1. როცა ცარიელ ლიფტში შედიხართ, თქვენ, ავტომატურად, ლიფტის კაპიტანი ხდებით და სანამ კაბინას დატოვებთ, გარკვეული პასუხისმგებლობა გეკისრებათ.
2. კაპიტნობის პერიოდში, ვალდებული ხართ, ღილაკებიან დაფასთან დადგეთ და თანაც stop ღილაკით კარი გეჭიროთ მანამ, სანამ ლიფტის მომლოდინე ყველა ადამიანი კაბინაში არ შემოვა.
3. მგზავრების შემოსვლის შემდეგ აჭერთ ღილაკზე, რომელიც კარს კეტავს. თუ იმ მომენტშიც მოინდომა ვინმემ ლიფტში შემოსვლა, კარი კვლავ უნდა გააღოთ და ახალი მგზავრი კაბინაში შეუშვათ. 
4. ლიფტის კაპიტანი ვალდებულია, ყველა სართულზე, სადაც ლიფტი გაჩერდება, კარი stop ღილაკით დაიჭიროს. 
5. სასურველ სართულზე გაჩერებული ლიფტიდან კაპიტანი უკანასკნელი გადის, როგორც ნამდვილ გემის კაპიტანს შეეფერება. 
6. კაპიტნის კაბინიდან გასვლის შემდეგ მომდევნო კაპიტანი ხდება ადამიანი, ვინც ყველაზე ახლოს დგას ღილაკებიან დაფასთან. ახალი კაპიტნის პირველი მოვალეობაა, კარი დაიჭიროს, სანამ ძველი კაპიტანი კაბინას დატოვებს.
ამ ყველაფრის გათვალისწინებით, იაპონიაში თუ მოხვდებით, ეცადეთ, ლიფტში პირველი არ შეხვიდეთ და ღილაკებიანი დაფისგან მოშორებით დადგეთ. ჯობია, ლიფტის კაპიტნის შრომას გვერდიდან ადევნოთ თვალი.
