გახსოვდეთ, ქალებს მხოლოდ კენტი რაოდენობის ყვავილებისგან შემდგარი თაიგული უნდა აჩუქოთ, წყვილი ყვავილი სამძიმრის ცერემონიებზე მიაქვთ!
გირჩევთ, პირველი პაემნისთვის 5 ყვავილისგან შემდგარი თაიგული შეიძინოთ - ეს ნეიტრალური თაიგულია, რომელსაც ისეთ ადამიანებს ჩუქნიან, რომლებსაც კარგად არ იცნობენ.
3 ყვავილს მხოლოდ საყვარელ ადამიანს ჩუქნიან.
ბედნიერ ქორწინებაში მყოფ ცოლებს უმჯობესია, 11 ვარდისგან შემდგარი თაიგული მიართვათ.
25 წითელი ვარდი სიყვარულის უსიტყვოდ ახსნას ნიშნავს, 29 ვარდი კი მარადიული სიყვარულის სიმბოლოა.
თუ ქალის მიმართ განსაკუთრებით ამაღლებულ გრძნობას განიცდით, 101 ვარდისგან შემდგარი კალათა უნდა მიართვათ.
იუბილეებსა და დაბადების დღეებზე იმდენი ყვავილი მიაქვთ, რამდენი წლისაც იუბილარია.
8 მარტს უპირატესობას მომცრო ზომის თაიგულებს ანიჭებენ, თუმცა, ერთი ვარდის ჩუქებაც დასაშვებია. ყვავილების ენაზე, ერთი ვარდი გაუბედავ სიყვარულს ნიშნავს, ამიტომ მისი ჩუქება პირველ პაემანზეც შეიძლება. ეს ინტერესისა და სიმპათიის ნიშანია.
რაც შეეხება ყვავილების ფერს:
ახალგაზრდა გოგონებს ღია და პასტელის ფერის კოკრებს ჩუქნიან.
ასაკოვანი ქალბატონებისთვის კი მკვეთრი ფერის გაშლილ ვარდებს არჩევენ.
ყვავილების არჩევის დროს ქალის თმის ფერზე ორიენტირებაც შეიძლება: მუქთმიან ქალბატონებს დიდი ზომისა და კაშკაშა ფერის ყვავილები იზიდავთ, ქერები კი უპირატესობას მომცრო ზომის, თეთრ ან კრემისფერ ყვავილებს ანიჭებენ. ჟღალი თმების ქალებისთვის შესაფერისია ცისფერი ან იასამნისფერი შეფერილობის კოკრები.