კვლევების თანახმად, ფრენკ მარსის შექმნილი შოკოლადი 21-ე საუკუნის მსოფლიოში ახალგაზრდების ყველაზე საყვარელი ნუგბარია. შოკოლადის საწარმოები ყოველდღიურად, დაახლოებით 15 მილიონ „სნიკერსს“ აწარმოებენ, მომხმარებლები კი ყოველ წამში დაახლოებით, 400 ცალს მიირთმევენ.
5 წუთის მანძილზე წარმოებული „სნიკერსი“ ერთმანეთზე რომ დავალაგოთ, ეიფელის კოშლის სიმაღლეს მიაღწევს. ყოველი მეხუთე მოზარდი „სნიკერსს“ ყოველდღიურად მიირთმევს, ბევრი კი დღეში რამდენჯერმე.
თუ გავითვალისინებთ, რომ თოთოეული შოკოლადის ბატონში ზუსტად 16 ცალი მიწის თხილია, არაფერია გასაკვირი, რომ „სნიკერსის“ დამზადებაზე ყოველდღიურად 99 ტონა არაქისი იხარჯება.
აღსანიშნავია, რომ თავდაპირველად, დიდ ბრიტანეთსა და ირლანდიაში მარსის მიერ წარმოებულ შოკოლადს „მარათონი“ (Marathon) ერქვა და ასე გრძელდებოდა 1990 წლამდე, სანამ მარსმა არ გადაწყვიტა, რომ შოკოლადს მთელ მსოფლიოში ერთი სახელი ჰქონოდა.
მაღალი კალორიულობის წყალობით, (100 გრამი- 507კკლ) „სნიკერსი“ საომარი მოქმედებებისა და ხანრძლივი ექსპედიციების დროს შეუცვლელი პროდუქტია. მაგალითად, რუსეთ-ჩეჩნეთის ომის დროს, „სნიკერსი“ ჩეჩენი მებრძოლების საყვარელი ნუგბარი გახლდათ. სპარსეთის ყურეში მიმდინარე საომარი მოქმედებების დროს კი მას ყველა ამერიკელი ჯარისკაცის ჩანთაში იპოვიდით.
„სნიკერსის“ პოპულარობა ისე გაიზარდა, რომ ექიმებმა განგაში ატეხეს, ვინაიდან ტკბილეულის ყოველდღიურად და დიდი რაოდენობით მიღება ჯანმრთელობისთვის საზიანოა.
„სნიკერსის“ მწარმოებლებმა წარმოების შემცირებაზე სასტიკი უარი განაცხადეს, თუმცა მედიკოსთა გაფრთხილებას იგივე ფასის პირობებში, „სნიკერსის“ წონის 7%-ით შემცირებით უპასუხეს. მათი განმარტებით, ეს მოგების გაზრდის მიზნით კი არა, ადამიანების ჯანმრთელობაზე ზრუნვის გამო გააკეთეს, თუმცა შედეგად შემცირდა თუ არა „სნიკერსის“ მოხმარება, ეს, ჯერჯერობით, არავის დაუთვლია.