საინფორმაციო სააგენტო citylab.com-ის ინფორმაციით, ნიდერლანდების პროვინცია ფრისლანდიის დედაქალაქ ლაუვარდენსა და მეზობელ ქალაქ სტიენს შორის სულ ახლახან კიდევ ერთი ველობილიკი დაიგო, რომელიც სხვა გზებისგან მასალით განსხვავდება: ასფალტში დამატებულია გადამუშავებული ტუალეტის ქაღალდი.
ახალი გზის საფარი ადგილობრივი ცელულოზის გადამამუშავებელი კომპანიის ტექნოლოგიით შეიქმნა, რასაც რამდენიმე მიზეზი აქვს. ყოველწლიურად, ჰოლანდიაში 180 000 ტონა ტუალეტის ქაღალდს მოიხმარენ.
კანალიზაციაში მოხვედრილი ქაღალდის ფრაგმენტებს სპეციალური ფილტრი აგროვებს. ამის შემდეგ ქაღალდის მასას მილებიდან იღებენ, აშრობენ და ასტერილებენ. მიღებულ, რბილ მასალას კი ასფალტში უმატებენ. ასეთი გზის საფარი წყალს კარგად ისრუტავს და წვიმის დროს არ სრიალებს.
ბუნებრივია, ქაღალდის წვის დროს, ატმოსფეროში ნახშირორჟანგი გამოიყოფა, რომლის შემცირებაზე ამჟამად, მთელი მსოფლიო თავს იმტვრევს. ამასთანავე, ცელულოზას სახით, იკარგება პოტენციურად გამოსაყენებელი რესურსი. ახალი მეთოდი კი ტუალეტის ქაღალდს სხვადასხვა მიზნისთვის გამოსადეგარს ხდის.
ასევე წაიკითხეთ: სასაცილო კანონები აშშ-ს შტატებსა და ქალაქებში