1. მძინარე ადამიანი - მძინარე ადამიანის ენერგეტიკული ველი დაუცველია. შესაბამისად, თუ ექსტრასენსი ან მაგი ფოტოზე მჩხიბავობას აპირებს, აუცილებლად იმ კადრს გამოიყენებს, რომელზეც პოტენციურ მსხვერპლს სძინავს.
2. ფოტო სარკეში - ითვლება, რომ სარკე „ისრუტავს“ იმ ადამიანის ენერგეტიკას, ვინც მასში იხედება. თუ ეს ნეგატიური ენერგეტიკაა, აუცილებლად ფოტოზე დარჩება. ეს განსაკუთრებით მრავალწლიანი ისტორიის მქონე და გარდაცვლილი ადამიანების სარკეებს ეხება.
3. ფოტო სასაფლაოზე - არასოდეს გადაიღოთ ფოტო სასაფლაოზე, რადგან ამბობენ, რომ შეიძლება ამან მძიმე და ზოგჯერ განუკურნებელი დაავადება გამოიწვიოს.
4. ავადმყოფი ადამიანების ფოტო - არსებობს რწმენა, რომ ავადმყოფი ადამიანისთვის ფოტოს გადაღებამ შეიძლება მისი მდგომარეობა დაამძიმოს.
5. ბავშვების ფოტოები, რომლებსაც ერთი წელი არ შესრულებიათ - პატარებისთვის ფოტოების გადაღების შემთხვევაში, ორი მთავარი წესი უნდა დაიცვათ: რაც შეიძლება ცოტა ფოტო უნდა გადაიღოთ და რაც მთავარია, არ აჩვენოთ ეს ფოტოები უცხო ადამიანებს. ბუნებრივია, მათი სოციალურ ქსელში განთავსება დაუშვებელია. ექსტრასენსების თქმით, ასეთ ასაკში ბავშვი განსაკუთრებით დაუცველია უცხო ენერგეტიკის მავნე გავლენისგან.
6. ფოტო მიტოვებული შენობების ფონზე - მიიჩნევენ, რომ ასეთი ფოტოები ადამიანს სასიცოცხლო ძალას ართმევს, ვინაიდან მიტოვებული შენობების უარყოფით ენერგეტიკას შეუძლია ფოტოდან ადამიანზე გადავიდეს.
7. საათთან გადაღებული ფოტო - არასოდეს დადოთ ცოცხალი ადამიანების ფოტო საათის ქვეშ. ეს ცუდის მანიშნებელია და მიიჩნევენ, რომ ადამიანის სიცოცხლეს ამოკლებს.
8. ერთ ოთახში ცოცხალი და გარდაცვლილი ადამიანების ფოტოების განთავსება დაუშვებელია. ეს მხოლოდ ენერგეტიკის და შესაბამისად, ჯანმრთელობის გაუარესებას გამოიწვევს. ასე რომ, გარდაცვლილ ადამიანებთან გადაღებული ფოტოები ალბომებში მოათავსეთ და მხოლოდ თვეში ერთხელ ან უფრო იშვიათად დაათვალიერეთ.
9. არასოდეს გააფუჭოთ ფოტოსურათი - თუნდაც ძალიან არ მოგწონდეთ, ფოტო არასოდეს დახიოთ, არ დაწვათ და წყალს არ გაატანოთ. ექსტრასენსები ამტკიცებენ, რომ ეს ჯადოს გაკეთების ყველაზე მარტივი მეთოდია.
ზემოთქმულს შეგიძლიათ დაუჯეროთ, შეგიძლიათ - არა, მაგრამ ყოველი შემთხვევისთვის გახსოვდეთ, რომ „სიფრთხილეს თავი არ სტკივა“.