როგორ მივხვდეთ, რომ ნოუთბუკი მწყობრიდან გამოდის?

მყარი დისკი ხმაურიანად და შენელებულად მუშაობს.
ნოუთბუკი ისეთი უბრალო დავალების შესრულების დროს „ჭედავს“, როგორიც ტექსტის აკრეფაა.
გაგრილების სისტემამ ხმაურით მუშაობა დაიწყო.
ჩართვისას, ნოუთბუკი უცნაურ ხმებს გამოსცემს, თავისით ითიშება და გადატვირთვას ახდენს.

ახლა კი ამ საჭირო და სასარგებლო ნივთთან სწორად მუშაობის წესებს გაგაცნობთ, რომლებიც აუცილებლად დაგეხმარებათ:

1. აუკრძალეთ თქვენს ოთხფეხა მეგობრებს ნოუთბუკთან მიახლოება. როგორც წესი, კატებს მომუშავე მოწყობილობის სითბო იზიდავს, მაგრამ, თუ მათი ბეწვი გაგრილების სისტემაში მოხვდა, ეს შეიძლება გადახურების და სხვა პრობლემების მიზეზი გახდეს. ნურასოდეს მიირთმევთ საკვებს ნოუთბუქთან. კლავიატურაში ჩაცვენილმა ნამცეცებმა შეიძლება კონტაქტის დაკარგვა და წრედის გაფუჭება გამოიწვიოს.
2. ფრთხილად მოეპყარით ნოუთბუკს გადატანისას, თუ მასში არ არის დამონტაჟებული ssd, ანუ ახალი თაობის მყარი დისკი, რომელიც მეხსიერების ჩიპებს იყენებს. ნოუთბუკს უამრავი მოძრავი ნაწილი აქვს, რომელიც ადვილად ტყდება და ძლიერი რყევისას, შეიძლება საჭირო ინფორმაცია დაკარგოთ.
3. სწორად შეინახეთ კაბელები. არ დაკეცოთ და დაახვიოთ ისე, რომ დააზიანოთ. ეცადეთ, რომ კვების ბლოკის კაბელი გამვლელს ფეხებში არ წამოედოს.
4. ნუ დატოვებთ ნოუთბუკს დასატენად 24/7 პრინციპით, რადგან ასე შეიძლება მოწყობილობა დააზიანოთ, რომელიც ელემენტს გადახურებისგან იცავს.
5. გაუფრთხილდით ეკრანს. ნუ დადებთ დაკეცილ ნოუთბუკზე ნივთებს. სიფრთხილე გამოიჩინეთ მოწყობილობის გახსნისა და დახურვის დროს. ნუ გახსნით ცალი ხელით, მარჯვენა ან მარცხენა მხრიდან. ამან შეიძლება ეკრანის დეფორმირება და დისპლეიზე ზოლების გაჩენა გამოიწვიოს.
6. დაუშვებელია ჩართული ნოუთბუკის რბილ ზედაპირზე დადგმა. მოწყობილობას ქვედა ნაწილში აქვს სავენტილაციო ჭრილები, საიდანაც ცივი ჰაერის შესვლა და თბილი ჰაერის გამოსვლა ხდება. ნოუთბუკმა რომ „ისუნთქოს“ და არ გადაიწვას, ეს გასასვლელები არ უნდა დაახშოთ. ეს პრობლემა განსაკუთრებით აქტუალურია ზაფხულში, ამიტომ გირჩევთ, სპეციალური სადგამი შეიძინოთ, რომელიც ნოუთბუკს გადახურებისგან დაიცავს.
7. მოარიდეთ ნოუთბუკი მაგნიტებს, რადგან მათთან სიახლოვემ შეიძლება მუშაობაში ხარვეზები და მონაცემების დაკარგვა გამოიწვიოს.
8. როგორც არ უნდა ჩქარობდეთ, სწორად გამორთეთ მოწყობილობა. მკვეთრმა მოძრაობებმა შეიძლება კაბელის თავი დააზიანოს, რაც კვების ბლოკის დამუხტვასთან დაკავშირებულ პრობლემებს გამოიწვევს.
9. ნოუთბუკის გადასატანად გამოიყენეთ რბილი შალითა ან სპეციალური ჩანთა.
10. დაუშვებელია ნოუთბუკის ეკრანის გაწმენდა წყლით და ჩვეულებრივი ქსოვილით. ამისთვის სპეციალური გამწმენდი საშუალებები არსებობს.
11. ნუ დატოვებთ ჩართულ ნოუთბუკს, თუ დღის განმავლობაში მის გამოყენებას არ აპირებთ. გაითვალისწინეთ, რომ უწყვეტი მუშაობა გაგრილების სისტემის დაზიანებას და მყარი დისკების ცვეთას იწვევს. თუ ნოუთბუკის დღეში რამდენჯერმე გამოყენება გიწევთ, „ძილის რეჟიმზე“ გადაიყვანეთ.
12. ნუ დადგამთ ჩაით ან ყავით სავსე ჭიქას ნოუთბუკის სიახლოვეს. ერთი გაუფრთხილებელი მოძრაობა და სითხე, რომელიც დენის კარგი გადამტანია, შეიძლება კლავიატურაზე დაგეღვაროთ. ამან შეიძლება ნოუთბუკი ძალიან დააზიანოს. სულ მცირე, კლავიატურის დაზიანება გარანტირებული გაქვთ.