ფსიქოლოგის თქმით, როცა ჰელოუინის დასრულებისთანავე, ვიდრე ახალ წლამდე, ადამიანებს საშობაო სიმღერების მოსმენას ვაიძულებთ, ეს მათში გაუცნობიერებელ სტრესს იწვევს.
მიზეზი ის გახლავთ, რომ მელოდია ქვეცნობიერად, ზამთრის დღესასწაულების მოახლოებასთან დაკავშირებულ ხარჯებთან ასოცირდება.
დიდი ხნით ადრე საახალწლო მელოდიების მოსმენისას ადამიანი განიცდის, რომ შობის დღესასწაულს მოუმზადებელი ხვდება.
„როცა საშობაო მელოდია ნაადრევად და ძალიან ხმამაღლა ჟღერს, ეს ადამიანებს აღიზიანებს და ახსენებს, რომ უნდა შეიძინონ საჩუქრები, პროდუქტები სადღესასწაულო სუფრისთვის, დაგეგმონ სტუმრიანობა და ა.შ. პირადად მე დეკემბრის დადგომამდე საშობაო მელოდიებს არ ვრთავ, მაგრამ მაღაზიაში მომუშავე ადამიანებს არჩევანი არ აქვთ და ნოემბრიდან ამის მოსმენა უწევთ“, - ამბობს ფსიქოლოგი. ლინდას განმარტებით, მუსიკა ყველაზე მეტად სუპერმარკეტებში მომუშავეებზე ახდენს გავლენას, რომლებსაც მხიარული მელოდიების ფონზე მძიმე სამუშაოს შესრულება უწევთ.