როგორ გაანადგურა 1954 წელს საბჭოთა კავშირმა 43 000 საბჭოთა ჯარისკაცი?

14 სექტემბერს ორენბურგის ოლქში, ტოცკის სამხედრო პოლიგონზე ჩატარდა სამხედრო წვრთნა „ფიფქი“. წვრთნების მიმდინარეობისას, ატომური იარაღის ეფექტურობის შემოწმების მიზნით, პოლიგონზე 40 კილოტონის სიმძლავრის ბომბი ჩამოაგდეს.  
„პირობითი მოწინააღმდეგის თავდაცვის ხაზის გასარღვევად“ აფეთქების ეპიცენტრში, სადაც უკვე 15 000-მდე სამხედრო მოსამსახურე და მსჯავრდებული იმყოფებოდა, დამატებით, 45 000 სამხედრო მოსამსახურე გადაისროლეს. სამხედრო წვრთნებს მარშალი ჟუკოვი ხელმძღვანელობდა, რომელმაც მოსალოდნელი შედეგების შესახებ მშვენივრად უწყოდა და, რა თქმა უნდა, თავად პოლიგონზე არ იმყოფებოდა.

ბომბი მიწიდან 350 მ-ის სიმაღლეზე აფეთქდა. დაახლოებით 5-7 წუთში წარმოქმნილმა ატომურმა სოკომ 15 კმ-ის სიმაღლეს მიაღწია. პირადი შემადგენლობის დიდმა ნაწილმა რადიაციის სასიკვდილო დოზა ბომბის ჩამოგდების პირველივე საათებში მიიღო. სწავლება მაშინვე გაასაიდუმლოეს და მის ყველა მონაწილეს სამხედრო საიდუმლოების შენახვის 25-წლიანი პირობა ჩამოართვეს.