2011 წლის 11 მარტს, 14 საათსა და 46 წუთზე წყნარ ოკეანეში, ტოჰოკუს რეგიონთან, მაგნიტუდით 9,0 მიწისძვრა მოხდა, რომელმაც იაპონიას უდიდესი ზარალი მიაყენა. დაზიანდა რკინიგზა და საავტომობილო გზები, დადნა ორი ატომური სადგურის რეაქტორის აქტიური ზონა და აფეთქდა ფუკუშიმას ატომური სადგური.
კატასტროფის შედეგად, ატომური სადგურის რეაქტორებიდან რადიაციული ნივთიერებები წყნარი ოკეანის წყლებში ჩაიღვარა, რაც კაცობრიობის ისტორიაში ყველაზე მასშტაბურ რადიაციულ დაბინძურებად იქცა და ეს პროცესი დღემდე გრძელდება!
ფუკუშიმას ატომური სადგურიდან წყნარ ოკეანეში ყოველდღიურად 300 ტონა რადიაციული ნარჩენი ჩაედინება, რადგან რეაქტორების შეკეთება არ ხერხდება. უზომოდ მაღალი ტემპერატურის გამო, სპეციალისტები მასთან მიახლოებას ვერ ახერხებენ, ამიტომ გასაკვირი არ არის, რომ ხუთი წლის მანძილზე ფუკუშიმამ რადიაციით მთელი წყნარი ოკეანე დააბინძურა. ჩრდილოეთ ამერიკის დასავლეთ სანაპიროებზე უკვე აშკარად იგრძნობა რადიაციის ზემოქმედება.
კანადის დასავლეთში მეცნიერებმა რადიაციის დონის 300%-ით ზრდა დააფიქსირეს.
2013 წელს რადიაციამ კანადის დასავლეთით მდებარე ამერიკის შტატ ორეგონამდე მიაღწია. ამ რეგიონში უკვე შეინიშნება ოკეანის ბინადრების მასიური კვდომის ფაქტები.
2014 წელს კალიფორნიის პლაჟებზე რადიაციის დონე 500%-ით გაიზარდა. მეცნიერების თქმით, რადიაციამ მხოლოდ ჩრდილოეთ ამერიკის დასავლეთ სანაპირო კი არა, მთელი წყნარი ოკეანე დააბინძურა.
ამჟამად, ის 5-10-ჯერ უფრო რადიაციულია, ვიდრე მეორე მსოფლიო ომის დროს, როცა ამერიკამ ამ რეგიონში ატომური ბომბები ჩაყარა.