ერთ-ერთ მაღაზიაში დამონტაჟებულმა სათვალთვალო კამერამ უჩვეულო ქურდის „მუშაობის მეთოდი“ დააფიქსირა. კადრებში ჩანს, როგორ შედის ახალგაზრდა კაცი სასურსათო მაღაზიაში, უახლოვდება მაღაზიის მეპატრონეს - 56 წლის აფტაბ ჰაიდერს, აჰიპნოზებს და ჯიბეებიდან საფულესა და სხვადასხვა ნივთებს აცლის.
მაღაზიის პატრონი, რომელსაც ქურდისთვის არავითარი წინააღმდეგობა არ გაუწევია, გონს მხოლოდ მას შემდეგ მოვიდა, რაც უცნაურმა ქურდმა იქაურობა დატოვა. სათვალთვალო კამერაზე არსებული ჩანაწერის მიუხედავად, ლონდონის პოლიციამ ჰიპნოზიორ ქურდს ამ დრომდე ვერსად მიაკვლია. გამოძიების ვარაუდით, უცნაურმა ქურდმა მაღაზიის პატრონზე ზემოქმედება ნეიროლინგვისტური პროგრამირების გამოყენებით მოახერხა (მეცნიერება ადამიანის ფსიქიკაზე სიტყვის ზემოქმედების შესახებ).
ვიდეოზე ჩანს, რომ ჰიპნოზიორი უცნაურად ეხება აზიზს ხელებსა და მხრებზე, რასაც მაღაზიის პატრონის ტრანსში ჩავარდნა მოსდევს.