ავიაკატასტროფა 2010 წლის 25 აგვისტოს კონგოში მოხდა.
ამ დღეს პატარა ავიაკომპანია filair-ის თვითმფრინავი let l-140, ქალაქი ბანდუდუს მიმართულებით, ჩვეულ რეისს ასრულებდა. თვითმფრინავის ბორტზე 19 მგზავრი და ეკიპაჟის 3 წევრი იმყოფებოდა: პირველი პილოტი და ავიაკომპანია filair-ის მფლობელი - ბელგიელი დანიელ ფილემოტი, მეორე პილოტი - ბრიტანელი კრის უილსონი და სტიუარდესა - ფილემოტის ნათესავი გოგონა ლუსი.
თვითმფრინავი უკვე დაჯდომისთვის ემზადებოდა, როცა სალონში პანიკა ატყდა - ერთ-ერთი მგზავრის უზარმაზარი ჩანთიდან ნიანგი გამოძვრა, რომელიც ბანდუდუში გასაყიდად მიჰყავდათ.
პანიკაში ჩავარდნილი მგზავრები პილოტების კაბინას მიაწყდნენ. სიმძიმის ცენტრის მკვეთრი ცვლილების გამო პილოტმა თვითმფრინავის მართვა ვეღარ შეძლო და დასაფრენ ზოლამდე ერთ კილომეტრში ჩამოვარდა. თვითმფრინავში მყოფთაგან მხოლოდ ორი გადარჩა - ნიანგის პატრონი და მისი ნიანგი.