დიახ, ცრუ რწმენაა თუ ექსტრასენსების გამონაგონი, არავინ იცის, თუმცა არსებობს მოსაზრება, რომ 24:00 საათის შემდეგ სარკეში ჩახედვა ადამიანს სასიცოცხლო ძალას აცლის.
უცენზურო სიტყვების გამოყენებისას სარკეს შეუძლია, უარყოფითი ენერგეტიკა მიიღოს და შემდეგ, ბუმერანგივით, უკან დაგიბრუნოთ.
ექსტრასენსები გვირჩევენ, რომ სარკის წინ მხოლოდ სასიამოვნო სიტყვები ვთქვათ და საკუთარი თავი არავითარ შემთხვევაში არ ვაკრიტიკოთ. ასეთი, ერთგვარი რიტუალი უსიამოვნებებისგან დაგვიცავს.
ამბობენ, რომ სარკის წინ ჭამის დროს, ადამიანი საკუთარ ჭკუას, სილამაზესა და ჯანმრთელობას „ჭამს“. მართალია თუ არა, არავინ იცის, თუმცა ბედს ნუ გამოცდით.
არცთუ შორეულ წარსულში ადამიანებს სწამდათ, რომ ახალშობილის ბიოლოგიური ველი ჩამოუყალიბებელია, ამიტომ ნეგატიური გავლენისგან დასაცავად, ცდილობდნენ, ბავშვი სარკისთვის მოერიდებინათ.
სასურველია, რომ სარკე შემოსასვლელი კარის წინ არ იდგას, რადგან არსებობს მოსაზრება, რომ ღია კარიდან უარყოფით ენერგიას ისრუტავს.
დაუყოვნებლივ მოიშორეთ გატეხილი სარკე თავიდან. თუ ადამიანი ერთდროულად, საკუთარ რამდენიმე გამოსახულებას ხედავს, მისი ენერგეტიკა შეიძლება დანაწევრდეს.