ქალაქი-მოჩვენება, სადაც არავინ ცხოვრობს

ახალი ქალაქი ზღვისგან მოშორებით, შუა უდაბნოში აშენდა, რომლის მახლობლად მდინარე არ ჩამოედინება.
ესპანელმა ბანკირებმა „ოცნების ქალაქში“ ბინების შეძენის მსურველთათვის კრედიტების გაცემა დაიწყეს. თავშენახული ესპანელები სიბერისთვის გადანახული ფულს „სესენას“ მშენებარე ბინებში დებდნენ - ძველ საცხოვრებელ ბინებს იპოთეკით ტვირთავდნენ, რათა ახალ ქალაქში ბინა შეეძინათ, თუმცა, გრანდიოზულ გეგმებს ასრულება არ ეწერა...

2008 წელს ესპანეთის ხელისუფლებამ სასმელი წყლისა და შესახლების ნებართვის არარსებობის გამო, „სესენაში“ ბინების გაყიდვის პროცესი შეაჩერა.
ამასთანავე, მილიარდერი გადასახადების გადაუხდელობასა და ქრთამის მიცემაში დაადანაშაულეს.
საქმე იმდენად გამწვავდა, რომ ტოლედო იძულებული გახდა, მშენებლობა მიეტოვებინა და გვინეაში გაქცეულიყო. მილიარდერის წასვლისთანავე, „სესენაში“ ბინებზე ფასი დაეცა.

ადამიანები, რომლებმაც „სესენაში“ კომფორტული ბინები სამშენებლო ბუმის დროს, 200 000 ევროდ შეიძინეს, აღმოჩნდნენ ქალაქში, რომელსაც არც ტრანსპორტი აქვს, არც სკოლა და არც საბავშვო ბაღი. ათასობით მეპატრონეს ბანკმა ბინა დაუფარავი სესხის გამო წაართვა. ამჟამად, ცარიელი ქალაქის ქუჩებში ადამიანების ნაცვლად, ქარი დასეირნობს. ხოლო ცარიელი სახლების ფანჯრები აჭრელებულია წარწერებით „for sale“.