კაცი, რომელიც ცეცხლში არ იწვის, წყალში არ იძირება და მაინც ყველაზე უიღბლოა

უბედურებათა წყება ლაინის დაბადებისთანავე დაიწყო, როცა ღარიბი გლეხის მეხუთე ბავშვი ფილტვების თანდაყოლილი დაავადებით დაიბადა. ექიმებს მისი გადარჩენის იმედი არ ჰქონდათ, მაგრამ ყველას გასაოცრად, მკურნალობამ შედეგი გამოიღო. ჯონი გადარჩა, თუმცა ეს მისი ცხოვრების ერთადერთი განსაცდელი არ ყოფილა.

ბიჭუნა წლინახევრის იყო, როცა ეზოში თამაშის დროს ძლიერი სადეზინფექციო ხსნარით სავსე ბოთლი იპოვა და მოსვა. ჯეკს ბავშვური ცნობისმოყვარეობა კინაღამ სიცოცხლის ფასად დაუჯდა. ის სასწრაფოდ კლინიკაში გადაიყვანეს და კუჭი გამოურეცხეს. ექიმების სწრაფი მოქმედების შედეგად, ჯონის გადარჩენა მოხერხდა.

მორიგი ინციდენტი ჯონ ლაინის მოზარდობის ასაკში მოხდა, როცა ბიჭუნა ხიდან ჩამოვარდა და მარჯვენა ხელი მოიტეხა. სასწრაფო დახმარების მანქანა, რომელსაც ბავშვი კლინიკაში მიჰყავდა, გზაზე  ავარიაში მოყვა. შედეგად, ჯონმა მარჯვენასთან ერთად, მარცხენა ხელიც მოიტეხა. გამოჯანმრთელების შემდეგ, ბიჭუნა ურიკიდან გადმოვარდა და სატვირთო ავტომანქანამ გადაუარა, მაგრამ ბედად, საბურავებს შორის გაძვრა და ცოცხალი გადარჩა.

უკვე ზრდასრულს მეხი დაეცა და ამ შემთხვევაშიც, ცოცხალი დარჩა.
თავისი არცთუ ხანგრძლივი ცხოვრების მანძილზე, ჯონ ლაინმა სიკვდილს 16-ჯერ ჩახედა თვალებში და ყოველთვის გამარჯვებული დარჩა, თუმცა მას მაინც ბრიტანეთის ყველაზე უიღბლო ადამიანის ტიტული ერგო.