვე მანქანა უკვე გაყიდულია.
ბედნიერი მფლობელები „ვაზ 2101“-ის კლუბის წევრები არიან.
უახლოეს ხანებში ავტოვაზი „ვაზ 2106“-ის საიუბილეო მოდელის გამოშვებასაც აპირებს.