კლაუსი ჰყვება, რომ სკამი სპეციალურად, შხაპის მიღებისთვის შეიძინა, რადგან, მუხლის ტრავმის გამო, ფეხზე დგომა უჭირდა.
როცა სკამზე დაეშვა, კლაუსმა იგრძნო, რომ მისი გენიტალიები MARIUSI-ის ნახვრეტებში ჩაეშვა, მაგრამ თავიდან ამისთვის ყურადღება არ მიუქცევია. მალე ცხელი წყლის ზემოქმედების შედეგად სხეულის ინტიმური ნაწილები იმდენად გაფართოვდა, რომ კლაუსი ხაფანგში გაება.
„ფეხზე ადგომა და განძრევა ვერ შევძელი, ამიტომ სასწრაფოდ იმაზე ფიქრი დავიწყე, როგორ გავთავისუფლებულიყავი „ხაფანგიდან“. რა თქმა უნდა, ყველა სისხლიან იდეაზე უარი ვთქვი და სკოლაში ნასწავლი ფიზიკა გავიხსენე. მალე შხაპიდან, ცხელის ნაცვლად, გრილი წყალი წამოვიდა, რომელიც ისეთი ყინულოვანი გახდა, როგორც ჩემი სიდედრის ღიმილი, როცა ჩემი და მისი ქალიშვილის ქორწინების ამბავი გაიგო“, - იუმორით წერს ნორვეგიელი.
მეცნიერული ცოდნის პრაქტიკაში გამოყენების შედეგად, ერთიანად აკანკალებული კლაუსი ხაფანგიდან გათავისუფლდა და აბაზანა მშვიდობიანად დატოვა. ის ერთხანს IKEA-თვის ჩივილს აპირებდა, შემდეგ კი ინციდენტს ჩვეული იუმორით შეხედა და დაინტერესდა, მიიღებს თუ არა IKEA NORGE ფირმის მაღაზია ანალოგიური ფორმის, მაგრამ ყვითელი ფერის სკამებს.
„გირჩევთ, აბაზანიდან სკამი მოაშოროთ, მაგრამ, თუ მისი დატოვება გადაწყვიტეთ, დარწმუნდით, რომ სათანადოდ ხართ ჩაცმული“, - უპასუხა ნორვეგიელს IKEA NORGE-ს წარმომადგენელმა.