არავინ იცის, ეს კუნძული როდის გაჩნდა, თუმცა უკვე დადგენილია, რომ ის ხავსისგან შედგება და ხავსის ლპობის შედეგად გამოყოფილი აირების წყალობით ცურავს.
2005 წელს ტბაზე საშინელი შტორმი ამოვარდა და კუნძული ნაპირთან, სწორედ იმ ადგილზე მიაცურა, სადაც ენდრიუ რენას სახლი მდებარეობს.
ნაპირთან მიახლოებისას კუნძულმა ღობე დაანგრია და მხოლოდ ენდრიუს სახლის უკან მდებარე ეზოსთან შეჩერდა. დილას, სახლის აივანზე ყავის ჭიქით გამოსულ ენდრიუს თვალწინ უცნაური კუნძულის მშვენიერი ლანდშაფტი გადაეშალა.
ენდრიუს თქმით, როცა კუნძული მოძრაობას იწყებს, ნაპირზე ტკაცუნის ხმები ისმის, რომელიც ხის ფესვების დაწყვეტის ხმას წააგავს, თუმცა ამჯერად ასე არ მოხდა. კუნძული ენდრიუს სახლთან ისე ჩუმად „მიიპარა“, რომ ფოთოლიც არ გაშრიალებულა.
ადგილობრივი მცხოვრებლების თქმით, კუნძული ძალიან „უცნაურად იქცევა“ - ჯერ ერთ ნაპირს მიადგება და რაღაც პერიოდს დაჰყოფს, შემდეგ კი მოულოდნელად მეორე ნაპირისკენ გაემართება.
1993 წელს მოსახლეობა კუნძულის დაბმასაც კი მოითხოვდა, რათა თავისი დაუსრულებელი „სეირნობით“ ტბის ნაპირზე განთავსებული შენობა-ნაგებობები არ დაეზიანებინა, მაგრამ ეკოლოგებმა ამის გაკეთება აუკრძალეს. მათი თქმით, მცურავი კუნძულები ისეთ იშვიათობას წარმოადგენს, რომ მათთვის შეზღუდვებისა და აკრძალვების დაწესებამ შეიძლება, გამოუსწორებელი შედეგები მოიტანოს.
ფოტოზე ხედავთ 2001 წელს თანამგზავრიდან გადაღებულ island pond-ს.