პატარა ვუნდერკინდი ბრიტანეთის ქალაქ ბარნსში ცხოვრობს.
როგორც მშობლები ამბობენ, მათი შვილი 10 თვიდან დამოუკიდებლად ახერხებდა წერა-კითხვას. ერთი წლის ასაკში ისწავლა APPLE-ს ტექნიკით სარგებლობა და მათი დაშლა და აწყობა, მსოფლიო რუკაზე 195 ქვეყნის ადგილ-მდებარეობის ზუსტი განსაზღვრა და დედამიწის ზურგზე არსებული ყველა ქვეყნის სახელმწიფო დროშის ამოცნობა.
ვერასოდეს ვიფიქრებდით, თუ ჩვენს ოჯახში პატარა გენიოსი იზრდებოდა, მაგრამ დროთა განმავლობაში შევნიშნეთ, რომ შერვინი ყოველდღიურად კი არა, საათობით იზრდებოდა, - განაცხადა ბიჭუნას დედამ ამანდა სარაბმა, რომელიც სკოლის მასწავლებელია.
შერვინის მამის დარუდ სარაბის თქმით, მშობლებს არასოდეს უსწავლებიათ ბავშვისთვის ტექნიკით სარგებლობა, თუმცა ერთი წლის შერვინმა IPAD-ის პლანშეტის ნაწილებად დაშლა და შემდეგ მისი აწყობა მოახერხა. ასევე, დამოუკიდებლად ჩატვირთა მასში ელექტრონული ენციკლოპედია.
ბავშვის უნარებით გაოცებულმა მშობლებმა მისი სპეციალისტისთვის ჩვენება გადაწყვიტეს, რომელიც შერვინის საოცარი განვითარების ახსნას შეძლებდა.
საერთაშორისო ორგანიზაციის Gifted Children`s Information Centre წარმომადგენელი, დოქტორი პიტერ კონგტონი ირწმუნება, რომ მას ხშირად უწევს ნიჭიერ ბავშვებთან ურთიერთობა, თუმცა შერვინის მონაცემების ბავშვი არასოდეს უნახავს.
როგორც კი შერვინი ერთი წლის გახდა, სარაბების ოჯახს დიდი ბრიტანეთისა და შვეიცარიის საუკეთესო სასწავლო დაწესებულებებმა შვილის უფასოდ სწავლება შესთავაზეს.
შერვინ სარაბიმ ჯერ კიდევ 4 წლისამ ვექსელერის IQ ტესტში უმაღლესი 160 ქულა აიღო და მისი ინტელექტის კოეფიციენტი ალბერტ აინშტაინისას გაუტოლდა.
ამჟამად შერვინი Rastrick Independent School-ში სწავლობს, უკვე წაკითხული აქვს 1000-ზე მეტი წიგნი, ზეპირად იცის ქიმიურ ელემენტთა პერიოდული სისტემა, არის ორგანიზაცია Mensa International-ის წევრი (აღნიშნული ორგანიზაცია მსოფლიოს სხვადასხვა კუთხიდან აერთიანებს ადამიანებს, რომელთა IQ-ც განსაკუთრებით მაღალია), თუმცა, როგორც ყველა ბავშვს, უყვარს თამაში და სათამაშოებით გართობა.
ერთადერთი, რასაც შერვინი არასდროს აკეთებს - ის არ უყურებს ტელევიზორს!